終於病到了!

頂咗幾日, 終於頂唔住, 病咗啦! 家陣暈吓暈吓咁寫blog。

原本Sunday嗰日抖番日, 巳經好好多, 最少無再流鼻水, 點知昨午帶咗小公主出去wet時, 突然落起毛毛雨, 都唔知係咪咁又中招。

昨天小公主嗰班去upstate旅行, 佢冇參加, 所以無返學, 中午時份老友嚟接我, 咁小公主就當然攞正牌跟住我哋去wet啦! 個衰妹前一晚已經問定我會去邊, 有乜嘢食做lunch。 點解我個女咁為食架, 真係失禮囉!

到下午接小王子放學時又再開始流鼻水, 仲不停咁打噴嚏。

今朝瞓醒個人仲十吓十吓 , 點知今日個天氣仲哀過昨日, 直頭係又凍又大風仲要大雨。啲媽媽blog友仔一定會明白, 接放學唔係一去到就接到走, 要等班大爺放學行出嚟, 就係咁, 我等小王子放學時, 擔住把遮, 食咗最少十分鐘西北風。

返到屋企唔止不停打噴嚏流鼻水, 仲要頭赤赤, C未。

但係我都有做好我份正職, 就係頂住都有住家飯過三位老細吃。

家陣飲埋碗苦茶都係早啲瞓, 我唔想睇西醫, 唔要食西藥。