今年冬天真係太凍太凍, NY長時間停係0℃以下, 想凍C人咩! 
仲要落咁多雪, 嚟緊後日又話落啦! 啲雪山幾時至溶得晒。
其實今年冬天全世界都咁凍, 連HK都話凍都得幾度, 真係凍到儍咗。
天氣冷, 飲番杯熱飲就最正。
今日下午茶時間, 係公司冲咗杯黑糖薑茶補補佢, 我怕辣, 所以自己再加一茶匙brown sugar落去, 辣辣地又甜甜地, 飲完即時成身暖晒, 冇得頂啊! 
但lunch時曳曳, 走咗出村, 終於輪到細妹有啲作病, 所以就佢吃粥啦! 買咗白粥, 蝦腸牛腸各一碟再加碟油菜一齊share。冬天~~~真係會易啲失守架。
放心, 我dinner乖番, 跑番入村唔敢出嚟, 雖然外食, 但我楝咗菜加海鮮啊!
仲有係我架車終於整番好, 真係個電池C咗。
仲有兩個幾星期就新年啦!
送虎迎兔, 希望兔年順順利利, 黑氣全消。
明天Monday係美國嘅公眾假期, 小朋友唔使返學, 原本小公主同小王子要比姑媽湊一日, 但細妹想帶囝囝去滑雪, 所以唔開工, 家陣我可以連放兩日, 自己湊番對寶貝。小王子聽見我明日陪佢, 笑到鬼咁開心。呢位哥仔仲係未習慣阿媽返工的日子。
都好呀, 放兩日假可以執吓屋, 準備過新年嘛! 諗吓有乜年貨要買, 仲要去銀行換定新銀紙封利是。其實呢邊過年唔熱鬧, 係得年初一叫有d 新年feel, 初二巳經同平日冇分別, 最多一家人食餐飯。
其實最重要係擺好個流年風水陣, 化晒啲病符是非, 咁就大吉啦!
No comments:
Post a Comment