學做精明消費者

一個精明嘅消費者真係要學識四圍格價, 原來真係可以差好多架!

早幾日晚飯後諗住去入番啲宇宙糧响~~~ 蔬菜生果, 點知係同一條街, 係同一條街呀!買同一樣生果, 個價格竟然可以勁過買股票, 高處未算高, 低處又未算低。

大家一齊嚟吓以上幅圖, 我哋由街尾第一檔睇起, d 士多啤梨賣$2.99一盒, 行過少少即時平咗五毫子, 再行過幾個鋪位, 同一隻牌子嘅士多啤梨已經係賣$1.99, 我已經想買, 但honey叫我睇埋街尾嗰間先喇!  行到街尾我真係O咀兩秒, $1.49!???  唔係化?

由街尾$2.99到街頭巳經變成$1.49, 相差一倍!  我無眼花吖!  同一條街竟然可以差咁遠。

大家再睇睇呢d 彩椒嘅價錢, $0.69-$1.99都有, size及新鮮程度相差冇幾, 價錢相差多過一倍, 分別係掉轉, 今次係街尾嗰間最平, 街頭嗰間最貴。

我的天啊!  識得買又肯化時間嘅話, 真係慳慳埋埋買多餐餸。

家吓乜都貴, 通脹升温, d 食店唔加價但食物就縮晒水, 一碟北菇干燒伊麵可以比以前少咗三分一! 

d 錢唔見使就唯有吼實d 特價優惠囉!  呢間ice-cream連鎖店前幾天做一年一度promotion, 一球雪糕只係三毫一,  每人限買三杯, 售完即止, 大排長龍啊!

我家三隻為食貓點會蝕底, 仲唔一人三杯咁捧住返屋企咩!  

小王子考琴試嗰日要食咗lunch先去試場, 比我哋係Brooklyn 18大道, 試到呢間台灣人開嘅小店, 價錢合理, 食物算唔錯, 至少佢哋做special 嘅呢個小籠包, 可以做到皮薄餡新鮮, 但我覺d 湯汁咸咗少少, 不過我平日係食得好淡嘅, 可能其他人覺得啱啱好。最好嘅係我食完肚仔無樹, 味精應該無超標。

一籠六隻, 逢星期一二四五, 堂食只賣$3.25, 正價係$4.95啊!

仲要堂食唔使比貼士, 又慳多d 囉!

住HK嘅bolg友仔有所不知啦! 係花旗國呢邊, 外食時係要另外俾15%做貼士架!  即係食咗100蚊要另外放底15蚊貼士俾waiter, 係某d老外餐廳仲要係18-20%添。有時一圍人出街食, 若果食300蚊, 比貼士嗰$45蚊夠我一家四口食三餐架啦!

噢! 外食仲要收稅吖!  每個州不同, NY係8.875%, 食嘢買嘢都要俾稅, 加埋加埋都幾金架!  而NY d 油價終於飛越4蚊一加侖, 呢兩日係$4.19一加侖。乜都加價, 但係點解人工無得加架!

做咗C9咁耐, 終於知道原來個「慳」字好緊要。

學做聰明的女人

早兩天係FB見blog 友仔happy post 咗作家張小嫻的一段話, 覺得蠻有意思, 所以copy過來跟大家分享一下。

全球時尚: 女人只要管好自己已覺很了不起，干嗎要去管男人呢？聽話的男人不用管，不聽話的男人，要管也管不到，對你好的男人不用管，對你不好的男人，不會讓你管， 愛你的男人不用管，不愛你的，輪不到你管。-----張小嫻

大家認同這段話嗎?  我很認同啊!  聰明的女人就是要擁有這個心態。一個「管」字都有很大的學問耶!  不是你去管, 對方就會順從, 甚至改變。

女人最重要學懂愛自己哩!  尤其是不幸的遇上失戀時, 管理好自己才是最重要, 只要記著, 欣賞你及愛你的真命天子總會出現在自己生命中。若然他愛你, 跟本不用你去管他。 相反地會是他想管你, 只因他在乎你。

減肥日誌

努力瘦身中嘅姊妹們, 最近減成點呀?  距離目標仲有幾遠先?

Summer time就到, 想小背心show長腿就要加多兩錢肉緊啦! 

最近係小天使界熱爆嘅林志玲3日瘦身餐, 易跟又勁work架!  好多小天使巳經試過佢嘅威力。當年教主就係專為Chiling設計呢個餐單, 等佢可以fit 爆model界。

想知多d 嘅, 快d click入教主個blog啦! 

