剛剛過完呢個weekend, 大家點呀! 我就悶爆啦! 差D連個頭到「out」出冬菇。
星期六兩個寶見返完國語班, 食埋lunch就返屋企, 冇街街去, 皆因我位小公主未搞掂佢啲功課。
但dinner後, 小公主同小王子就比我鬧爆。佢哋兩位嘅鋼琴老師返咗HK vacation一個月, 臨行前講好比佢哋知要練邊乜歌及做乜功課。 兩條友仔無王管咁, 日日係咁依練吓, 就當應酬咗我。 點知我見悶爆, 等我嚟個突擊檢查, 要佢兩位彈過我聽, 最後我咪由悶爆變成鬧爆, 剷到佢哋上天花板囉! 
呢個星期佢哋要係Miss返嚟前, 狂練好D歌仔交差。如果唔係, 煮番碟炆豬肉佢兩位嘆。
星期日因為NY跑馬拉松, 封橋又封路, 為免出去同人塞車, 只好安坐家中, 又冇街去。
最搞笑係最後變攻打四方城, 平日我嘅角色通常係做「登」腳嗰位, 昨日竟然會打足12圈, 你就知我悶到發慌啦! 另外三隻脚係我奶奶及兩位外甥女, 連細路女都唔放過, C未。
你咪以為我好威, 蝦到佢幾位, 故事既發展係我變咗魚腩, 成為大輸家, 打兩毫半一番, 我都可以輸咗四個半, 連0靚妹都打唔嬴, 真係冇鬼用。
哼! 唔緊要, 師傅教落, 從小處去輸, 係大處度嬴, 嬴場麻雀輸個運, 唔化算呀!
哈~~~C撐中! 自己安慰自己, 扮啊Q。
後尾發覺自己唔止係魚腩, 仲係一條水魚。皆因blog友Fanny幫我排特平公主李驗明正身
, 佢話係假嘅。
, 佢話係假嘅。
唔制呀! 買咗老番添, 我要試堅嘅公主李呀!
買咗老番添, 我要試堅嘅公主李呀!
只怪當日自己一見到公主李「假」眼睫毛就即時兩眼發光, 唔理三七二十一, 買!
又唔知公價, 如果早知公價要九十蚊樓上, 見平一半都會拎些少介心出嚟, 家陣變咗老襯, 激C我啦!
好彩排老番D質素都唔錯, 比起我係呢邊用幾蚊美金買一對嗰D好。
唉! 又係樹扮啊Q! 公主李你等我, 下次返嚟一定要買到你。
做人阿Q都冇咩所謂呀, 最緊要開心 唔係好易出皺紋架, 所以我日日都咁開心
ReplyDelete[版主回覆11/09/2010 00:02:00]啊Q天使!
呵呵呵呵呵～～～～我Ｄ時間唔夠用呀．．．．．．． 我要去做ＧＹＭ呀，但抽唔到時間
ReplyDelete[版主回覆11/09/2010 00:58:00]嗚~~~我要搬番HK住呀!
今日呢邊又落雨, 邊度都去唔到, 我就嚟又失控啦!
做阿Q幾好ga, 我都耐唔耐都做下阿Q ga la~
ReplyDelete[版主回覆11/09/2010 02:19:00]
變做啊Q天使!
ah honey~~乜得妳真係咁慘無得玩要out菇......我呢幾日忙甩碌呀.....要睇中醫啦、同天使仔飯聚啦、追劇睇波......忙過不亦樂乎....24hrs都唔夠用喔....妳快d搬番來啦...
ReplyDelete[版主回覆11/09/2010 02:27:00]嗚~~~ 人哋out菇, 你仲曬忙, 係wor, 咁鬼悶, 做乜唔追番套劇呢! 今日呢邊落雨, 送完返學, 又係樹out菇, 家陣出去探吓中醫叔叔至接放學先! 好lur, 有街去啦!
我狂做功課冇得停，星期六日都係去同學屋企做功課溫書囉...........悶爆+無奈too~~~
ReplyDelete小王子+小公主俾你剷完上天花板之後，有冇乖乖練返琴呢???????
