終生學習

終生學習

大家都知我呢個唔多合格嘅「煮」婦, 厨藝真係......

全職C9時已經唔係煮足咁多餐, 呢半年開始玩返工, 煮得仲少。除咗honey抵得諗, 係我返工嘅日子, 整番一兩餐沙律餐之外, 好多時要外食。

諗諗吓唔係路喎!  成日外食, d味精加加埋埋仲得了, 雖然我有排毒酵精看門口, 但一路吸毒一路排毒, 條數好金喎! 尤其係我對孖寶, 小朋友當然食新鮮homemade食物係最好啦!

小朋友從少嘅飲食習慣好重要, 影响一生架! 愛食得味濃還是愛清淡, 影响得最深遠嘅人就當然係阿媽啦! 小朋友有偏食問題, 大部份責任係啊媽樹, 因為啊媽掌管住一家人個胃哩。

試想想, 大部份人都會覺得媽咪煮嘅食物係最好味嘅! Even我呢d煮得咁差嘅阿媽, 我對寶貝依然食到lam lam脷, 碟碟清。因為由細食到大, 習慣咗呢個味道, 媽咪餸係子女眼中永遠係人間美食, 仲代表着無論出面如何大風大雨, 只要一回到家就嚐到媽媽的熱湯暖飯, 多麼的有安全及幸福感啊!

我媽就是能給我這種温暖感覺。超羡慕煮得一手好菜的人, 痛恨自己當年沒有好好跟我媽學吓佢d拿手菜。佢係一個只用油鹽糖豉油生粉就巳經搞掂嘅好「煮」婦, 甚麼老抽, 胡椒粉, 雞粉, 麻油及紹酒统统未出現過係佢個厨房!  可能就是那句Less is more, 至緊要新鮮。

所以我决定無論幾無時間, 盡力煮多幾餐住家飯, 要顧住屋企三位老細個胃, 食得健康, 身體都好d。

呢個就係昨晚嘅dinner。焗三文魚柳配雜果生菜沙律。簡單易整又有營, 至緊要快靚正。由開oven到開餐, 只需30分鐘。

三文魚非常有益, 高蛋白, 低熱量並含有多種維他命及礦物質。而三文魚含有最多的Omega-3 及不飽和脂肪酸 。

Omega-3 能有效地降低膽固醇, 保護心臟。而豐富的Omega 3有助兒童眼部發育及對腦部發展都有一定幫助 。三文魚更曾於2002年美國《時代週刊》的專輯中，獲選為十大最佳營養食品。但要注意嘅係由於生三文魚細菌較多，建議孕婦或小童利用焗或煎製方法烹調。

好多中國人, 尤其老人家, 覺得沙律寒凉, 但新鮮蔬菜生食最能吸收到寶貴嘅酵素, 煮熟咗嘅蔬菜, 酵素已隨高温, 消失得無影無踪。

體內酵素越多, 免疫力越強, 酵素不足, 人就越易衰老, 更會影嚮代謝系统, 時間耐咗, 就會出現消化不良, 腸胃病, 便秘及容易疲倦的情況。怕寒涼咪飲番d黑糖薑茶中和吓囉!

其實教主有好多有營易整嘅餸菜, 我要多加努力學習。真失禮, 做咗十幾年人哋老婆, 家吓先話努力學煮餸。但仍然係嗰句, 呢個世界冇嘢係唔得嘅, 只係有冇心, 咁我無天份咁用努力搭夠囉!

來吧! 就讓我終生學習。