無敵彩虹瘦身湯

今日要強力推介教主早兩日係blog度教我哋煲嘅彩虹瘦身湯, 真係勁清甜, 好味到震, 簡直停唔到咀, 我同honey兩個人都連飲兩大碗做dinner。

呢碗正嘢, 就係跟教主學嘅靚湯, 飲湯食湯渣, 勁好味, d排骨煲都入口即溶, 咪以為齋飲兩大碗唔夠飽, 查實係飽到上心口。

仲有就係我要係呢樹掌聲鼓勵我honey, 因為呢煲靚湯係佢煲嘅。

嗱~~~

唔係我想偷懶, 但人家要返工嘛!  等我放工返屋企先煲, 真係餓C都未天光。我都有出力哩!  就係用電話聲控煲湯。

我honey又好鬼醒, 因為家陣教主d食譜係blog上面中英對照, 佢識上教主個blog睇英文煮法, 我嫁佢咁多年佢都係第一次煲湯咋！但又比佢煲到出嚟！真係要比個服字同個叻字佢囉！

所以話教主d 食譜, 簡單易明, 有營又好味囉!

而我對寶貝都有特別伙食, 我honey 醒咗碗叉燒溫泉蛋烏冬過佢兩位嘆，個湯底係來自彩虹瘦身湯，真係可以連湯都飲埋。

健康又有益, 快啲過去教主嗰邊學吓點煲, 唔係要瘦身先可以飲, 望吓d 材料就知一家大細都飲得, 仲可以清清腸胃排吓毒。http://blog.angeltong.com.hk

NY 呢排d 畸形天氣就嚟搞到我精神分裂，昨天59度(15度攝氏), 著住外套仲覺凍。今日又跳升到80度（26度攝氏），熱到要短袖tee, 一係凍C, 一係熱C, 真係比d 天氣玩C。

今日來個終極換季大行動, 執咗差唔多三粒鐘, 終於搞好, 真係執到天旋地轉兼脚仔軟。Dinner完再出力執埋d 鞋, 收好d boots, 拎d summer鞋出嚟!

今日一執, 我發覺我真係..........好多衫同鞋。

我諗.........我要控制吓自己咪失控再買。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

噢!  剛剛學玩微博, 有微博的姊妹們, 請多多關注啊!

微博 http://weibo.com/goldenjenny