要宇宙。無難度

好多人一聽到修練宇宙飲食法嘅守則, 就搖搖頭再說無可能。

其實真的那麼困難嗎?

只要有决心, 肥腳都可以變成針。

修練宇宙神功的小天使們, 有時去玩去癲, 偷走出宇宙村, 十磅八磅肥返嚟都無有怕。 好似天使會的香港會長綠茶就嚟個示範比大家睇, 去咗澳洲十幾日, 盡情吃喝玩樂。

佢係澳洲所吃嘅毒物真係....各式其式, 乜鬼都有, 學佢話齋可以嚇到你面青。

佢嘅金句: 「玩得盡興，吃得招積，脂肪自然得戚」差d笑C我。

但係玩夠吃夠就要take action。一落機就嚟兩堂yoga, 呢樣我非常佩服佢, 換轉係我, C得都似。

十日, 只係十日, 茶茶就巳經踢走7.7磅, 堅唔堅先!

方法咪又係乖乖地100%全宇宙餐再加適量運動, 佢條23吋小蠻腰話咁快又返來嚕! (超羨慕, 我條小蠻腰仲係失踪緊, 激C!)

唔信????

過茶茶嗰邊睇睇http://hk.myblog.yahoo.com/win-windie/article?mid=54963

曾經係blog講過, 要瘦身成功, keep fit容易, 每日寫飲食日誌係絕不可缺, 要減肥嘅你, 有無做先!

成日話難跟, 又話做唔到, 呢個世界有乜係做唔到, 係你想唔想啫, 食乜係由自己决定, 咪再多多藉口。

等我都嚟示範吓! 以下係我呢幾日嘅飲食日誌。

好似Monday, 早餐係酵精加生果, 午餐雖然吃齋, 但我全日之中都有食澱粉質架, 咪10:30am個饅頭囉!

下午茶食生果, 其實最好揀高纖高水份生果, 但你都見條banana嗰衰樣, 再唔吔咗佢, 就要請垃圾桶先生食。晚餐有菜有牛肉, 絕對做到7:3比例。

呢日同樣宇宙無難度, 早餐及下午茶係生果, 中午係菜加澱粉, 晚餐沙律加雞肉。又過關啦! 

呢個係昨天的, 早餐下午茶都係萍果, 中午雖然個湯米有雞肉, 咪拎走佢比身邊的同事食囉!  覺得個湯米有少少油, 飲番杯飯後草本茶, 乜油都無有怕。

咁係咪唔飲得任何瓶裝飲品呢?  基本上係, 因為大部份瓶裝飲品糖份高, 有防腐劑, 穩定劑及人造色素, 少飲為妙。但係咖啡係可以飲嘅, 一日一杯, 教主話過ok嘅, 我仲要少糖添。

昨晚dinner去IKEA開餐, 順便睇衣柜, 原先諗住宇宙唔到, 點知我honey好醒, 係屋企整定個沙律先出嚟接我放工, 咁又宇宙到嚕! 

所以有屋企人支持, 瘦身事業更加無難度。 

以上三日都係我返工嘅日子, 除咗餐雞肉沙律, 全部都係外食, 所以咪同我講出街食跟唔到宇宙, 無規定宇宙餐一定要homemade先做到。當然有homemade嘅宇宙餐就更無敵啦!  出街食, 點都食都些少味精嘅, 所以我朝早都keep住飲30ml酵精。

咪再諸多藉口, 要健康又飽住肚嚟瘦, 仲等乜, 拎少少决心再加些少堅持, 明天起take action啦!

我都係平凡人一個, 我做到嘅, 你一樣得!

新來的blog友仔, 唔知乜係宇宙自然飲食法!  click 入教主Angel個blog啦!

http://blog.angeltong.com.hk/health_diet.aspx?healthId=533&healthCategoryId=1

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny