一切從心開始

我認為無論做什麼事情, 要成功一定要從心出發, 無論過程有多困難及有多少障礙, 只要下定决心再定下目標, 任何問題也不再是問題, 成功便能指日可待。

成為教主門下嘅宇宙小天使已經一年, 宇宙自然飲食法已經跟自已不可分割, 雖然都有出走宇宙村嘅時侯, 跟家人朋友間中盡情享受美食。呢一年修練宇宙神功, 除了瘦身成功外, 最大得著係改變了自己及家人的飲食習慣, 變成多菜少肉, 而家每餐食少啲菜都周身唔舒服。

一套簡單易明又有效嘅飲食方法, 絕對值得發揚光大, 令更多人認識更多人受惠。

但係點解大家一聽見多菜少肉四個字就咁抗拒呢! 

再叫佢哋肉類跟澱粉分開食, 就大叫NO WAY冇可能。

喂! 小姐你又想減肥, 但又要繼續你嘅大魚大肉, 齋瞓係度做機就想瘦, 可以, 但又慢又要有銀兩支持先得喎!  你之所以需要减肥, 大部分原因係你嘅飲食習慣有問題, 知又唔肯改, 就算比你有時間又有錢減到廿磅, 但你繼續你嘅狂吸毒生活方式, 我諗唔使兩嘢就打回原型。

我細妹有客嚟減肥, 佢夠膽C話食咸水角做早餐, 又肥又毒, 真係我的天啊! 雖然我細妹無叫啲瘦身客人跟宇宙飲食法, 但佢有營養師degree, 同樣要客人多菜少肉及提供餐單。更要求客人記低飲食日誌, 但呢位客人嚟足十次都未交過一次。

佢嘅成續有幾好, 大家心中有數。

我家陣完全明白教主當年點解如果有客唔跟飲食, 想齋做機減肥, 佢會請佢出門口, 有錢都唔賺。教主, 我完會身同感受。好想幫但無從入手, 有時仲想扯火添。

教主請放心, 雖然我食咗好多次檸檬, 但係我唔會放棄架!  好嘅嘢終於會受人欣賞, 發光發熱的。我哋有咁多成功嘅人辨小天使, 一定夠撐嘅!

唔知係咪係外國, 肥人多瘦人少, 個個認為仲有人肥過自己, 所以繼續大吃大喝。减肥唔係只為外表, 內在健康最重要呀!  見到呢邊有好多三四十歲嘅人巳經高血壓, 血脂, 膽固醇超標, 痛風症, 要開始食藥丸。咁搞法幾時食都老。

如果健康有道, 七十歲都未必要食呢啲藥, 但家陣一個人可能食藥食足幾十年, 個醫療費幾襟計吖。大家明白點解美國嘅醫療保險咁貴, 政府醫療補助永遠有赤字啦!  國民健康教育跟醫療補助赤字絕對有關係。

我知要改變自己嘅飲食習慣唔係一朝一夕嘅事, 但你唔嚐試去開始又如何有改變呢! 要開始宇宙飲食法係可以試吓用漸進式嚟進行, 例如七三比例未做到, 先試吓五五再嚟六四比例。又或者澱粉跟肉類分開食呢方便, 試吓最初一餐菜加澱粉, 另一餐只係戒飯, 菜加餸, 慢慢改變至菜加一種肉或菜加海鮮。

做唔做到只係你有冇心啫! 唔好係樹揾藉口。

只要肯踏出第一步, 試兩個星期再望吓成績, 我怕你飛撲入村同我哋一齊做村姑吖。

有宇宙村係度, 健康瘦身無難度

http://goldenladyjenny.blogspot.com/2011/02/blog-post_12.html

姊妹們, 就由今天起「減去脂肪, 挽回健康」

想了解多啲宇宙自然飲食法, 過Angel 教主嗰邊啦!

http://blog.angeltong.com.hk/health_diet.aspx?healthId=533&healthCategoryId=1