12月13日飲食日誌

7:30am  抗氧酵精 30 ml

8:45am  Yogurt drink 一支

10:15am 蜜糖水一杯

2:00pm  白灼菜心半碟 + 雞疍燒餅半份

7:30pm 清炒黄芽白一大碗 + 北菇干燒伊麵半碗

9:30pm 蜜瓜切粒一碗

10:30pm 低脂奶一杯

出面落緊雪呀!  算好彩囉! 最少唔係今朝返工同放工時間落雪。希望落少少好啦! 唔係積埋一大堆, 聽日送返學時就論盡啦!  今日比架垃圾車塞咗10分鐘, 搞到小公主遲到。

返工一個星期, 忙係其次, 其實最唔慣上下班時段去迫地鐵, 真係十幾年未試過, 冇位坐仲要企足大半粒鐘, 迫到沙甸魚咁, 落車時巳經散咗一半。

昨天放工架N train地鐵玩我, 今日放工改搭D train啦, 點知又蝦我, 呆等咗半粒鐘先有車, 玩少我一日得唔得, 我只係想放工早啲返去見我honey同對寶貝啫, 比條路嚟行吓好喎!

今日兩餐都係菜加澱粉, 皆因honey今日做伙頭大將軍, 佢唔知我lunch食咗澱粉, 但佢煮乜我都食, 雖然佢只係煮咗碟菜, 啲伊麵係外賣, 但佢肯攪掂餐dinner, 我仲敢阿芝阿左咩!

太好啦! 聽日係休息日, 可以接對寶貝放學, 小王子最開心, 問咗我幾次聽日係咪接佢放學。佢同honey今日有啲古惑, 我懷疑小王子收咗"暗口費", 唔爆佢daddy又遲到接佢放學。  我要開個file查吓佢至得。

聽朝揾老友吃番個brunch先, 成個幾禮拜冇見佢, 好鬼掛住佢。我又開始感受到打工仔等放假個種期待的心情。