暗瘡問題

好囉! 小王子好番冇樹返得學喇!

但討厭地今朝晨早又落雪, 好彩今次啲雪係濕嘅, 落哋好快溶, 無咁易積雪。而且下午三點左右就停咗, 初時話落足一日, 幾驚呀!

昨晚唔知做乜玩失眠, 瞓得好差, 加埋啲又凍又寒嘅天氣, 成個人好攰啊!

返工呢一個月, 發現原來係好多人有暗瘡問題0架! 可能自己比較好彩, 由細到大啲皮膚都算唔錯, 完全無暗瘡煩惱。

有好多客人問爆暗瘡要點處理, 好多仲係媽咪帶囡囡嚟問, 青春期內分泌荷爾蒙改變, 有啲人係會易爆瘡, 好普遍。呢個原因爆瘡嘅話係最麻煩, 有啲人甚至要服食避孕藥來控制荷爾蒙, 解决暗瘡問題。

其次就要留意自己嘅飲食習慣, 生活模式。當然係少食煎炸油膩食物, 呢啲毒物積存體內, 點會唔爆瘡吖!  所以我哋飲用酵精排毒, 其中一個好處就係令皮膚白滑。只要大家留意吓各小天使post出嚟嘅相片, 個個都皮膚又白又滑架! 呢啲就係飲用酵精排清毒素嘅好處囉!

仲有就係要多食蔬菜生果令排便暢順, 便秘係爆瘡原凶之一。排便不順, 積存宿便咁咪又係變成毒素囉! 所以宇宙心法七三比例, 七分蔬菜三分肉/海鮮/澱粉係一定幫到啲有暗瘡煩惱嘅朋友。小天使們修練宇宙神功又一得益之處。

有啲妹妹仔額頭爆晒瘡, 但又喜歡剪蔭, 將啲頭髮遮住額頭, 咪又係爆瘡原因之一。因為頭髮始終有油脂分泌來自頭皮, 再加上有啲人會再用一啲美髮產品。呢一齊都係會刺激你嘅皮膚, 成為額頭生暗瘡嘅其中一個原因。

記住唔好成日用對手去摸塊面, 特別暗瘡出得勁時, 因為双手係最易有細菌嘅, 如果你摸完有暗瘡嘅位置, 接住又去摸吓無事嘅地方, 啲引致喑瘡嘅菌又去埋塊面其地無事嘅位置, 變成左邊好完到右邊, 額頭好番到下巴, 永無止境令人沮喪。

如果爆緊瘡仲要好勁嗰隻, 有個生活習慣要注意, 就係勤換枕頭套, 都係嗰個道理, 啲暗瘡菌可以由枕頭套去到無爆瘡嘅位置, 污染埋佢。

要解决暗瘡問題, 先要攪清爆瘡原因, 解决咗至係治本嘅方法。處理好先再想辨法去印收毛孔。有時唧喑瘡唧得唔好, 好易發炎引至留印留疤, 真係不能掉以輕心。而且過度唧暗瘡黑頭, 好易會令毛孔變大及鬆馳, 變成更易有黑頭。

最後要講係要用啱皮膚性質嘅護膚品, 唔夾嘅就要分手, 勉強用落去盞搞到問題頻生, 暗瘡及油性皮膚最重要係清潔加保濕, 維持水油平衡。太潤嘅面霜大多數唔適合。太過強力清潔, 藥性較強嘅清潔產品及有酒精成分嘅產品都係唔適合, 原因係呢啲產品會將皮膚上所有油脂洗掉, 皮膚太乾, 皮膚下嘅皮脂腺反而分泌得更多油, 衰多兩錢呀!

今日有位媽咪嚟幫個女問暗瘡問題, 佢位囡囡巳經過咗青春期, 但長期鼻頭生暗瘡, 紅紅地, 仲搞到有少少凹咗嘅疤。又話個女去脫癦搞到有疤。我一聽到有啲擔心, 唔係擔心醫生細妹幫唔幫到佢, 係擔心呢位太太個女嘅婚姻及財運。

凡女子鼻為夫星及財星, 想嫁得好, 個鼻好重要, 當然又高又直嘅靚鼻甚至乎有機會嫁入豪門, 但平凡嘅鼻都千萬咪搞到有疤有癦, 嚴重影响婚姻及財運架! 所以暗瘡生係鼻要小心處理, 脫癦脫痣都要揾信得過嘅醫生呀! 仲有長期鼻頭生暗瘡, 即係長期破財咁解, 真係弊囉!

咦! 點解講暗瘡會變咗講面相嘅! 哈~~~