今日全日都天陰陰但好彩冇落大雨, 好俾面我囉, 最少唔使濕淋淋拎住把遮!
我今日要走嚟走去, 好忙呀! 小公主昨日巳經派咗成績表, 所以今日佢只返半日學至11點半, 皆因12點半要開家長會。
晨早放低對寶貝返學, 要爭取時間, 仆去超市買定餸, 只因啊妹話今晚放工要過嚟食飯, 仲要落order指明食教主嘅茄汁三文魚。家陣你班友當自己係名人飯堂食豪門夜宴呀! 
吓吓玩點餸, 明知我仲未升呢做天使厨神架麻, 咪叫我越級挑戰就得喇! 
吓吓玩點餸, 明知我仲未升呢做天使厨神架麻, 咪叫我越級挑戰就得喇! 
噚晚碟咖喱雜菜好明顯未掂, 教主下令要再煮過, 等我揾齊啲料, 再挑戰過, 各位等等我。
本來諗住老友嚟接我, 就一齊去接女, 再齊齊搞掂個家長會, 再嚟個午餐先接小王子嘅。點知老友架車臨時入咗廠, 咁就由我變身做柴可夫, 服務大家。接咗老友就去接我哋兩個位囡囡, hea咗陣就齊齊去家長會見老師。一輪衝鋒陷陣, 半小時見晒四個老師, 閃得。Yeah! 
每位老師都見唔夠五分鐘, 只係講吓小公主啲成績, 操行, 有冇交齊功課咁啦! 唔知點解小公主升上六年班後, 突然之間升呢咗, 幾個老師都讚佢, 話佢冇問題, 最令我O咀嘅係竟然有老師話佢Pay attention
, 皆因由細到大見老師都比人投訴not concentrate。
, 皆因由細到大見老師都比人投訴not concentrate。
啊女, 究竟係你醒咗, 定係你個班水平低? 
雖然我咁講好似好衰, 但我真係未慣咁多老師讚佢囉! 
家長會之後, 我哋帶咗兩個囡囡去食上次嗰間希臘餐做lunch, 小公主同我老友個女好friend架, 坐埋就雞啄唔斷, 變成我哋有我哋講, 佢哋有佢哋講。
嘆完個lunch, 就飛車去接小王子, 真係少啲時間都咪食希臘菜呀。
其實個lunch我只係食咗啲雞肉及翠肉瓜, 再加杯咖啡, 但竟然飽都連晚餐都食唔落, 最後齋煮比幾位大爺食。
佢哋幾好餸, 有茄汁三文魚, 糖醋骨再加碟清炒節瓜。
有blog友仔問碟糖醋骨係咪我整, 為表明我唔係買外賣, 嚟多張上碟前嘅close up比大家睇睇。(有人睇得起碟招牌菜, 鬆毛鬆翼中
)
)
但honey好好人, 知我仲飽, 唔吃飯, 整咗碟沙律過我嘆!
再飲埋我嘅愛心青紅蘿蔔瘦肉湯, 呢個dinner, 正呀!
hehe~~第一
ReplyDelete[版主回覆11/17/2010 11:37:00] No. 1
haha我個仔又係由細到大都俾老師話not concentrate~~
ReplyDelete[版主回覆11/17/2010 11:49:00]唉! 小公主係由幼稚園開始, 年年俾老師話not concentrate, 太易分心, 今年竟然冇比老師投訴呢樣, 仲話佢上堂冇雲遊, 叫我點樣唔O咀吖。
" 其實個lunch我只係食咗啲雞肉及翠肉瓜, 再加杯咖啡, 但竟然飽都連晚餐都食唔落" <-- 一時忙得滯, 係唔會覺肚餓ga...不過你真係好忙bor, 一日之內走黎走去, 做mami 真係唔容易呀
ReplyDelete[版主回覆11/17/2010 11:52:00]今日忙啲啦, 但我寧願忙都好過out冬菇呀!
個糖醋骨妳整~~~咁犀利
ReplyDelete[版主回覆11/17/2010 11:54:00]哈~~~ 呢味糖醋骨係我至叻既招牌菜, 極限嚟架啦!
我同公仔反應一樣, 見到糖醋骨想問 "真係妳整咖靚媽 ?"
ReplyDelete[版主回覆11/17/2010 12:10:00]
呵~~~ 真係我整架, 最勁架啦!
細細個嗰時最怕家長日.....
ReplyDelete[版主回覆11/17/2010 12:10:00]其實家長都好怕家長日ｏ
我咁大個人做野都係not concentrate
ReplyDelete呢D壞習慣真係唔多好~
[版主回覆11/17/2010 12:28:00]咪鬼喊啦! 諗吓點concentrate仲好啦!
haha妳講得真係冇錯 "其實家長都好怕家長日"
ReplyDelete[版主回覆11/17/2010 12:43:00]咪係囉! 我哋D家長見老師都好大壓力架!
