12月15日飲食日誌

8:45am   蘋果一個

10:15am 熱華田一杯

12:30pm 厦門炒米(走蝦及火腿絲) + 白灼菜心

2:30pm  紅提子一大碗

4:00pm 梳打餅3塊 + 荷葉草本茶一杯

7:30pm Grill Chicken Salad一碟

呵~~~昨晚實在太眼瞓啦! 放工返嚟食咗honey準備嘅愛心沙律, 冲埋個凉, 未夠9點半, 對眼已經唔聽使, 撐唔住, 要去瞓啦! 瞓醒先補番昨天既飲食日誌。

瞓足10粒鐘, 爽呀!  差d 唔知醒起身叫對寶貝返學。今日又day off, 可以唞唞义吓電。昨天係我同honey嘅結婚紀念日, 竟然我哋兩個都唔記得咗, 我個腦真係咁busy咩! 唔得, 揾日要佢補番數。我諗佢家吓仲未記得。

天氣實在太凍啦! 所以成日想食嘢, 特別係熱嘢! 所以我個保暖杯超有用。返工前本來想叫杯熱朱古力飲吓, 問餅鋪位啊姐有冇hot chocolate賣, 佢好大聲話有, 仲問我要唔要糖, 我都R晒頭, 乜唔係有糖嘅咩!  點知我見佢拎罐美綠出嚟沖比我, 啊姐, 究竟hot chocolate係乜你知唔知, 如果我要飲美綠嘅話, 我會直接叫啊華田囉! 激C我!

家陣返工, lunch要係出面食, 但要宇宙唔難, 同細妹一齊叫share兩份食, 佢雖然冇跟宇宙但又係無菜不歡嘅, 所以每日lunch主打一定有碟菜, 再叫肉飯粉麵都無問題, 我揀一樣,點都可以宇宙到, 正呀!

我仲醒目都帶一大盒紅提子返工做下午茶, 唔怕餓起上嚟亂食嘢!

所以要做至fit宇宙人絕對無難度! 你睇會長綠茶, 唔使兩星期就搞掂咗個5磅幾, 只要有决心, 健康瘦身無難度。