林志玲(Chiling) - 3天瘦身餐單

要容易瘦身成功, 每日記低自已食咗乜係非常重要及有用。 如果有上過AF做treatment 嘅姊妹都知道會有一本功課簿仔, 記低飲食, 每次上去要交比顧問check, 睇吓食得啱唔啱, 有乜地方可以做得更好。

如果有艾瘋4 嘅姊妹們, 可以download eatwit 呢個apps, free架! 用嚟做飲食日誌好正, 係香港天使會會長綠茶用開, 我見幾方便咪又download 落嚟試吓囉!

記錄低自己食咗乜, 有助keep fit, 好似呢日我飲完排毒酵精後吃咗apple做早餐, 因為出咗去旅行, 明顯唔夠菜, 當自己睇番, dinner後返屋企會再補番隻梨及飲多杯草本茶。

如果發現磅數上升, 就可以睇番前幾日食咗乜, 有冇跟足宇宙飲食法, 睇吓問題係邊樹，我就發覺自己一食多啲澱粉質, 好似麵包蛋糕呢啲雜食, 體重就會上升，所以我要乖乖跟足宇宙吃生果做早餐, 一日只可一餐澱粉質。

好似呢日, 我就早上yogurt加蘋果, 中午菜 + 澱粉, 晚餐就菜 + 海鮮。如果個下午茶可以乖乖地用生果代替就更好, 但我受唔住誘惑, 吃咗半件cake, 所以就飲番杯草本茶補吓飛。

昨天係Easter Sunday, 天氣終於回暖。

你睇我門口棵樹, 早幾日出門去旅行, 佢都係得少少芽及花蕾, 點知玩三日返嚟, 開晒花兼出晒葉, 勁呀!  往年我哋一家四口好怕呢棵嘢開花, 花粉敏感呀!

但今年仲頂得緊, 嘻~~~ 希望安全渡過呢個花粉敏感季節。

咁好天, 下午收工梗要出去逛吓啦!  去咗Manhattan唐人街最近嘅Broadway Soho區, 阿妹順道去大蘋果樹換番個headset, 仲係保養期, short 咗可以換過新嘅。

好優閑咁逛咗個幾鐘, 雖然話有華氏70幾(HK 大嘅18度左右), 我都仲著番件牛仔褸吖, 有d鬼妹巳經背心熱褲踢住對凉鞋, 有冇熱成咁呀!

有冇睇見我身後嗰兩位女士係樹嘆緊車仔賣嘅軟雪糕, 我諗我真係好耐冇幫親過呢d車仔, 以前一個賣一蚊, 家陣係3蚊, 如果唔要cone, 轉做杯, 加少少 nuts及朱古力糖漿, 收5蚊, 差d 嚇鬼C我。

我個為食啊妹食完仲話好似無食咁, 唔覺有飽意。你睇, 吃完唔飽又浪費quota, 仲要鬼咁貴, 真係揾自己笨, 咪制。

Dinner後, 班為食兵團仲轉場去咗Brooklyn Bay 22夾Bath Ave一間糖水店, 啊妹個friend介紹嘅, 但有d失望, 糖水全部熱嘅, 款式又唔算多, 至多係乜?  嗰d 珍珠乜珍珠物, 冰沙就好多款囉!  但珍珠 = 塑膠,  冰沙 = 人造色素, 我戒咗囉喎!

最後我揀食芝麻湯丸, 味道ok但冇驚喜。跟住呢班為食兵團真係好危險, 無拿拿會食多咗, 浪費quota。

最近我真係有d 擔心小王子嘅體重, 佢一見自己鍾意嘅美食就有呢個得戚樣, 塊面仔由U型變O型再變到成個大包咁, 双下巴都就嚟走埋出嚟。真係怕佢一發不可收拾。

所以兩星期前我就比排毒酵精佢同小公主飲, 諗住醒個21日療程過佢哋。飲咗兩個禮拜, 佢兩個又冇乜特別, 只係放多咗屁屁, 唔知係咪消化得仲好d, 佢兩位好似仲「擦」得, 真係可以用食窮我嚟形容。

小公主仲講句: 「排毒一哥好好飲!」

嘩!  你咪嚇我, 比你飲一個療程咋!  我真係養唔起你架!

復活節之旅

呵~~~

各位小天使們& blog友仔, 爛玩之家出去hea 咗三日返來囉!

旅程愉快, 玩得開心, 買得高興, 食得放心, 正正正!

