12月14日飲食日誌

7:45am  抗氧酵精 30 ml

9:15am  Yogurt drink 一支

10:30am 梳打餅三塊

12:00pm 蘋果一個

12:30pm  蝦湯米粉一碗 + 凍咖啡少甜一杯

7:30pm 清炒節瓜一大碗 + 蠔油雞中翼三隻 + 青紅蘿蔔煲豬"月展"湯兩碗

9:30pm 啤梨一個

真係落雪啦! 好彩今朝起身時冇乜積雪, 今次呢隻係好乾唔濕嘅! 因為氣温實在太凍, 所以啲雪好似粉咁, 可以隨風飄起, 落呢種雪係最凍嘅! 

今日應該係呢個winter最凍嘅一日, 今朝送對寶貝返學, 得華氐21度, 即係HK嘅零下6度。嗰種凍係刺痛嘅, 企出室外唔使十分鐘, 已經好似係冰格咁, 塊面已經梗晒, 好似frozen咗, 無論你全副武裝出門, 一樣頂唔得幾耐, 入番室內有heat, 但個body好似要解凍咁, 最少十分鐘至有感覺。真係好多好多年都未試過凍成咁, 最慘係天氣預報嚟緊呢個星期都係30度樓下, 好難捱呀!

今日day off, 唔使返工, 朝早放低對寶貝返學, 就仆去超市入貨, 6大袋, 好鬼C重。放學前約老友吃lunch, 八番一輪, 減吓壓。

話咗今日要做好煮婦份工,  dinner梗要嚟個三餸一湯白飯任裝比佢哋嘆吓, 水準係其次, 最緊要有住家飯食, 有住家湯飲, 好過食外賣囉! 我自己都勁餓湯水, 狂飲兩碗。

但當我拎盒疍出嚟, 準備炒疍嘅時候, 有驚喜出現。我本來諗住用6隻疍, 點知後尾4隻搞掂, 但有7個疍黃喎!

第一隻孖黄, 好surprise, 即時叫小公主小王子過嚟睇, 仲要拍照留念, 真低能。 第二隻正常。

第三隻, 嘩! 又孖, 唔係化????? 今日乜嘢日子呀! 咁lucky!

諗住打多隻夠6個黄, 夠數就開爐炒疍, 心諗唔會連中三元呀! 叫honey hold住部相機, 睇吓仲有冇咁勁, 孖多一鋪, 一打開嚟, 真係賣桔, 又孖黃!!!!

最後四隻疍七個黄, 真係冇得頂。如果唔係出面凍到癲, 我會飛落樓去買番張六合彩囉! 做煮飯婆咁耐都係見過一次孖黄, 估唔到今次triple咁開孖黄, 相信呢個會係我個record 嚟!

好啦! 我要早d瞓, 唔係又一副衰樣咁返工, 到時趕客兼倒米。