12月9日飲食日誌

8:30am  抗氧酵精 30 ml

10:30pm  蘋果一個

1:15pm  灼菜心一大碟, 白粥一碗

4:00pm 荷葉草本茶一杯, 梳打餅四塊

5:00pm kisses朱古力一粒

7:30pm 灼菜心 + 义燒 + 燒肉 

9:00pm 木瓜一隻

重返職場day 2, 繼續忙忙忙, 今朝妹夫過嚟office搞掂晒啲internet線, online phone, 仲有我部laptop。Yeah! 可以上到網, 仲可以鼠上FB一轉,  咪比老細細妹知道我蛇王。

今日記得帶我隻蘋果做早餐, 都唔知攪乜鬼, 整乜我會拎住咁大袋嘢返工, 好似走佬咁! 靚靚問我帶咗d乜, 等我諗諗先~~~

有暖水杯一隻裝滿熱水(用嚟焗茶焗粥冲蜜糖都得), 草本茶, 纖體粥, 隱形眼鏡藥水, 梳打餅一包, 蒟蒻椰果, 蜜糖, 膠义膠匙羹, 抹手紙, 貨單及貨袋。真係好鬼重, 仲要放低對寶貝返學就拿拿林泊番架車返屋企, 揪住呢袋嘢去迫地鐵。

天啊! 10年未試過上落班時段同人迫地鐵, 呢part最唔慣, 又凍, 仲要著到裹蒸粽咁, 好辛苦啊! 放工迫完車返到屋企, 散晒! 

呢個weekend 啊妹會搞兩場講座, 仲有大把嘢要準備, 今日至决定好抽獎嘅禮物, 禮卷, 呢啲嘢要明日收工前ready, 又要去訂茶點, 仲有好多paper work要準備。而細妹呢兩晚要嘔掂埋佢講座用嘅power point。

我連續幾日唔夠瞓, 今朝連自己都覺得自己殘殘地, 個眼肚位唔多掂, 所以寫埋呢篇blog要早啲瞓, 唔係weekend見到咁多人時, 嚇親人就唔係幾好啦!

好彩honey幫我準備dinner, 雖然只係買燒味, 灼兩磅菜心, 但要多謝晒my dear! 點解我好似連續食咗幾餐灼菜心嘅, 今日lunch同昨天一樣, 明天要諗吓第二樣至得囉!

但我可憐嘅小王子今日惨遭遺棄。

皆因佢daddy唔記得咗星期四、五係比星期一至三, 早放學半個鐘, 結果呆等半小時都未有人接, 仲被人掟埋上校務處。好在而家大個仔冇驚到喊, 唔係就陰公囉! 啊媽返工第二日就搞成咁! 心痛C我呢!

我honey接完佢, 買番件佢最鍾意嘅三文治佢嘆, 即刻笑番!  不過小王子一見我放工返嚟, 立即埋嚟投訴佢daddy, 煮重佢米。

啊honey, 唔刻明日唔好又遺棄我對寶貝, 拜詫晒!