團購~~~眼睫毛增長液(已寄貨)

今天巳將眼睫毛增長液寄出啦!  巳付款的姊妹將於一星期左右收到。

~~~~~~~~~~~~~~~~~~~~~~~~~~~~~

名額巳滿, 截團啦!

一共有18位姊妹參加今次團購活動。

 團購名單:

1. Vivian (付)  2. YY Shirley(付)  3. 公仔(付)  4. 夢芝芝(付)

5. 小天使Jennifer (付)  6. Karen Cheung (付)  7. Miss Angie(hold)  8. 姬仙蒂(付)

9. Doll & Chin (付)  10.chichi (付)  11. Mimi (付)  12. Cheryl (付)

13. 珍妮貓(付)  14. Wendy(付)  15.二0二0(付)  16. 美麗在望(yen)(付)

17.  Panda媽(付)  18. starchan(付)

~~~~~~~~~~~~~~~~~~~~~~~~~~~~~~~~~~~~~~~

團購~~~眼睫毛增長液

早兩日分享完我用緊嗰支眼睫毛增長液後, 好多blog友仔有興趣, 更提議辨一次團購活動, 既然係咁我唔介意幫大家訂購再寄出比大家。上次教主講過團購嘅力量, 估唔到自己有機會玩埋一份。

今日我巳經check咗最update嘅價錢。

呢隻眼睫毛增長液的牌子係GrandeLash-MD 3.0ML, 每天晚上塗一次, 夠4個月用, 介紹單張指出連續使用3-5星期會見效果。我用咗大概四星期左右見效果。

原價US$59.95一支

現在promotion, 買二送一。(剛剛記得要加NY個購物稅)

US$119.99 + 8.875%稅(已包運費), 平均即係US$43.55一支,

連寄去HK嘅郵費大概US$4,

折合港幣應該係HK$365可以架喇!

有興趣購買的blog友, 請私人留言留下姓名, 電郵及地址, 我會提供銀行户口資料以供入數。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

眼睫毛增長液

上次答應過一啲小天使姊妹, 要講吓我用緊嗰支眼睫毛增長液, 我呢兩日已經揾番張介紹單張出來, 又係我堆photo file入面, 摷番今年3月中開始用之前, 影低個張before相出嚟比大家睇吓個分別。

話說今年3月頭, 我同老友走咗去睇NY一年一度嘅International Beauty Show(IBS), 我諗冇乜人會好似我哋兩位師奶咁癲, 會比US$85入場睇美容美髮產品 (哎喲! 比我件蜜糖睇見個價錢又心痛緊), 仲要睇得幾粒鐘趕住返嚟凑仔放學, 但見到咁多護膚品牌又真係睇到鬼咁high。

Anyway, 呢個IBS對我來講唔係第一次入場, 以前啊妹都係樹擺咗幾年show, 有兩年我同honey仲去埋幫手, 不過今年至真係要真金白咁比錢入場, 原來咁鬼貴架!

入到場梗係唔蝕底, 爭取時間揾番啲好嘢嚟買啦! 因為場內產品係以wholesale做目標, 唔係我哋呢啲蛋散師奶囉! 但啲貨品會比係市場上平好多。我哋仲唔見到好嘢就掃咩! 唔係點慳番個入場費呀!  仲好唔知醜咁問人拎番啲samples試吓。

本來我哋兩個都想買R字頭, 賣到過千蚊港紙嘅個支眼睫毛增長液嚟試, 平出面40%喎!  但我哋諗住走之前至買, 點知逛逛吓揾到依家我用緊嗰支。 點解會轉軚? 因為賣緊呢支眼睫毛增長液嗰位啊姊, 話介紹單張上嗰個before & after相係佢本人。

嘩! 佢啲眼睫毛真係又密又長喎! 好有說服力呢! 但佢都好老實咁話亞洲人唔知會唔會可以長都佢咁!  但我都决定一試。就係佢教我要用之前影番張相做比較嘅!

好啦! 大家睇睇有幾大分別。

BEFORE, 呢張日期係3月11日。

AFTER, 呢張係今日影嘅。

真係長咗好多及密咗少少。咦! 我家陣睇真啲兩副相, 我啲皮膚都好似好咗喎!  啲班淡咗好多, 連個黑眼圈都好咗, 嗱嗱嗱, 兩張都係素顏, 零化粧架!

噢! 唔好撐咗去大西洋, 講番支睫毛增長液先, 我用咗大概四星期左右, 就發覺啲眼睫毛長咗。我好乖架! 真係每晚都記得用, 因為我認為要test支產品work 唔work, 係要跟足指示。 唔跟足就話人冇效, 唔多公平囉!

我連續用咗三個月左右, 係暑假前停用, 我專登架! 試吓唔用佢會唔會打回原形, 因為我聽過有啲眼睫毛增長液停用之後會打回原形, 又話會甩睫毛, 好驚架嘛! 但係呢支又真係冇呢啲情況發生, 所以我覺得呢支眼睫毛增長液用得過。起碼無話有眼皮眼白變深色呢啲side effect出現。

所以我係返HK做實証前又買支嚟開始用番。

就係呢隻牌子喇!  blog友公仔問過HK有冇得賣, 我真係唔知喎!

見到左邊最上方嗰兩張相嗎? 我就係睇完佢轉軚試呢隻囉!  右邊係佢嘅成分介紹。

其實我仲試緊隻澳洲出嘅溶黑頭精華, 好快有結果, 遲少少再同大家分享。仲有隻抗氧化美白精華可以分享吓, 呢隻又貴又唔work, 唔好次次講好用嗰啲, no good 嘅都要講吓, 咁至fair嘛!

By the way, 我上星期upload咗我買嗰排公主李假眼睫毛上嚟, blog友Fanny話我買得咁平, 怕我買到假嘢! 叫我close up影張相上blog, 等佢幫我驗明正身。麻煩晒Fanny幫我望望佢。Thank you 晒!