冷得我.....騰騰震!

有冇人可以話過我知點解今年冬天咁凍! 真係凍到人到癲!

今日係NY入冬以來最凍嘅一日, 依家外面係零下9℃, 仲話最凍會跌到零下13℃。

唔係化?

星期二又話落雪, 以住NY city 一年平均降雪21吋, 但係由聖誕節後場暴風雪, 今個冬天巳經落咗36吋。天啊! 幾時至到春天呀!

屋企三隻魔鬼, 啱啱仲引誘我食雪糕。 零下9℃食雪糕, 講比人知都比人話癲, 直情凍到儍咗啦!

嗱~~~

雖然我有份食, 但只係一小球, 冇失控, 但屋企嗰三個傻人, 一人兩大球, 果然又儍又癲。

好彩室內有暖氣, 如果唔係變咗雪條啦! 

但係返工放工時, 人在室外, 真係冷得我.....騰騰震!

今朝返工將自己由頭包到落腳, 成隻裹蒸粽咁。 放工時, honey帶埋兩個寶貝出嚟接我, 唔使捱冷去搭車。嘻~~~

今日仲有件開心事。

事緣今日下午細妹無appointment, 咁佢見有時間, 就話幫我做面部treatment, 個療程係用一部醫療級磨皮機磨走面上嘅老化角質, 而一路磨皮嘅同時可揀選三種不同嘅精華素同時噴係面上, 咁嘅天氣, 我梗係揀補濕精華啦!

做完之後再敷番個CO2注氧mask, 即時塊面又白又滑, 唔係講笑, 真係勁滑。

當我洗乾淨塊面, 唔好話上番粉底, 連lotion都未塗番之際, 失驚無神, 有個婆婆同佢個新抱推門而入。 嘩! 豪無心理準備, 素顏一度, 唔嚇親街坊都偷笑。

點知呢個婆婆好in, 好鬼好傾, 佢想幫啊女問面部療程, 佢新抱又想減吓肥咁! 傾傾吓, 我索性老實同佢兩位講, 我啱啱做完其中一個treatment, 仲比埋我塊面豬佢兩位摸吓, 佢兩位都話: 「真係好滑bor!」

後尾婆婆叫我估佢幾多數, 我話七十幾, 點知個答案係加多十年, 八十幾歲呀!  但婆婆塊面仲好白淨, 冇乜班, keep得好好喎!

咁我又玩嘢, 叫番婆婆估吓我幾多歲, 點知婆婆估我30歲。

Wahaha, 我賺咗好多好多年呀! 雖然婆婆可能係氹我高興, 但我都幾開心喎!

咁開心, 就即時自拍一張嚟留念啦!

其實有飲開安康酵精嘅天使姊妹們, 一定要試吓佢哋支新嘅抗氧酵精, 真係好正, 我連續飲咗兩支, 啲皮膚真係靚咗, 呢兩個月未出過粒粒, 膚色又好咗, 加埋自己勤力做保養, 內外夾攻, even NY凍到癲, 但我啲皮膚仲幾夠水份, 見得吓人。

上次教主寄比我嘅一套Nature's紅酒系列Skin care, 用咗差唔多兩個月, 真係好滋潤, 依家至話過大家知, 係因為我覺得護膚品要試番一段時間至可以feel到效果, 等我遲少少有時間就開blog同大家分享吓!