徹底地病倒了

昨晚終於開始徹徹底底的病倒了, 我和小公主今次玩到好大, 玩食物中毒。

小公主嘔到九彩, 而我仲慘, 初時瀉咗兩次, 之後嘔唔出又瀉唔到, 谷住係個胃, 捱咗成晚, 今朝終於嘔到出嚟, 但好暈好暈。

到下午四點, 終於去到睇我位好中醫, 佢話我哋兩個食物中毒, 唔知乜嘢腸內膜移位, 佢即刻去打咗一啲中藥再焗水比我同小公主, 叫我哋即時飲咗佢。飲咗之後真係好啲, 冇咁暈, 佢叫我哋返屋企休息, 晏少少再嚟拎啲中藥茶。

返嚟瞓咗陣, 我同小公主都覺好咗好多, 最少食得落碗白粥又唔再頂住個胃吖。踏上個磅, 即時唔見咗兩磅。

大家放心, 我休息吓應該ok架啦! 但我要遲啲先覆到大家嘅留言。