平淡的聖誕日

小王子同honey兩位一齊係平安夜玩病, 但小王子發燒咗一日, 瞓醒到聖誕節已經好番七七八八, 識叫肚餓。但我位honey老細仲係病到十吓十吓, 天旋地轉, 最後瞓足兩日。而我同小公主就"out"咗兩日, 頭頂生冬菇咁濟。

下午小王子已經揾家姐同佢玩, 我當佢好番架啦! 另外位大爺仲多多要求, 又要東時又要西。而我係呢個悶到震嘅時候, 繼續發揮師奶精神, 上咗ebay, 左bid 右bid, 買完化粧袋又買礦物粉底試用裝, 再嚟多支Laura Mercier 嘅礦物隔離霜, 未夠, 嚟多盒Nars concealer再加多支Benefit 嘅benetint胭脂液。

正呀! 又平又抵! 完全平衡咗我嘅極度饑餓血拼候群症。 

買就買啦! 咁鬼多藉口!

到咗dinner time, 搞掂.....呀.....唔係.....係安頓好我位honey老細食通心粉之後, 我跟對寶貝無良地撇低咗佢。

無計啦! 再唔出去逛番個圈, 頭頂唔止生冬菇, "out"出靈芝都似! 我哋鼠咗出去六條街以外嘅日本餐館, 食聖誕大餐。

我自首, 清淡咗兩日, 呢餐我冇宇宙。 但有用孖寶補飛。

未開餐前, 小王子要做攝影師, 咁我蝕底啲做你個model喇!

先嚟兩個沙律。

再嚟魚生加壽司!

整多個Tempura 烏冬。呢個先毒呀!

呢位先生裝裝吓想點? 咪趁我吃烏冬嚟整鬼我喎!

食到飽飽地, 兩隻嘩鬼開始作反。

阿女, 你個貓樣會嚇走晒啲男生, 到時我冇大條灶"拿"比你喎!

小王子話要扮中東女人, 我叫佢正經啲, 最後你睇佢幾不滿。哼!

肚飽眼唔飽, 叫多咗, 呢堆加州卷係要打包嘅, 平日無病嘅小王子, 一定晨早幫我掃晒, 因為加州卷係佢至愛。埋單之後就漫步返屋企。

最後嚟多張聖誕燈飾夜境比大家睇啦!

Merry Christmas!