陪hea的一天

昨天Sunday hea足一日, 一家四口陪啊妹hea住咁血拼, 點解叫陪, 因為我哋冇乜買嘢, 但佢就滿載而歸囉!

呢幾日NY凍到癲, 日日徘徊係攝氏0度, 仲要大風, 呢個winter好難捱。 今日仲飄咗少少雪。

大家睇吓我昨天出外, 全套武裝咁出動, 由頭包到落腳, 副大眼超除咗用嚟遮太陽, 仲可以擋埋風, 一物二用。

因為小王子要驗眼, 所以第一站停Manhattan Chinatown, 驗完個結果係小王子要加入眼鏡一族。唉! 未去血拼, 我honey個豬仔就比人劏咗一刀。

搞掂小王子副眼鏡, 之後去咗對面街新開嗰間茶餐廳開餐, 食飽飽先去shopping。冇呃你哋, 間嘢真係叫茶餐廳, 你睇!

但啲食物水準比預期好, 叫唔錯, 因為NY City冇乜幾多間出色嘅茶餐廳囉!

但佢啲裝修就真係有放心思, 幾特別!

呢排柱係用碗碟叠成嘅, 而左上方排吊燈, 望真啲係維他奶樽嚟架!

餐廳嘅一邊牆有幾個呢啲會郁嘅燈箱, 街景係HK夜景嚟!

呢支冰鎮港式奶茶就有啲驚喜, 小天使阿Bi 話呢款奶茶係HK叫香檳奶茶喎!

但如果啲冰唔係咁多水會好啲囉! 似冰水浸港式奶茶多啲!

瑞士雞中翼, 我冇食, 另外四位食家話我整嘅瑞士雞翼好味啲, 真定假呀?

灼菜心, 正, 蠔油分開上, 我嘅。

呢個名不符實, menu寫奶油厚多士, 咁都叫厚, 唔係化? 話我知同普通奶油多有乜分別?

生炒牛肉飯, not bad, 我食咗半碗(走牛肉)!

白汁磨菇雞絲燴意粉, 呢個要讚吓啲意粉, 唔係烚完就上碟, 撈咗好少少牛油係啲意粉度, 所以冇痴埋一pat, 我試咗一撮仔意粉, 四位食家一致話掂!

總括嚟講真係唔錯嘅, 但size就細啲, 所以變咗價錢唔平喇!

食飽就去血拼!

你睇佢兩位又敗家啦!

佢哋每人出10個大洋, 好豪咁話幫佢家中兩隻bear bear置裝咁話。咁啱我honey又收到coupon, 可以帶多隻free bear bear返歸。開心C呢兩位小朋友。

我幫我位豪買嘅啊妹hold住佢啲戰利品。

啊妹買完朱古力再去買銀包, 但呢啲佢都係用嚟送比下屬及老友。所以最後佢話為免自己心理不平衡, 點都揾藉口要買番件短褸比自己。

Dinner我哋去咗Ruby Tuesday食, 小公主要求咗三個星期, 見嚟開呢邊shopping, 還佢心願啦!  點知人哋又玩出大牙, 食到呀呀聲, too bad, 我都幫唔到你囉! 哈~~~

呢個頭盤免費, 因為honey online揾到有coupon。慳咗US$11.99, 但好毒呀。

我份Petit sirloin加菜豆。

估吓邊三隻為食貓搞點咗呢嗰心太軟加雪榚。