宇宙神功再顯神通 Day 13

昨日開始跟教主嘅林志玲3日餐單。雖然跟得亂咗少少, 午餐晚歺餐掉轉咗, 但今朝上磅輕咗0.4磅。 仲差1.6磅就返回原位啦!

早餐: 排毒酵精 30ml, 橙一隻, 布冧一隻,

          低脂yogurt半杯(冇脫脂可用低脂代替), 梳打餅三塊

午餐: 疍治一件, 後加雜菜沙律一碟,

唔制呀!

本來早餐跟得好好地, 點知衰係嗰午餐樹。

事緣今日小王子十二點放學, 但家長會係12點50分開始, 得50分鐘食lunch, 好趕, 係無得選擇下與老友帶咗兩位王子去學校最近嗰間中餐cafe, 點知佢哋百冇, 冇灼菜, 無沙律, 魚生bar又未開, 最後只好揀個最輕量嘅疍治, 仲要等足廿分鐘我份疍治都未到, 其地三位都吃飽啦!  激C我呀, 最慘係d食物水準仲要唔掂。

我有諗過唔食, 但完咗家長會再接埋小公主, 要三點幾至返到屋企, 實餓暈啦!  我一餓過龍就手震兼頭暈, 點敢博呀! 所以我唔可以節食, 我要飽住個肚嚟瘦架!

雖然3點後返到屋企補咗個大沙律, 但家陣我嗰林志玲3日餐單斷咗添, 點算?  真失敗, 未試過跟餐單會斷咗, 咁繼續好定tomorrow由頭再嚟過? 有冇人試過好似我咁?

明天洗牌由頭嚟過, 跟番呢個定跟第二款餐單?

晚餐: 雜菜沙律一碗, 青瓜蟹柳沙律1/3碗

          三文魚魚生四片, 鰻魚一片, 雜菜蝦球炒烏冬(只吃瓜菜) 

今日係小王子新曆生日, 佢隻衰嘢又要求食佢最愛嘅壽司, 咁我咪沙律加魚生囉!

Sanck: Kiwi 兩個, 荷葉草本茶一杯

仲有就係今朝再開始飲番30ml 排毒酵精, 真係一哥即係一哥, 貴得有道理, 一飲番今日就去咗三次排毒, 最尾嗰次仲要係水便, 真係勁有排毒feel , 正呀!

~~~~~~~~~~~~~~~~~~~~~~~~~~~~

題外話, 今日翻開李居明免年運程, 發現佢話日本今年一定有八級大地震. 家陣中咗!  但佢仲講南美州都有機會地震, 唔好啦啩!

如果我無記錯, 佢話過2010及2011年係金木交戰年, 指易生交通意外, 紐約三日內兩單大型旅巴交通意外, 都頗為嚴重, 仲要兩單都係Manhattan Chinatown出發或回程嘅長途巴士。睇到呢啲新聞, 嗰心唔多舒服呀!