雨過天晴

係屋企"out"咗兩日, 諗住Monday出去wet吓! 

Wet就係wet啦!  不過係落雨嘅wet。仲要係又濕又凍又大風。

呢D天氣實在令人沮喪。

晨早送完對寶貝返學, 再去超市入埋貨, 返到屋企先係九點鐘。見個天黑沉沉, 都擔心又會落雨。點知未有機會比我出去逛吓, 就已經落到啲啲嗒嗒。既然係咁我唯有做好我份正職, 洗衫吸塵再執屋, 攪咗個零鐘, 又冇樹做。

巡埋blog再玩埋FB, 我唔係無聊成咁, 要玩數手指呀!

等到一點半, 冇雨啦!  出街逛吓先!  揸咗架車過八大道探吓我位中醫叔叔, 同佢傾番兩句再執咗兩劑苦茶, 醫生話我個胃同肝都有熱, 要清一清佢。

呢碗苦茶好惡頂, 苦到啊媽都唔認得, 點解啲清熱嘅中藥成日都咁苦, 仲要飲完個肚係樹咕咕聲, 等去廁所咁! 

苦盡甘來

泊架車係度等小公主放學, 真係大風都飛起, D樹好似就嚟吹斷咁, 我坐係架車度就勁震, 吹到我怕會連人帶車飛埋上天。

山雨欲來

架車轉出去向小王子學校出發, 望見遠處天邊有點藍, 希望快點

雨過天晴。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最近有幾位小天使姊妹心情起伏, 更有點失意, 但謹記你永遠有一群愛心小天使做後援, 無需氣餒, 振作起來吧!

人生路上不如意事十常八九, 一時失意不代表一切, 無論你覺得現在是多麼灰, 請記着黎明前雖然黑暗, 但總有太陽高升的日子, 有太陽就有曙光, 有曙光自然有希望, 有希望的人生定能綻放美麗。

人雖要適時減壓, 痛痛快快大哭一場又如何, 哭過後忘記不快, 重新上路。舊的不去, 何來有新。十年後回頭一看, 什麽也是小事一項。

學懂放下的人最幸福, 能原諒別人更是自己的福氣。共勉之。