快樂星期四

連續落足四日雨, 今日day off, 真係多謝上天眷顧, 終於放晴! 太陽伯伯肯開工啦! 等我可以四圍hea吓!

送完對寶貝返學, 趁放假, 「鼠」咗去整腳甲, 準備著涼鞋嘛! 嘻~~~

點知一入去nail store, 整甲嘅幾位啊姐眼到定咗, 話我瘦咗又靚咗!  團團轉問我用乜方法減肥，我梗係推廣我哋天使之家嘅宇宙神功及排毒一哥啦!  佢哋問點解我瘦咗咁多, 但塊面仔一d到無皺皮, 仲可以keep住又firm又滑。

呵~~~ 當然啦!  我又唔係用「唔食」嚟減肥, 又跟教主煲瘦身補身湯嚟補住瘦, 又學曉食好油, 減完都唔會又乾又瘦。教主教落, 女仔瘦都要望落去要有潤嘅感覺, 咁先叫靚架! 減完變咗人乾咁! NO WAY!

跟宇宙飲食, 人健康咗, 又keep 住飲酵精排毒, 身體毒素無晒, 個人就唔會肥腫難分, 身體潔淨, 皮膚自然又潤又有光澤, 想爆粒暗瘡都唔容易吖! 咁寸, 我怕被人扔雞疍。wahaha..... 

今日茶茶嗰blog post 咗個news, http://hk.myblog.yahoo.com/win-windie/article?mid=55425, 講台灣一位女主播食減肥藥減肥, 搞到靚女變豬頭, 連份工都冇埋, 仲有副作用。所以話減肥藥打C都咪試呀!  健康無價。

昨日係公司, 唔知係咪個冷氣太凍，搞到又眼瞓又想飲熱嘢，走落街買咗杯熱咖啡及饅頭充吓電。但個饅頭大到嚇C人，比平時買開個間餅店嘅大一倍，食得一半。有人問我做乜食饅頭咁寡。自從06年返HK, 貪玩走去學整菠蘿包, 雞尾包同麥西哥包, 學完以後唔敢食, 勁多糖, 奶粉及牛油, 超..........肥呀!

再加埋教主話澱粉質經高温烹調後會產生毒素, 餅店入面d包包, 全部高温焗出嚟, 又高脂又高糖, 多食無益。咁點解食饅頭又ok 呢!  因為係蒸飽囉!  「蒸」的話, 水温永遠最高只有100度嘛!  明未!

嗱~~~今日放假有開爐, 三餸一湯白飯任裝。我要宇宙, 揀咗合掌瓜及雞翼。

睇雜誌時發現竹笙個真身係咁嘅樣, 以往只知係種出嚟嘅植物, 原來係菌嘅一種。好得意啊!  好似個菇菇著咗條白色裙仔, 擺吓擺吓咁。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny