早餐: 橙一隻 + 木瓜切片一碗
午餐: 雞疍燒餅 + 橙一隻 + 新鮮菠蘿一碗
晚餐: 雜菜沙律 + 生菜疍炒飯半碗 (今日返工, dinner 係honey負責, 無得揀, 變咗兩餐澱粉添)
飯後果: 超大粒紅提子一大碗
後補: 九點半焗好啲蕃薯
, 忍唔住食咗一條添
, 咁夜先食, no eye see ......如果過多幾日M小姐走咗, 仍然未踢走埋嗰兩磅半, 我會跟教主嘅林志玲三日餐單, 教主啲餐單勁有效, 三兩磅啫, 未驚過, easy job......
明天day off 但已經有節目啦! 老友約咗我去uptown 睇NY 一年一度Internatinal Beauty Show 美髮美容展啊! 係呀! 咪就係去年我哋兩個儍婆俾US$85入去睇嗰個囉! 不過今年唔使俾錢。
因為老友嘅honey今年變成參展商, 我哋可以用員工pass入場, 正啊! 開心C我, 等我影多啲相返嚟比大家睇。
我最鍾意睇同試美容護膚品, 明天係呢個show嘅 last day。場內嘅參展商為免要搬貨搬機走, 通常會減吓價, 而場內嘅參展商大部份係批發商, 所以好多產品買少量都可以用批發價, 亦有特惠價。 發達啦! 真係未去先興奮, 睇吓有乜新奇有趣嘅新產品, 掃番啲返嚟玩吓先。
以前(講緊五六年前, 大啊妹係入面開檔, 我幾年都有pass入)場內有好多skin care sample派架, 又有得免費玩試做, 好似水晶甲, 紋眉, 植假眼睫毛, 做facial, 甚至乎最新減肥機都有得試, 真係可以行大半日架。
但2006年之後無去幾年, 去年帶老友去, 俾錢入場, 可能美國經濟真係差咗好多, 個show比以前細咗, 有啲美髮大牌子甚至乎無嚟, 無乜sample派又無demo試。希望今年好啲, 多啲參展商又多啲嘢玩啦!
No comments:
Post a Comment