開心之旅(四)

唔覺唔覺三日之旅就嚟到最後一日, 跟昨天一樣瞓都差唔多十一點至起身。

拿拿聲梳洗兼收拾行装, 因為十二點要交房啊!  通常我哋會拎晒啲行李上車先, 再慢慢食嘢兼逛吓, 玩多個下午至返屋企! 

食完水果早餐退埋房, honey提議早啲走, 途經Woodbridge Mall先食lunch !  但當架車已經行咗十分鐘, 就快上highway, 我哋發覺已經就嚟一點, 到Woodbridge最快要一個鐘, 會唔會餓過龍呢!???

最後决定掉頭再泊番架車入parking lot, 去outlet 間Ruby Tuesday食完lunch, 點知一個唔覺意又敗家添!  明明開車走咗都番轉頭, 天意...............

我....................

又入咗鞋鋪............

嘩! 實在太離譜啦!  减成咁, 唔係化?

呢對長boots由$130減到$29.99。

最後變成小公主嘅戰利品。

呢對短嘅$80减到$19.99, 好難忍喎!

我仲係Clearance區, 揾到對二折嘅, $75變$15, 最抵C係我仲有張20% off coupon, 三對鞋減完再減, $51就出得門口。

呢對都好鍾意, 但係我忍忍忍。

唔好鬧我, 佢三位都有份敗家, honey手上嗰件Nautica上星期係梅西百貨見過, 減完都要40蚊, 係呢樹嘅Nautica outlet 16蚊有找, 好彩嗰日無買。小王子都唔執輸。

搞一大輪肚餓啦!

睇吓我係salad bar拎嘅salad, 幾colorful, 我連食兩碟。

再加個三文魚做主菜, 宇宙得非常飽, 非常滿足啊!

回程中仲比我哋見到雨後彩虹添。