公主李假眼睫毛
上次香港之旅, 買咗好多「玩具」返嚟, 未試未玩, 而家逐步開封, 試緊唔同嘅嘢, 試到好嘢再話比大家知, 上次提過個支溶黑頭精華, 仲做緊測試, 有結果再報告。
昨日雖然放假但凍到C, 最後邊樹到無去, 兩個寶貝自己摷D玩具玩, 佢兩位真係乜都玩餐飽, 我諗佢哋只係驚無得玩。
見無聊無乜樹做, 我都攞排公主李出嚟玩吓先! 
45蚊一盒十對, 有排玩, 我買完之後, 見卓X賣緊98蚊, 咁我咪買得好抵。
公主李係台灣牌子, 據講人手製造, 唔知堅定流, 雖然包裝唔吸引, 但我拎上手又好好feel 喎! 好輕, 條邊好柔軟, 唔同我平時買嗰啲外國款, 條邊比較硬。
好喇! 大家可以對比吓!
左邊係未載假眼睫毛前, 右邊係載咗之後。
我買呢排係交叉6型號, 比較自然, 唔係太誇張。公主李仲有交叉7及交叉8型號, 會密D, 誇多少少, 但化晚粧時用, 應該會令對眼再精靈啲。我剪短咗少少至用, 因為太長唔啱我對眼嘅長度。
平時我都好少"痴"一排過嘅假眼睫毛, 老友教我用一款一小撮嘅假眼睫毛, 只係"痴"番幾撮, 對眼就sharp啲, 日粧效果出嚟好自然, 初時用唔慣, 會覺得難啲, 唔知點"痴", 試多幾次熟咗就冇乜問題。
但其實自從今年3月, 我係NY個International Beauty Show入面買咗支眼睫毛增長液嚟用, 啲睫毛真係長咗好多
, 平日齋用睫毛液已經ok, 慳番唔少時間。
, 平日齋用睫毛液已經ok, 慳番唔少時間。
下次有時間再講吓呢支眼睫毛增長液, 等我摷番佢張brochure出嚟, 入面有介紹佢啲成分, 我比過我位醫生細細妹睇過, 佢話無問題, 我唔敢試嗰啲有醫青光眼成分嘅眼睫毛增長液, 我怕C嘛!
想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。
Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619
no 1
ReplyDelete[版主回覆11/03/2010 21:17:00] 教主, 你果然四處巡blog, 仲要處處no.1。
好搞笑啊, 妳同教主0係度互相no.1 勁快手!! jenny妳真係潮媽來的假eyelashes都玩埋!!! 我就怕怕地...硬係驚黐唔好會飛頭飛尾好樣衰 (類似呢0的火羅野唔知點解成日0係我身上發生 )
ReplyDelete[版主回覆11/03/2010 21:20:00]係喎, 唔記得自己都係教主度搶頭位添!
我以前都唔識黐架! 玩玩吓就識架啦!
你痴左對眼又幾大wor 快d聽教主話唔好戴眼鏡啦
ReplyDelete[版主回覆11/03/2010 21:21:00]聽晒教主同你哋話啦! 呢個week日日載cons啦!
我唔識 chee 假眼 睫毛呀
ReplyDelete[版主回覆11/03/2010 22:31:00]學吓就識!
我都有!!!我係交叉6....係台灣買 HKD$7X呀
ReplyDelete[版主回覆11/03/2010 22:30:00]唔係化? 台灣都要70幾。
真係好自然喎~~ 一小撮痴係自然但係都幾花時間~~出街就得囉~~因為我手腳唔協調呀!!
ReplyDelete[版主回覆11/03/2010 22:33:00]一小撮初時真係好難黐, 又要兩隻眼望落去平均, 但玩玩吓就ok架啦!
真係好自然喎~不過我都唔係好識"痴"....
ReplyDelete[版主回覆11/04/2010 05:38:00]試吓試吓就識架啦!
等你推介睫毛增長精華呀
ReplyDelete我都買過好幾隻，但係太貴o個d 我唔捨得買
平又好似無料到！
[版主回覆11/04/2010 05:41:00]好, 等我摷番張 brochure出嚟, 個包裝盒比我扔咗。
我又要大眼！
ReplyDelete[版主回覆11/04/2010 05:39:00]我都想要wor!
支眼睫毛增長液~~HK有無得買嫁.....我d睫毛短到C呀~~
ReplyDelete[版主回覆11/04/2010 05:42:00]HK有無得買我又唔知wor, 但好work 囉!
現在天天都係靚女啦!!!
ReplyDelete[版主回覆11/04/2010 05:42:00](Empty)
我自己未"痴"過假眼睫毛, 結婚時化妝姐姐幫我"痴"過. 得閒都買返盒黎玩吓. 等你介紹支眼睫毛增長液.
ReplyDelete[版主回覆11/04/2010 05:46:00]既然咁多姊妹想知支 睫毛增長液, 等我摷埋3月影果張before相post埋佢, 因為嗰時想知work唔work, 所以影低張相嚟做用後比較, 大家比少少時間我ｏ
我我我我黎嚕嚕嚕
ReplyDelete[版主回覆11/04/2010 10:20:00]抱抱先!
你痴睫毛再用睫毛液? 定用完睫毛液再痴假睫毛?
ReplyDelete[版主回覆11/04/2010 10:20:00]我用完睫毛液再痴假睫毛, 你個排玩成點?
Haaa.你真係好in嫁者!!我呢個後生女都個未痴過假眼睫毛. Haaa!
ReplyDelete[版主回覆11/04/2010 10:23:00]人一世物一世, 乜都試吓至實際。
我用叉八架... hahahahaaa
ReplyDelete想買叉七, 但搵唔到呢! 搵到又過百... 傻傻地~!
[版主回覆11/04/2010 10:22:00]我都買咗叉八, 本來想買埋叉七, 但佢轉頭就賣鬼晒!
我結婚時就"痴"過,到而家都未"痴"過。
ReplyDelete[版主回覆11/04/2010 10:24:00]咁再玩吓! 扮靚D, 嚇吓你老公。
有醫青光眼成分嘅眼睫毛增長液
ReplyDelete但d眼睫毛唔會有青光眼,可以改為冇預防成份嗎
[版主回覆11/04/2010 10:28:00]因為醫 青光眼嘅藥水, 佢嘅副作用就係會令D毛毛變長, 所以咪用咗嚟整睫毛增長液囉! 係work, 不過停用會甩睫毛及睫毛變得脆弱, 咁咪得不嚐失, 我真係唔制呀!
"痴"咗假眼睫毛真能令對眼sharp d, 大d, 吸引c人~~~
ReplyDelete[版主回覆11/04/2010 19:19:00]yeah!
醫青光眼成分--> 英文係咩呀?? 等我睇下我個支, 有無呢個成份呀!!!tks!
ReplyDelete等你推介睫毛增長精華呀!!!
[版主回覆11/04/2010 20:32:00]醫青光眼成分--> 英文係咩呀?? 等我問吓啊妹先。
baby, 公主李果盒假睫毛, 你影張close up (影佢盒內packing) 黎睇下, 我睇下係堅定流??
ReplyDelete因為正版公主李 at least 都要 $90 ga~
[版主回覆11/06/2010 10:13:00]吓! 你唔係嚇我呀! close up邊樹? 個packing咪就係齋寫住princess囉! 冇特別喎!
影佢裡面的橫&直線, 仲有影佢點樣stick d 假睫毛~
ReplyDelete[版主回覆11/06/2010 10:29:00]ok, 等我聽日影好upload上嚟再叫你check吓佢。
我都想試下玩，但係又驚玩得一次半次唔抵！
ReplyDelete[版主回覆11/08/2010 14:09:00]玩玩吓好易架!