連食兩晚buffet, 今朝瞓醒上磅, 諗住脹番一磅半磅閒閒地啦!  點知鬼咁驚喜。

竟然輕咗0.6磅。

居然無肥仲到有得瘦, 去年見小天使Christy話去日本旅行喪食番嚟, 冇肥到仲瘦咗, 我終於體驗到。

點解我哋可以咁堅, 全靠呢兩件法寶:  安康排毒酵精加荷葉草本茶, 真係無敵。

我呢三日朝朝啪番30ml排毒酵精, 晚飯後再嚟多抔荷葉草本茶, 第二日真係乜毒都炸晒出嚟, 出去旅行最大問題係好易食唔夠菜, even我每次都帶一大堆水果一齊出發, 但有呢兩件法寶係身, 真係日日排毒順暢, feel so good!

講番我個happy trip先。星期三中午出發, 兩小時車程, 好順利咁就到埗。

天氣回暖, 中途停車去洗手間, jacket 都唔使著。

Check-in 完, 血拚大軍立即出動去Atlantic City 嗰outlet。但今次各位團友都無乜收獲, 皆日勁減價嘅商品唔多。

你睇小王子好忙咁係樹揀緊我同honey欠佢嘅嗰份生日禮物。

小王子係NIKE嘅outlet 買咗對波鞋做生日禮物, 超抵, 減到US$19.97, 仲要係佢鍾意嘅白底勁齋款。你哋可能諗小王子好慳家, 其實係我比佢生日禮物嘅budget上限係廿蚊美金, 唔理佢買乜, 總之得廿蚊。

行咗兩三粒鐘, 就揸車過另一間casnio hotel 食buffett, 我哋都預早咗架啦!  但居然未夠六點半已經排長龍。

呢餐無宇宙, 乜都食少少, 好滿足, 有亂食但無喪食, 只係七、八分飽。雖然食buffet, 但我家陣唔會好似以前咁, 食盡佢, 驚C蝕底回唔到本。我而家只會揀喜歡嘅, 每樣食啲, 再留quoto食我至愛嘅甜品疍糕, 加杯cappuccino埋尾, perfect。

我碟沙律係用呢隻意大利黑醋加Olive oil 做dressing, 開胃好味又健康, 教主教落食好油唔會肥仲會瘦, 醋對瘦身都好有幫助。呢餐buffet 教識同行其中一個外甥女食呢個自溝dressing, 佢都話好味, 仲拎手機拍底樽意大利黑醋, 話要去超市買。

從小處著手, 教曉身邊嘅人食得健康, 要慢慢來, 一舖叫人完全改變飲食習慣係無可能嘅, 用生活化方式再以身作則, 最終定能以生命改變生命, 努力中。

~~~~~~~~~~~~~~~~~~~~~~~~~~

第二朝吃完個brunch, 帶住班細嘅, 四圍逛逛影吓相咁, 係室外影嘅相係靚d, 天氣好, 人嘅心情都好d。其實係樹左影右影時, 我對寶貝好心急, 急住想去碧波暢泳。

但我老友一家未到埗啊! 佢哋第二日嚟join我哋, 小公主小王子就係要等埋另一對公主王子駕到先去玩水。

呢日天氣又係好靚, 但唔算好暖, 攝氏17度左右。

不過藍天無雲, 影相好靚, 個feel 好free。

終於跳晒落水, 小王子呢期真係學識浮, 可以唔使水泡, 扒都兩吓!

你哋梗係諗緊點解我無水著Look出塲。

佢哋個個人都落咗水，有兩個daddy係樹陪游，我哋兩個師奶仲唔乘機快閃，閃出去身後間專賣名牌嘅商塲......... 入面間兜巴星嘆咖啡啫!

Day 2 dinner 又嚟buffet。

前晚有生蜆, 呢晚有肥美生蠔, 我老友兩公婆超愛, 每人兩打, 實回本啦!

飯後仲出去Broadwalk行咗轉, 十幾人入晒Rain Forrest Cafe 「運桔」, 搞搞震無幫襯, hea完一大輪先返hotel。

Day 3, 小朋友們一早再游多轉早水, 之後Check-out去嘆番個午餐, 但又要排隊等成20分鐘, 班細既餓都呱呱叫。

就係咁呢個復活節之旅又係時候回程喇!

返到去NY六點, 吃埋個early dinner至返歸, 呢餐有宇宙架!  我食菜加蝦湯米走蝦走肉片, 呢個湯米辣辣地,  好鬼正又惹味。老友介紹我食嘅。