我都鍾意整排骨, 不過因為老公唔食酸野, 所以係醬油骨, 一樣好味!!
ReplyDelete[版主回覆11/17/2010 13:11:00]醬油骨要落乜嘢炆?
糖醋骨好味好味
ReplyDelete[版主回覆11/17/2010 13:30:00](Empty)
我記得之前睇過d報導話小朋友食得味精同糖既野太多會影響專住力架
ReplyDelete會唔會依家你地d野食清淡左有改善呀
[版主回覆11/17/2010 20:37:00]得味精同糖既野太多會影響專住力 ---> 唔通因為食得乖咗, 小公主變smart咗。
糖醋骨...正~
ReplyDelete[版主回覆11/17/2010 20:33:00](Empty)
下個月又到我要去細仔家長日, 其實見到老師真係唔知講乜好, 通常老師講完d測驗成績後, 就問我有乜嘢想問,
ReplyDelete我無特別想問, 老師就話: 「佢d成績確實不錯, 你返屋企記得讚吓佢, 簡簡單單一句對佢地有一定支持作用 」架~~~
[版主回覆11/17/2010 20:33:00]我次次只係聽, 冇乜持別嘢想問架! 咁等我讚吓小公主先。
糖醋骨－－＞ 呢味餸係咪所有媽媽既招牌菜呢～～因為我媽媽煮呢味都好正架～～同你個樣差唔多不過佢多汁小小囉～～以前每次煮都食兩碗飯架～～依家就變左食菜同飯湯啦～～
ReplyDelete[版主回覆11/17/2010 20:32:00]我兩個寶貝都好like架 !
為女女拍手
ReplyDelete[版主回覆11/17/2010 20:31:00](Empty)
我個女就真係成日雲遊
ReplyDelete[版主回覆11/17/2010 21:52:00]我個小公主雲遊四海十年有多, 終於係佢十一歲生日前清醒D啦! 希望佢繼續好似食咗聰明豆咁就好囉!
妳個女聽話事件好事,証明大個女,唔使妳擔心,唔知我個仔何時似小公主呢??
ReplyDelete[版主回覆11/17/2010 23:26:00]好快架啦!
你個糖醋骨真係好鬼正! 我都好想試下呀!
ReplyDelete[版主回覆11/17/2010 23:26:00]下次返嚟揾個厨房嚟整過你吃!
為小公主拍手...... 真係抵錫啊.........
ReplyDelete你honey 真係體貼啊，好sweet~!!!!!!!!
我都睇中左你煮既糖醋骨........我又要食.............
[版主回覆11/18/2010 05:51:00]估唔到我碟糖醋骨咁多人想食。
都話你係個好媽媽啦,仆心仆命都係為仔仔囡囡
ReplyDelete小公主甘叻叻,讚讚佢
[版主回覆11/18/2010 12:29:00]我都有讚佢兩咀嘅!
好想飲青紅蘿蔔湯呀! 我係哩邊搵極都搵唔到青蘿蔔
ReplyDelete[版主回覆11/18/2010 12:30:00]青紅蘿蔔湯真係好正架! 搵唔到青蘿蔔? babe你住邊架?
其實個lunch我只係食咗啲雞肉及翠肉瓜, 再加杯咖啡, 但竟然飽都連晚餐都食唔落, 〉〉〉 我觉得当了宇宙人之后，吃肉会觉得很饱，食量也会变小！（也不知道是不是心理作祟？）
ReplyDelete[版主回覆11/18/2010 20:36:00]應該係我哋吃多了蔬菜。
我整糖醋骨都有一手架 (自誇中... ) 最衰我地越洋,如果唔係要出黎交流下個骨
ReplyDelete[版主回覆11/18/2010 20:37:00]出黎交流下個骨 --->好似大師傳咁。
報告會長, 小女子住澳洲. 我試過去我屋企附近個菜檔搵青蘿蔔(已經算ok多野買架喇), 問d staff, 佢地都俾哩個樣我睇---> ......
ReplyDelete[版主回覆11/19/2010 06:14:00]原來你係澳洲, 莫非老外冇青蘿蔔嘅、
ReplyDelete檢舉
ChiCHi (izar) 2010-11-17 13:50
我記得之前睇過d報導話小朋友食得味精同糖既野太多會影響專住力架
會唔會依家你地d野食清淡左有改善呀
chichi講得啱,絕對有可能,小朋友飲食健康好重要
[版主回覆11/19/2010 21:55:00]chichi好叻呀!