豐Zone工程(Part 2)

二月中時跟大家透露今年要嚟個「豐Zone工程」, 挽回失地。

瘦身後嘅姊妹好容易連個Zone部都受影響, 我都唔例外。但愛美係女士們一生追求嘅課題, 小至三歲大至八十歲都係一樣嘅。

雖然巳經四月份, 但NY仲係凍到C, 嗰春天唔知走咗佬去邊, 個夏天又唔知會唔會失驚無神扒咗頭上嚟, 為咗有至fit身形迎接夏日, 梗係要出啲法寶嘅。  但我呢啲追求自然美嘅人, 潛建項目唔會出現係我身上, 更無耐性左加個pad右又加個pad。

身為安麒天使嘅門生, 要知道如何瘦身又豐Zone, 又有幾難!  教主梗有啲好幫手比我地嘅!

經過五個多禮拜, 食完第一瓶美胸寶啦! 

請示過教主, 原來M嚟嗰幾日唔好食住架! 各位姊妹要注意啦!

早晚一粒, 但我無記性, 有時唔記得食。

食咗一瓶, 無不良反應, 可以跟大家滙報一下進展成點。

係OK喎!  只係一瓶都有ddd成績。

 嗱~~~

咪問我量度時有冇手鬆手緊呢個問題, 我係好認真咁度架!

知你哋依家實想問我, 即係點啫!  要實際數字呀! 

好啦好啦, 靜雞雞話過你哋知喇!  咪咁大聲!

係

....

....

....

....

....

....

....

大咗

半吋架!

我會好記性啲, 乖乖哋食埋另外嗰兩瓶。

講多次, 美胸寶嘅成分係大豆萃取物, 青木瓜粉及葛地萃取物。

早晚一粒, 一瓶60粒。

想豐一豐嘅姊妹, 諗諗佢。

幸運日

荒廢咗個blog幾日, 要掃吓塵至得囉!

晨早送對寶貝返學, 發覺今天NY天氣很好, 心情即時靚靚。

你睇, 藍天一片, 揾舊白雲都冇, 但仲係好凍, 啲樹仲係光頭, 芽都未發。

點解話今日係lucky day, 原因有二。

首先係送完返學, 啊妹call 嚟有好消息, 煩咗幾日嘅事, 今日終於解决。一齊計劃可繼續進行。

另外, 我今晚有做好煮婦份工喔!  諗住嚟碟蝦仁炒疍(小王子至愛), 係雪柜拎盒有機雞疍出嚟準備, 一開, 嘩! 又孖黄, 幸運啊!

今年初試過連開四隻疍, 有三隻孖黄。我一直諗呢個都係我無敵記錄啦卦! 

點知, 唔係化?  咁勁! 破記錄!???

即時放上FB比大家埋嚟睇埋嚟估。

呵~~~ 好多人估啊! 但竟然有人估三隻疍, 係咪估得誇張咗少少呢!

無係我FB估過嘅blog友, 比10秒你諗吓!

10

9

8

7

6

5

4

3

2

1

係一嘢連開五隻都係孖黃囉! 嚇C我!

最後答中嘅有珠兒, Polly, 小公主及Alice。掌聲鼓厲!

究竟有冇人可以話過我知, 有機雞疍係咪特別容易有孖黄出現嘅呢?

究竟係正常定我今年真係咁好彩, R晒頭!

繼續等運到

點解要等運到? 

事緣昨天收到一個令人頭痛嘅消息。 

啊妹單大project出咗問題, 要想法子解决, 其實又只可以盡力而為。個問題暫時只可以靠啊妹搞掂佢, 我係幫唔到幾多, 只好等運到。好彩, 啊媽比咗樂天嘅性格我倆, 天跌落嚟當被襟, 未到最後一刻, 唔知情況係點, 擔心都無用。

所以噚晚照樣可以大覺瞓。

仲攪到老友擔心埋一份, 幫我想辨法, 患難見真情, 謝過老友。

無論前面有多少障礙, 要堅持的會堅持到底, 唔認輸鬥硬頸係我強項, 那怕最後失敗。當上天關上了所有門, 我仍相信衪會留下一扇窗給我。我相信天無絕人之路。

懶理心情如何, 嘆番杯心怡嘅香濃奶茶, 自然心情靚靚兼忘憂。

還有啊! 我學識用呢個app 啦!  好正, 放相一流。好玩。

來多張!

呵~~~

呢張係罪証, 帶咗對寶貝去飲毒物, 我怕比教主抦哦!

嗰晚太開心, 日本餐超好味, 回味無窮, 接着, 第一次直落帶對寶貝去wet。

可能大家會話: 「去飲大脚板啫! 咁都叫去wet, 唔係化?」

無計啦! NY無乜夜生活架!  你估香港咩!  半夜落街仲可以拮串魚疍lam lam脷。

呢樹要dinner後找節目, 出Manhattan 囉! 我無份去好耐啦!

為夢想而飛

夢想對很多人來說是遙不可及的事。有多少人真的會去實現自己的夢想, 為夢想振翅高飛。

世俗人認為夢想等同不設實際, 成功一定與金錢掛鈎。這個想法我不認同。

實現夢想是要拿出無比勇氣, 無懼千噸冷水, 懶理別人怪異目光, 再加上青春去做後盾, 勇往直前, 少一點耐力也不成啊!

有勇氣的人才可以改變命運, 夢想是為有勇氣改變的人去實現。

這些人是值得支持的。

像安麒天使會長小丸子綠茶正為夢想努力, 我相信她是會成功實現夢想的人。努力啊babe!  

由一個不懂入厨的人變成現在宇宙天使厨神, 是多麼厲害哩!  直教我這個當了十多年無飯主婦的主婦而汗顏。茶茶, 不如我拜你為師, 學懂兩招看門口。

每天看著你用心煮出這些色彩繽紛, 賞心悅目的小丸子宇宙便當, 真的讓我口水直流。 看著你最近每天沿著地鐵路綫, 送出有營便當, 是多麽感動。最重是有人欣賞自己所做的事, 辛苦是值得的啊!

支持你將夢想變為事業, 將不可能變為可能。記著, 有願自有緣。

茶茶, 你說的話我已經紀錄在案。呵~~~

只要我人在香港, 宇宙便當任我食, 「嫁得出炒飯」任我「不」。

我........

亦悄悄地在編織著自己的夢想, 不管能否得到別人認同, 那怕成功與否, 我還是會努力嚐試, 那怕最後得不到我希望的結果。

仍是那一句, 不嚐試踏出第一步, 如何有機會看見成果的一天。

讓我們一起努力, 為夢想振翅高飛。

P.S. 相片來自Windie's blog。

瞓唔夠會肥架!

姊妹們, 瞓唔夠係會肥架! 瘦身中或keep fit中嘅姊妹們謹記呀!  真係要乖啲, 唔好捱夜唔瞓, 早睡早起身體好, 仲會fit 啲添!

我都係夜貓子, 越夜越精神, 仲要靈感多, 工作快, 真係大鑊。我最怕失眠眼光光, 其實我係極想十一點前上床覺豬, 試過但瞓唔著, 又要碌個幾鐘至瞓得著。所以而家學慢慢改, 由十二點半改到十二點, 好似灰姑娘咁, 十二點要走佬。

仲有過年後肥咗嗰三磅, 經過兩個幾星期嘅努力, 已經比我消滅咗!

本來諗住過埋weekend, 剩底未fing甩嗰半磅, 我就嚟多次三日纖腰收腹歺餐單架啦!  點知今朝上磅已經返回警誡綫樓下, 仲有突少少留嚟做quota。

所以話宇宙村姑拎住本宇宙秘笈再加埋瘦身孖寶, 點會甩轆, 只會所向無敵。

睡眠日解密 瞓不夠易胖

(星島)2011年3月21日 星期一 06:30

(綜合報道)

(星島日報    報道)有指人一生中用了三分一時間睡覺，一直以來有不少關於睡眠時間長短與健康關係的研究，最近意大利    就有研究發現，睡眠時間較短的人易肥胖，醫生和營養師不約而同認為這與荷爾蒙分泌有關。趁今天（3月21日）是世界睡眠日，齊來聽取專家意見，為睡眠奧秘解密。

　　文：Kaman 部分圖片：星島圖片庫

　　與荷爾蒙有關

　　精神科醫生方日旭（上圖）指出，長期睡眠不足可影響身體其中兩種荷爾蒙分泌，分別是瘦素（Leptin）和生長激素促釋放劑（Ghrelin），瘦素的作用是減輕食欲，而生長激素促釋放劑則會增加進食胃口。當睡眠不足時，瘦素分泌會較少，相反生長激素促釋放劑會分泌得較多，因此而令人胃口大增，容易較平日進食得更多，變相增加肥胖機會。另外，方醫生又指，當人們需要捱夜時，通常習慣以進食來保持清醒或提神，而進食的食物又大多以高脂為主，例如杯麵、薯片、雪糕等，故易致肥胖。

　　他補充，一直有不少有關睡眠時間與肥胖關係的研究，以往亦有一項研究發現，每天平均睡眠時間為七至七個半小時的女士的BMI（即身體質量指標）是最低的，但該研究並未特別說明原因。

　　較容易積聚脂肪

　　中文大學營養研究中心經理史曼媚（上圖）亦同樣認為，睡眠不足會令生長激素促釋放劑分泌較多，令人食欲大增，尤其特別想進食一些高熱量的食物，例如曲奇、糖果、麵包等。另外，長期睡眠不足亦會令腎上腺素    （Adrenaline）和皮質醇（Cortisol）指數提升，使身體游離脂肪酸含量增多，並於內臟和腹腔較容易積聚脂肪。

　　此外，長期睡眠不足更會影響新陳代謝    ，特別是對碳水化合物的代謝，亦有機會增患糖尿病    。她又強調，臨床上亦見到不少因睡眠較少而肥胖的個案，當他們回復充足睡眠時，肚子就會較之前平坦，腰部明顯沒那麼臃腫。

　　溫度高低具影響？

　　此外，該意大利研究亦指，長期處於室溫較高的人變胖的機會亦較大，史曼媚指，如果室溫較體溫低很多，身體便會產生自我「生熱」的機制，例如在天氣寒冷下，人體會運用多一些能量產熱，這樣會增加能量的消耗，體重或會因此而下降。但另一方面，當天氣寒冷，大家自然想多吃食物，透過消化過程產熱，並釋放能量令身體溫暖，經常多吃之下，體重自會因此上升，因此室溫低亦未必能幫助減肥。況且，史曼媚認為香港的室溫大多維持在攝氏二十至二十五度之間，與人體體溫相差不會太大，故對室溫影響港人肥胖的因果關係有所保留。

　　■長期睡眠不足會影響碳水化合物代謝率，更易患上糖尿病。

　　■捱夜人士喜愛進食高脂肪零食提神，長此下去容易致肥。