Nature's 紅酒系列

呢篇blog應該好耐之前要寫, 因為答應咗幾位小天使姐妹, 分享吓呢隻來自意大利的天然護膚品。今日終於的起心肝, 好好跟大家分享一吓!

據我所知Nature's共有五個系列, 而我有幸一試的是它的皇牌--紅酒系列。

一聽見紅酒兩個字, 我立即會想起「抗氧化」三個字, 而有效抗氧化代表能抗衰老。嘩! 抗衰老喎!  邊個唔想呢!

Nature's紅酒系列的主要成分葡萄多酚的抗氧化能力是維他命E的50倍。

我由去年12月起開始用, 感覺好滋潤, even NY剛渡過一個凍到癲的winter, 我的皮膚無乾無皺, 還挺水潤有光澤啊!  皮膚水份充足, 化妝上粉都貼啲架!

好喇!  逐隻產品介紹下先。

首先出場的是排毒洗面霜, 雖然叫洗面霜(Cleansing Cream), 但我覺得似洗面奶, 性質温和, 我會早上用它來洗面, 洗完後就算不立即搽toner 及lotion, 也不會有乾的感覺。

搽防曬前, 我會先搽葡萄修護補濕面霜(PrimeGemme Antiaging Multi-Active Cream)打底, 我覺得呢隻cream好補水, 好潤。用一排後, 塊面仔好有光澤!  勁推介耶!

因為早晚都用, 所以已經見底。

而夜晚落完妝洗完面, 搽cream前, 我有時會先搽此系列的晚間肌膚修復精華(Renewal Night Fluid), 此精華比較厚身, 對皮膚很乾的姐妹應該很有幫助。因為太過滋潤的話, 我的皮膚會易起粒粒, 所以我只選擇在天氣很冷及乾燥的日子才用。

緊張塊面都唔可以忽略我哋個body架! 紅酒系列入面有隻肌膚重生潤膚露(Renewal Body Lotion), 冲完凉用來呵護全身肌膚, 一定唔會乾燥甩皮。 個人喜歡它不油膩, 潤而清爽, 最特別是此lotion有陣陣的葡萄香味, sweet得來唔濃烈, 淡淡的, 很迷人, 搽完瞓覺特別甜。

大家都聽過教主講浸浴的好處, 消除疲勞, 加速新陳代謝, 排毒兼去水腫, 浸浴時可加粗鹽或米酒。如果大家有加浴鹽浸浴的習慣, 可以試吓呢隻排毒水晶(Spa Crystals), 佢加咗天然紅酒萃取再配合深海浴鹽, 浸之前我會用一些排毒水晶按摩身體, 順便當磨沙, 之後先浸入水, 浸完成身又香又滑, 好鬼正, 爽啊!

基本上Nature's是我第一套試的天然有機護膚品, 感覺很好。以前無試有機護膚品, 是因為怕無料到。以往只信科研護膚品的我, 今次試完Nature's之後, 令我對有機護膚品有所改觀, 我諗下次再返HK, 我會再入貨。