Dinner @ Masakari

昨天午餐食咗嗰碗升級版豉油撈飯, 真係飽到飛起, 連下午茶都只係吃咗個Kiwi。

話說早幾日小公主同小王子因為冇練好琴, 比我剷到上天花板後, 呢幾日狂操, 一日兩轉, D歌仔終於見得吓人。昨天假期唔使返學, 但下午要學琴, 佢哋個miss返咗HK一個月, 終於回歸可以再上堂喇! 

點知佢兩位好似食咗聰明丸咁, 彈得好好, 交到差之餘仲比miss讚。唉! 佢兩位嘅水準真係飄忽過啲股票指數, 永遠無定向風, 估佢唔到, C未!

咁我都獎罰分明嘅, 鬧爆完之後既然有進步, 我都有獎嘅! 問佢兩位想食乜做dinner, 兩隻嘢都時異口同聲大叫Sushi。哼! 平時又唔見你哋咁齊心。

好啦! 應承你哋啦! 即時高興到we wa鬼叫。嘻~~~查實我自己都想食魚生。  

Honey, 對唔住喇, 又要拖啊豬仔去一轉日本餐館, 放心放心, 我哋唔會劏得佢好甘, 會就住嚟, 唔會一刀捅C佢。

今次去咗係Brooklyn 羊頭灣嘅一間日本餐館, 個名叫Masakari。

好彩行快一步, 唔係就要等位, 7點未夠, 使唔使咁爆場呀!  

嗱嗱聲落order, 唔係有排等。等食中就玩吓自拍啦!

小公主為咗扮嘢影呢張相, 倒瀉豉油添!

小王子終於正經咁影番張相啦!

先嚟兩個沙律, 左邊叫Kani Salad, 有青瓜絲, 白蘿蔔絲, 假蟹柳絲及蝦子。右邊碟係我嘅田園沙律。

呢碟係Yaki Udon, 雜菜蝦球炒烏冬, 呢個好好味, 想宇宙嘅可以走蝦球。

主角魚生壽司出場, 啲三文魚及tuna 都好fresh, 好甜。加州卷係小王子至愛。後尾仲要encore多一條。

呢個係Shrimp Terayaki, 仲跟一碗白飯嘅! 啲蝦下面有好多洋葱架!

呢間餐館, 除咗魚生壽司新鮮, 厨房熟食都幾好架!

食飽飽返屋企啦!  小王子做乜你今日high 爆咁呀! 仲要嚟個双V。