努力。還我河山。冷靜。勿自亂陣腳。

完成教主嘅林志玲3日餐單, 今朝上磅3日一共輕咗1.4磅。

如果唔係Day 2中午跟斷咗, 影響成績, 我諗我巳經達標。

Anyway, 仲差半磅就返回警誡線樓下, 還我河山。如果過埋weekend都停滯不前, 我會嚟多次3日餐單。

今日NY好好天氣, 有華氏63度呀(17℃), 幾個月未試過, 終於可以著件薄啲嘅外套, 唔使做裹蒸粽啦!

天朗氣清又day off, 梗係趁對寶貝返咗學嘅師奶時間, 出外hea吓啦!  同老友出外嘆咗嗰lunch, 再係附近逛吓街, 係咁E刺激吓經濟, hea 吓hea 吓又接放學喇!

可以悠哉悠哉咁過一日都係福氣嚟! 

睇news見到日本那邊情況越來越嚴重, 心到實埋, 仲話未來48小時非常重要, 祈求上天憐憫, 事件快點平息。

呢次大型天災再加埋核泄漏, 真係影響深遠, 唔止日本有事, 係全世界受影響, 泥土海水受污染, 食物鏈就受牽連, 我哋真係要錫住個地球呀!  再唔去節約能源, 學識環保, 保護生態環境, 最終受害者係地球人, 我哋嘅下一代點算。

每人肯出一分力, 地球健康多一分啊!

最睇唔過眼啲無良奸商, 發埋啲災難財, 搞到啲HK父母四圍撲去搶購奶粉, 仲要狂加價, 掉返轉頭, 你個B無奶粉食你會點, 缺德, 賺錢賺得心安理得, 兼有形少少得唔得。

HK嘅爸爸媽媽要考慮嘅係搶多幾罐貴奶粉又如何? 個BB可以食多幾多餐呢? 搶購埋呢轉貨, 下水船嘅貨你仲夠唔夠膽買, 到時又怕輻射污染, 解决方法係咪要為BB轉第二個國家嘅奶粉呢!  唔一定係日本奶粉至最好嘅, 我唔信囉! 怕咪先請教兒科醫生, 拎個意見, 睇吓點幫BB轉奶粉囉!

睇見中港市民去搶購食鹽, 雞粉甚至豉油都唔放過, 真係暈, 碘鹽係唔可以抗輻射架! 我哋要冷靜, 唔好比啲謠言影響, 如果碘鹽可以抗輻射, 日本人就唔使咁頭痕啦!  用腦諗吓邊啲人發呢啲謠言出嚟, 咪又係啲奸商囉!

而家嘅情況同沙士期間, 大家去搶購白醋及八角, 有乜分別?

危難當前應先冷靜, 勿再被那些無恥之徒自亂陣腳。

大家再為今次天災祈福及祈禱吧!