血拼日!

今日day off, 約好honey陪我去X'mas shopping, 未搞掂d gift呀! weekend就係聖誕節, 好趕架嘛!

茶茶太了解我, 查實返咗兩個禮拜工, weekend冇份去shopping, 身痕到C喇!

今朝兵分兩路, 我送對寶貝返學, honey返公司搞掂d 手尾, 再交低d 嘢比班細嘅做, 就出嚟同我行去行街街。好耐冇試過咁free, 二人世界咁shopping。

9點9出發, 爭取時間, 3點要趕番嚟接小公主放學。10點半到達目的哋, 好喇, 首先一定要搞掂班0靚嘅禮物, 一輪狂風掃落葉式咁出招, 不停遊走於童装部及玩具部, 終於搞掂啦!  但我都係女裝部買咗四件衫。 

咦! 做乜四件都係黑色嘅?!!!

嘩! 12點半, 我好多嘢都未買喎! 仲肚餓添! 今朝只係飲咗酵精同吃咗個apple咋! 騰咗成朝, 好鬼肚餓, 係shopping mall冇乜嘢揀, 漢寶包, 炸雞, 炸魚薯條??? 

NO! 我要宇宙。

最後係Subway三文治店, 比我揾到個veggie delite sandwiches on 9-grain wheat bread。

正呀! 有生菜蕃茄洋葱青瓜加青椒, 再加個fat free 嘅red wine vinegar sauce。

呢個全麥麵包toast一吓, 好好味架! 我冇飲汽水, 齋飲水, 話咗X'mas前要超宇宙, 留多d quota過節。

嘩! 整乜鬼我瞓足7粒鍾, 個樣仲殘殘地! 真係NO EYE SEE 囉! 呢個foot long sandwiches, 成呎長架! 我同honey share, 啱啱好。

火速食完lunch, 諗住行自己想買嘅嘢, 點知honey叫我幫佢揾番兩件禮物比佢公司兩位秘書小姐。吓! 唔係呀化? 你依家至講! 我去邊樹嘔兩件禮物出嚟呀! 諗吓都要時間架!  趕住返去接放學架老細。

唔理咁多, 望見間Victoria Secret, 飛入去grap兩盒gift set, 搞掂! 望吓個鐘1點10分, 我未睇西褲, 未入鞋舖仲未買粉底, 兩點前一定要走, 唔係一塞車就遲到接放學。剩番咁少時間, 我應該睇乜先呀!

最後係鞋舖冇入, 粉底買唔到, 西褲有睇但唔啱。夠鐘要走人, 我唔制吖, 人家想買嘅乜都冇買到, 我好唔想走呀!  行到到喉唔到肺, 咁點啫, 激C人激C人!

啍! 返一日工, 後日放假再出動, shop until drop!