[版主回覆11/09/2010 02:38:00]咁乖D持掂埋d功課。
佢兩隻嘢仲夠胆唔認真, Miss星期四嚟上堂啦! 到時唔係剷上天花板, 係飛埋上天。
唔好唔開心,因為我個仔有時都比佢極到我死下死下
ReplyDelete[版主回覆11/09/2010 05:21:00]啲0靚有時冇佢哋符!
So Jealous you ar...... i want to play MJ )))))))))
ReplyDelete[版主回覆11/09/2010 10:19:00]Ha..... MJ係悶到C我至會玩, 我冇耐性坐咁耐。
香港的生活真係邊個都會話唔夠時間用, 我忙到打Blog 都無時間呀.
ReplyDelete[版主回覆11/09/2010 10:17:00]我都話住外國週時悶爆, 所以成日要出去玩ｏ
我以前都係教琴架, d小朋友冇練琴, 我一定鬧爆佢地呀! 佢地蝦人林, 如果唔鬧, 之後就唔練架喇!!!!!
ReplyDelete你咁亞Q, 我好鍾意呀!!! 凡事都向佢好o既方面諗, 開開心心, 真係幾好!!!!!!! 我發覺, 媽咪級EQ會高d!! 哈哈~
[版主回覆11/09/2010 10:16:00]Oh, 原來你都教琴嘅, 好叻呀! 我個兩位要時時吼實至得, 唔係就作反, 佢地個miss就係林囉, 唔夠惡。
媽咪級EQ會高d, 我諗要多謝D小朋友"訓練"我哋Ｕ
你咪掛住shopping ~~~ 要陪練琴喇靚媽!
ReplyDelete[版主回覆11/09/2010 10:22:00]哈~~~家陣咪要晚晚陪坐成粒鐘囉!
呢幾日悶到癲, 星期四公眾假期, 我要出街, 唔要留係屋企out冬菇。
外國的生活節奏真係慢d!!!
ReplyDelete[版主回覆11/09/2010 10:30:00]又慢又悶, C未。
我讀U開始教, 都教左5, 6年, 不過之後冇接生意啦~ 你冇野做就巡多d blog啦~
ReplyDelete[版主回覆11/09/2010 10:33:00]已經一日巡幾輪架啦, FB都亂埋, 真弊家伙。
教咁5,6年一定經驗老到。
亞Q精神, 開心過人呀!!
ReplyDelete小朋友練琴 = 你練琴-->
[版主回覆11/09/2010 11:38:00]好順喎衰鬼! 好句好句!
d細路學琴真係要練琴先得, 淨係上堂唔夠, 下次上堂Miss 好易發現佢地無乜練琴, 所以做媽咪都要督促吓, 你的情況我以前都經歷過, 完全明白你~~~
ReplyDelete[版主回覆11/09/2010 12:02:00]你實在太明白喇!
HK 呢邊個個都唔夠時間用呀~~
ReplyDelete我早幾日終於嘆左個久違了的午睡，正到丫
[版主回覆11/09/2010 12:04:00]嗚~~~我今日悶到嚟個午睡。放心, 我唔會比自己係樹數手指, 我要豐盛人生。
你的小公主小王子學咁多嘢槪，又國語又鋼琴~~·
ReplyDelete[版主回覆11/09/2010 12:33:00]咪就係呢兩樣囉!
用得靚就算啦！同麻無感敏就ok~
ReplyDelete唔好煩佢真定假了.....
[版主回覆11/09/2010 13:33:00]唔理啦! 照用。
哈哈哈~~ 我成日都做水魚... 搵我黎煲湯算數
ReplyDelete[版主回覆11/09/2010 13:44:00]哈~~~ 水魚湯唔曉煲喎!
咁咪變咗 假 公主李 假 眼睫毛囉? 唔緊要啦.....下次番嚟叫 fanny 帶妳去買......咁就唔怕變老襯
ReplyDelete[版主回覆11/09/2010 21:34:00]假 公主李 假 眼睫毛---> excactly