呵~~~無宇宙哩!

係!  我自守, 我無宇宙。

就係為咗六塊肥牛及一碗泡菜石頭窩飯, 我叫自己曳番餐。

我都係一個極普通嘅凡人, 享受自己心愛的美食不是罪啊! 偶而一次絕對可以接受。(揾藉口中)

check番我嘅飲食日誌, 我乖乖宇宙咗十多天, 呢一餐dinner我絕對豪得起.........我嘅quota。

今日Friday, honey帶住兩位寶貝出嚟接我收工, 走咗去唐人街揸車上少少嘅village區揾吃。幸運地好快揾到parking space, 仲要唔使入meter。

週圍逛逛, 最後應小王子要求, 去咗平時幫襯開嘅日式燒肉店。呢間店我哋幫襯咗好多年, 水準一路保持, 未失望過。 

今日唔係Monday & Tuesday, 牛肉無半價啊!

所以我哋唔敢豪叫肥牛, 只係一人一個order, 大嘅6-7塊一客啦! 另外再叫個泡菜石頭窩飯, 因為個sauce辣辣地, 對寶貝唔吼, 咁我就同honey兩份慢慢嘆啦!

我又唔會虐待小公主同小王子嘅, 另叫佢哋最LIKE嘅加州卷過佢哋吔。最搞笑係我位飯桶小王子另外要求, 要多碗白飯, 仲抵C到問我人哋係咪用日本米。啊仔, 你唔使食得咁招積吖。

原來呢個飯桶仔要自製牛肉飯, 等我燒好d 靚肥牛俾佢, 佢就放晒係飯面, 再加d用嚟點牛肉用嘅sauce, 變成佢自己講嘅牛肉飯。

家姐見細佬亂出招, 佢都唔執輸, 照跟, 但佢兩個又食到lam lam脷喎!

初時有諗過再叫多兩碟肥牛, 但食到差唔多時, 又覺8成飽囉!  最後决定留肚返屋企飲湯及食生果。

我哋依家學精咗! 幾鍾意都唔食得咁盡, 唔再棒住個肚出門口。每餐七、八分飽係健康之道呀!

你睇, 我哋食飽走時係七點幾, 間燒肉店門外排晒長龍耶!

Honey拎咗芫茜鯇魚豆腐湯返嚟! 食咗燒牛肉, 飲番碗下火真係無得頂。再嚟多個橙, 補夠fiber先! 

當然就係梗記得啪番60ml 食無忌(五行)酵精補飛, 乜嘢肉類加澱粉都無有怕, 全部消化晒就唔怕囤積脂肪啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny