5月31日

今朝上磅數字係:  115.60

早餐(9:30):  暖水一杯, 蘋果一個

       (10:30):  橙半隻

午餐(1:30): 雜菜雜果沙律一碟, 凍奶茶半杯

Snack(4:30): 橙半隻, 蜜瓜切粒一碗

晚餐(7:00): 雜菜雜果沙律一碟

Snack(8:30): 西瓜粒一碗

今日黎個全菜日補飛, 老公今晚下廚, 十年唔逢一潤, 整左個靚靚愛心沙律比我, 抵鍚, 真係好鬼死多料, 有生菜, 士多啤梨, 黃椒, 蘋果, 藍梅, 青瓜及金色奇異果, 連沙律醬都唔使落, 食完呢大碟沙律, 飽到上心口, 邊個話齋食蔬果唔飽架, 勁飽呀!

唔知搞乜, 115.6呢個數字, 跟左我4日, 唔上唔落, 我有諗過個磅係咪short左。

好彩冇應承個妹今日去Bronz Zoo, 今日仲熱過噚日, 企出街耐D都俾太陽伯伯溶左, 望下自己真係哂黑左少少, 賣桔lor, 拿拿林敷番個美白mask, 好明顯我係indoor人啦, outdoor活動唔係咁岩我, 除左做廿四孝阿媽時, 冇得揀lor。

尋日post左D近照上blog, 好多blog友留言鼓勵, 其實我仲要努力, 唔好讚壞我, 我係得塊尖尖地既面呃得下人, 手臂拜拜肉, 腩仔肉仲跟住我, 小蠻腰失散多年仲未搵得番, 好彩阿媽生得對腳叫長少少, 但大脾D肉仲有D鬆鬆地。

我有諗過要做機修型減吋數, 但NY既美容院收得貴, 效果又麻麻, 我再信唔過佢地, 記得小公主同小王子出世後, 都做過LPG M6機減肥, 但佢地齋叫你做機減, 又唔識教你跟飲食, 齋做機減破產都似, 所以兩次我都只係做左20次, 減左6-7磅左右, 最慘係小王子出世後個次, 個妹妹仔美容師應該係經驗唔夠, 後來我發現左右腳不對稱, 仲要衰到右邊大脾比左邊肥半吋, 但右邊小腿又比左邊幼四分一吋, 上下左右都唔對稱, 搞成咁, 死未, 仲點敢交個body比佢地呀!

5月30日

今朝上磅數字係:  115.60

早餐(9:00):  暖水杯, 蘋果一個

Snack (11:00):  Strawberry 四粒

          (1:00): 蘋果一個

午餐(1:30): Grilled Chicken Salad一碟

Snack(4:00): 朱古力慕絲蛋糕一件

晚餐(6:30): 清炒通菜, 皇子菇炒牛肉, 京都骨一件, 蝦一隻, 橙半隻

Snack(8:30):  蜜瓜粒半碗

作死lor, 一到weekend就亂晒, 整乜鬼會食左兩餐肉架, 明明午餐前仲好地地, 我個魔鬼細細妹去完玩, 買左成個慕絲cake上來, 搞到我失守。 到dinner時又唔知做乜鬼, 比太陽伯伯晒到矇左, 明明lunch食左個chicken salad, dinner要食澱粉, 完全無左件事, 食到一半先記起lunch食左肉。天呀, 明天要來個全菜日至得啦!

今日一早帶埋對的仔女去左New York Aquarium玩, 10a.m.同我細細妹一家三口係那裏集合, 三個小朋友玩得勁開心, 睇完企鵝, 又睇shark, 仲有海獅表演, 好多野, 玩足四粒鐘, 但係晒死我啦! 塗足防哂都頂唔住呀! 太陽伯伯實在太猛烈, 玩完返黎, 晒到有D頭赤赤。啊妹話明天再帶個仔去Bronx Zoo, 問我去唔去? 唔係化, 再暴晒多日, 我D皮膚仲唔乾塘, 死得啦, 做多幾次facial都補唔番, 唔制, 死都唔去住, 等放summer先再帶佢地去。

等我放幾張今日映既相, 大家睇下呢, 去片...

一場黎到, 梗要係門口映番張到此一遊啦!

咦, 環境唔錯wor!

阿妹未到, 咁哂法唔掂呀, 拿拿林搵個樹蔭遮下先!

後面有魔鬼魚睇。

呢個就係我lunch既Grilled Chicken Salard, 好好味, D菜好fresh, 不過D雞分左半比老公同小王子, 小公主唔吼。

oh, 呢張專登post比教主同小秘書睇既, 因為之前答應放張相比佢地睇, 張相由小王子操刀, 係咁上下貨仔, 呢個就係瘦身成功左一半既我。

專登著返呢件bear bear上衫比你地對比下以下呢張, 唔好嚇親, 預備好未, 黎啦,

嘩, 塊面同個body都圓碌碌, 冇眼睇!

            

5月29日

今朝上磅數字係:  115.60

早餐(8:30):  排毒酵精30ml

        (9:30):  蘋果一個

午餐(11:30): 白粥一碗, 油條半條, 橙一個

Snack(2:00): 凍檸茶少甜半杯, 奶油多士一塊, 冬菇金菇碗仔翅半碗

晚餐(7:00): 大量清湯煮西洋菜, 紹菜, 白蘿蔔, 金菇

                   水煮蛋半隻, 蝦二隻, 肥牛八片

今日中午食左毒物~~油條半條, 一到weekend就失控, 真係失敗!

之後接左小公主和小王子放學, 一家四口去tea完, 男既返屋企hea, 女既去扮靚靚, 我帶左小公主去飛番個靚髮, 不過小公主就慘D, 佢剪完之後等左我兩個半鐘, 嘻....因為我整負離子, 都算俾面, 雖然好boring但完全無扭計, 最多只係埋黎我度八下, 超抵鍚!

其後小公主要求食打邊爐, 我又點忍心say no 呢! 有相為証, 我食左大量蔬菜, 望下個檯面, 只係冇食粉絲同魚蛋。當然大家仲可以望下我個新髮型啦! 搞左三個半鐘架, 坐到腳到痺埋。 

5月28日

今朝上磅數字係:  115.60

早餐(7:45):  排毒酵精30ml

        (9:30):  蘋果一個

午餐(12:30): 蝦湯米粉加芽菜通菜一碗, 凍咖啡少甜一杯

Snack(5:00): 羅漢果水一杯, 西梅乾三粒

晚餐(7:15): 水煮菜心半碗, 清炒椰菜一碗

                    炒蝦球三隻

今日小公主收到一個月前考皇家音樂學院鋼琴試Grade 2 的結果了, 係合格既, 安樂晒。上星期又幫小公主和小王子報左暑期班, 明天上國語班, 下星期一又係holiday, 唔使返學, 星期二小公主學校隊band又有表演, 我梗要出席啦! oh, 唔記得同大家講, 小公主係隊band入面係負責吹單簧管既。大家唔好諗多左, 唔好以為小公主吹得好有型, 我唔覺lor, 小王子有次話想學小提琴, 嚇C我, 唔好玩啦啊仔, 你搞唔掂個小提琴, 日日拉到雞叫咁, 我就真係比你搞掂啦!

D人成日以為師奶好得閑, 湊仔執屋煮餐飯, 你估做好呢份工咁易架, 24小時stand by, 年中無休, 無雙糧無OT, 慘過返工呀老細。

5月27日

今朝上磅數字係:  116.20

早餐(7:30):  排毒酵精30ml

        (9:00):  蘋果一個

午餐(1:00):  藍梅鬆餅一件, 咖啡少甜少奶半杯

Snack(3:00): 蘋果一個, 橙一個

         (6:00): 羅漢果水一杯

晚餐(7:00): 皇子菇白玉菇炒肉片半碗, 清炒黃芽白碗一碗半

Snack(9:45): 低脂奶一杯

今日小公主初中派位有結果啦, 雖然去唔到第一志願, 去番zone school, 但都入到Superintendent's Gifted Program, 即所謂天才班, 但我覺得最多只可以叫資優班, 因為我唔認為我位雲遊小公主係天才lor, 成日十下十下咁, 哈.....

派唔到去第一志願, 我係預左架啦, 間學校每年得百零個位, 咁多人爭磞頭, 邊樹有咁易入呀, 不過呢間初中最近屋企, 咪照報lor, 博下咁啦。既然唔得咪順其自然lor, 我唔使個女拎第一, 只要佢盡左力, 讀得開心就ok啦! 有時見到有D小朋友只有返學, 補習同溫書, 完全無得玩, 好慘姐! 其實望番啊女個總成續分有2687分, 都算係咁, 我收貨架啦! 可能我要求低啦!

我有個老友個女, 大小公主一年, 就係讀緊小公主派去個間學校既天才班, 所以向佢收下風。聽佢講每級只有兩班天才班, 仲要淘汰制, 成續一唔達標, 即叮, 無得留低, 返番去普通班, 啊女今次有壓力啦。但係天才班有乜唔同, 課程比同級既深D, 學校有資源都會比佢地先, 老友個女話最新添置既MAC laptop都係天才班用先, 連食lunch都優先, 可以食先。唔係化, 食lunch都有分頭圍定尾圍, 咁抵死。

但想深一層, 又好似將D小朋友標纖左咁, 唔係幾好wor, 咁快要佢地玩階級觀念, 我諗我要跟小公主做下指引, 唔好以為自己高人一等。

5月26日

今朝上磅數字係:  116.40

早餐(7:30):  排毒酵精30ml

        (9:00):  蘋果一個

午餐(1:00):  冬菇金菇碗仔翅一碗, 奶油多士一件

                    凍咖啡少甜半杯

Snack(3:00): 蘋果一個

          (5:30): 羅漢果西洋菜瘦肉湯一碗, 紅蘿蔔湯渣一碗

晚餐(7:00): 煎雞扒雜菜生果沙律一碟, 熱奶茶一杯

Snack(9:15): 蜜瓜粒一碗

哎呀, 唔知係咪就黎M到, 加埋weekend唔乖, 比最低點重番一磅, 又嚮起警號啦!

仲有今日隻右眼又有D痕, 好驚花粉惡魔又蒲頭, 我唔想食西藥呀!

5月25日

今朝上磅數字係:  116.20

早餐(7:30):  排毒酵精30ml

        (9:30):  蘋果一個

午餐(12:00):  白方包二片, 咖喱雜菜西蘭花兩碗

Snack(4:00): 香蕉一條, 荔枝味椰果一粒

晚餐(7:30): 雜菜生果沙律(少沙律醬)一大碟, 磨菇菠蘿 pizza 一塊

Snack(8:30): 羅漢果西洋菜瘦肉湯一碗, 紅蘿蔔西洋菜湯渣一碗

今日Tuesday, pizza有特價, 家中兩隻monkey仔要食pizza, 搞到我兩餐都食澱粉, 但被我發現一樣野, 就係我唔再鐘意食pizza, 覺得好油, 唔多想吃, 到佢地食玉桂卷時仲大鑊, 聞到個D焗出來的油味, 直情有D想嘔, 立即命令兩隻monkey仔拎去廚房食, 我頂唔住陣味。

係呢一刻我諗到自己是否已排毒成功, 因為Angel講過如果你食公仔麵會想嘔, 代表你已排毒成功。  

5月24日

今朝上磅數字係:  115.80

早餐(7:30):  排毒酵精30ml

        (9:30):  蘋果一個

午餐(1:00):  星洲炒米一碗(走火腿絲及蝦)

                    油菜心一碗 

Snack(3:00): 蘋果一個

晚餐(7:30): 皇子菇炒牛肉丁半碗, 蝦米炒節瓜一碗

                   水煮長生菜半碗, 黑松露醬伴炒滑蛋幾啖

Snack(9:30): 蘋果半隻

hea 左兩日, 今朝上磅, 無重到但原地踏步, 見曳左兩日, 都係飲多幾日酵精補飛。

因為小公主投訴冇短袖衫著, 所以昨天全日進行換季大行動, 搞左大半日, 差D想C呀!

所以冇上blog, 昨天磅數係116, 但中午無跟宇宙。好啦, 今天重新出發, 再次修練宇宙神功。

我個妹三個星期前係HK旅行返來開始跟我飲酵精, 我叫佢用宇宙自然飲食法瘦身, 初時呱呱叫, 話肉同飯分開食好唔慣, 跟左兩個幾星期, 佢今日同我講話開始無咁掛住D飯, 今日同佢分個星洲炒米, 佢真係會揀番D火腿同蝦出黎, 最少佢巳經將去旅行肥個三磅踢走左, 係一個好開始。

5月22日

今朝上磅數字係:  115.80

今日只有上磅數字記錄, 沒有飲食記錄, 皆因連我自己都唔記得食左乜, 今日係減肥呢三個月來最唔乖既一日, 亂食一通, 完全忘記左乜野係宇宙自然飲食法, 請教主及班長唔好鬧我, 唔好記我大過。

今朝早餐來個老爺茶敘, 午餐雖然無乜食野, 成班人一家大細出去shopping, 但食左半個甜筒, 又飲左杯Starbuck 咖啡, 晚餐再來個老爺飯局, 仲要食埋炒飯, 死未, 不過三個月先癲一次, 仲afford到既, 哈哈哈....但又幾滿足喎衰鬼。Anyway, 返到屋企拿拿林飲番30ml 排毒酵精, 明天炸番哂D毒出來, 應該仲頂得住。

今日shopping好開心, 恨左著skinny jeans好耐, 但以前唔敢著怕影響市容, 今日買左兩條skinny jeans legging, 一條regular length, 一條係三個骨長度, 勁開心! 而家著得起, 點到要著番夠本, 著埋對high heel, 對腳仲長, 但唔敢買太多新褲, 因為我仲要減埋果5.8磅, 我一定得既。

昨天著左條三個骨長度既legging, 個friend話我對腳瘦左, 而家著legging好睇過舊年, 夜晚老公見到我, 仲搞笑, 佢話我對腳變左chicken legs, 但我話寧願變chicken legs都唔要似象腿。 

5月21日

今朝上磅數字係:  115.80

早餐(8:00):  排毒酵精30ml

        (9:00):  蘋果一個, 水煮西蘭花半碗

午餐(12:30):  雜菜上湯河粉一碗(走魚蛋)

Snack(2:30): 蛋撻一件, 紅豆冰半杯

晚餐(7:30): 煎小牛扒一件, 雜菜蘋果沙律一碗,

                  水煮唐生菜半碗

         (9:30): 紅蘿蔔牛蒡瘦肉湯一碗

嘻..., 下午茶失控, 見到好耐冇見既蛋撻仔同紅豆冰小姐, 忍唔住咀左佢地幾啖。夜晚件牛扒比預期大左D, 唸住跟番三七比例, 食番多D菜, 點知吃完,  太飽, 頂到上心口, 下次寧願浪費些少牛扒, 好過飽得滯, 辛苦自己。

我家大小姐同二少架舊鋼琴夠期退休, 前兩日買過架Casio PX-830比佢地, 好鬼死肉赤, 但阿二少比較念舊, 硬係話舊個架好D, 走音喎, 仲話好D, 比佢吹脤。究竟佢知唔知佢同家姐一年學琴使我幾多銀兩, 家陣D小朋友真係唔知價。

5月20日

今朝上磅數字係:  115.80

早餐(7:30):  排毒酵精60ml

        (9:00):  青提子二十粒

午餐(12:30):  冬菇金菇碗仔翅一碗(走雞肉),奶油多一件

           凍檸茶少甜一杯

Snack(3:30): 消化餅兩塊, 荔枝味椰果一粒

晚餐(6:45): 煎雞扒一件, 雜果生菜沙一碗,

                  上湯煮菜心半碗

         (8:30): 紅蘿蔔牛蒡瘦肉湯一碗


今日係第二輪排毒療程的最後一天.療程, 之後打算停一個星期再轉飲五行酵精ｏ

5月19日

今朝上磅數字係:  115.60

早餐(7:45):  排毒酵精60ml

        (9:00):  蘋果一個

        (11:00): 香蕉一隻

午餐(1:00):  雜菜火腿蛋通粉一碗(走火腿),凍奶茶一杯

Snack(4:30): 水煮白菜心一碗


晚餐(7:15): 豉汁排骨六粒, 水煮西蘭花一碗半

        (9:00): Strawberry 八粒

5月18日

今朝上磅數字係:  115.80

早餐(7:45):  排毒酵精60ml

        (9:00):  蘋果一個

午餐(11:30):  迷你意大利腸一條, 煎蛋一隻

                      水煮油菜心一碗


Snack (4:30): 蕉一條, 荔枝椰果一粒

晚餐(7:30): 磨菇蕃茄汁意粉一碗, 水煮西蘭花一碗

        (9:30): 蘋果一個

5月17日

今朝上磅數字係:  116.00

早餐(7:45):  排毒酵精60ml

        (9:15):  蘋果一個

午餐(11:30):  藍梅鬆餅四分三件, 熱咖啡少糖半杯 

Snack(3:00):  豬仔包半隻, 荔枝椰果一粒

          (4:00):  橙一個

晚餐(7:20):  豬肉碎蒸蛋半碗, 清炒節瓜一碗,  咖喱雜菜半碗

                    青紅蘿蔔瘦肉湯一碗加紅蘿蔔半條(湯渣)

排毒酵精真係勁, 今日竟然一日去左3次大大, 我都唔係食左好多野, 都唔明點解可以有咁多次呵, 但唔攪肚痛, 只係去前有D肚谷谷, 排完後仲勁舒服, 呢個feel, 正, 感覺成個人都乾淨晒, 仲有三日就完成第二次既廿一日排毒療程, 之後打算停一個星期再轉飲五行酵精(啊妹上個月係HK幫我買既)。

5月16日

今朝上磅數字係:  115.40 (新低點)

早餐(10:00):  排毒酵精60ml

        (10:15):  蘋果一個

午餐(1:30):  越式腸粉四條, 芽菜青瓜絲一碗

晚餐(8:00):  清炒菜心半碗,  咖喱雜菜雞煲(雞中翼兩隻, 雜菜一碗)

                    青紅蘿蔔瘦肉湯一碗

昨天下午阿妹打電話來話三缺一, 我見成年都無同佢地癲過, 好啦, 點知一打就二十圈, 返到屋企已經11:30pm, 攪到blog到無寫, 最慘係食公仔麵做dinner, 呢D毒品人家幾個月都無掂麻, 而家又衰左。其中一個麻雀腳成年無見, 一見我就話我瘦左一個圈, 問我點減, 哈...最近開始好多人問我點減肥, 我梗係立即推介宇宙神功啦!

應該係昨天食得太少, 所以今朝有新低點出現, 但總括M後黃金十日, 減左2.2磅, 非常開心, 三個月減左8.4磅, 雖然係慢慢咁落磅, 但全程唔辛苦又健康, 咁先係最正, 仲有5.4磅就達標, 去番當年結婚既磅數, 加油, 我一定得既。

5月14日

今朝上磅數字係:  115.60 (新低點)

早餐(8:00):  排毒酵精60ml

        (9:15):  蘋果一個

午餐(12:00):  排骨兩粒, 鳳爪一隻, 蝦腸一條半

                      水煮菜心一碗, 蛋撻一件

Snack(2:00): 凍檸茶少甜半杯

晚餐(7:00):  上湯菜心一碗, 星洲炒米大半碗(走肉絲及蝦仁),  橙一個

嘩嘩嘩, 呢個係我今朝上磅既反應, 今日係M後黃全10日既第9日。排毒酵精, 宇宙神功加埋M後黃金10日呢個鐵三角真係無敵, 無得頂呀! Amazing!

呢9日, 我唔見左2磅, 再次hit new low! 不過我今日lunch又犯規ｏ

仲有老公昨晚終於出trip返來, 返來前佢同我講話肥番10磅, 佢仲諗住佢返來就要地獄式訓練佢, 點知原來佢呃我, 今朝捉佢踏上磅, 竟然仲輕左3磅半, 唔係麻, 三個禮拜內日日每日六餐仲有得減磅, 原來佢無乜食澱粉, 肉跟大量蔬菜, 佢話都係只跟到六七成宇宙自然飲食法。

再一次証明Angel呢個飲食法超勁, 點到你唔服!

5月13日

今朝上磅數字係:  116.00 (新低點)

早餐(7:30):  排毒酵精60ml

        (9:00):  橙兩個

午餐(11:00):  蝦餃一粒, 小籠包兩粒, 水煮菜心一碗

        (1:00): 奶油多士一件, 凍檸茶一抔

下午茶(4:30):  蘋果一個

晚餐(7:30):  蝦球一件, 龍蝦肉兩件, 西蘭花半碗, 上湯莧菜一碗半

昨日唔知係咪淋左少少毛毛雨, 夜晚有D頭痛唔舒服, 又累, 連blog都無寫, 網都無上, 11點就走左去覺豬, 好彩今朝起身無事兼好精神。

lunch又比人拉去飲茶, 無奈地又衰左, 夜晚再黎個老爺飯局, 唔理咁多, 係咁食菜, 連伴碟既西蘭花都唔放過, 補飛再補飛ｏ

飯後帶埋對仔女跟埋老公二哥去機場接老公機, 三個禮拜了, 終於返黎啦! 小公主和小王子見到Daddy 出來, 勁開心勁興奮, 攬住唔放, 當我冇到, 暈啦!

5月11日

今朝上磅數字係:  116.20 (新低點)

早餐(7:30):  排毒酵精60ml

        (9:00):  蘋果一個

午餐(12:00):  肥牛薄片十二片, 大量蔬菜菇類

晚餐(7:15):  白飯1/3碗, 玉子豆腐兩件, 清炒椰菜一碗

Snack(9:00):  香蕉一條

嘻..., 唔好鬧我又去左食一人一鍋, 夜晚個餐補飛食清D。

5月10日

今朝上磅數字係:  116.20 (新低點)

早餐(7:30):  排毒酵精60ml

        (9:15):  蘋果一個

午餐(12:30):  藥材雞腳兩隻, 山竹牛肉一粒, 排骨兩粒

                      水煮菜心一碗, 迷你蛋撻一件

Snack(3:30): 豆漿半杯

          (4:30): 橙一個                


晚餐(6:30):  雜菜菠蘿炒飯一碗, 炒黃芽白半碗

Snack(8:30):  蘋果一個

今日lunch 跟好友及我表哥表嫂一齊飲茶, 佢地一見我就話我瘦左好多, 表嫂仲問我用乜方法減肥, 我即刻教佢鍊宇宙神功, 但之後佢三位一齊叫我唔好再減, 話夠瘦啦, 我塊面已經太尖啦! 但我仲未達標喎, 仲差6.2磅呢!

我同佢地講減肥一瘦就梗係全身瘦, 好難叫塊面唔瘦架, 除非我打腫塊面啦, 我仲話做機去"V"面, 好貴架, 難得我自動"V"左, 咪幾好, 慳返D呀! 

最搞笑係我接完仔女放學返到尾企, 表哥車表嫂過黎問我有冇宇宙自然飲食法既規條, 想要份hardcopy咁話, 你話呢, 邊個女人唔貪靚, 邊個想包包面水桶身型跟住自己!

我仲想瘦埋個6磅, 但有乜方法瘦身唔瘦面呢? 各位姊妹有冇計呀? 幫手諗諗好喎。 

5月9日

今朝上磅數字係:  116.60

早餐(10:30):  排毒酵精60ml

        (11:15):  香蕉一條(其實唔應該食蕉, 但再唔食就要入垃圾桶)

午餐(1:15):  磨菇蠔油蝦子麵半碗, 清炒四季豆一碗

Snack(4:30): 蒟弱椰果兩粒                  

晚餐(6:15):  煎雞排雜果生菜沙律, 少甜熱奶茶半杯

Snack(8:30):  蘋果一個

今日好開心可以瞓到自然醒, 呢次輪到阿女九點未夠就醒左, 不過佢一樣好乖冇搞醒我, 仲做好中文功課, 讀埋昨日係圖書館借的兩本故仔書添, 真係要讚佢一句Good Girl!

今日係Mother's Day, 我兩個寶貝各自畫左一張咭再加一朵係學校買既假玫瑰花送比我,巳經好心甜。祝所有媽咪母親節快樂!

今日突然氣溫大跌,比昨天勁跌左華氏廿幾度,搞乜科, 今年D天氣勁反常, 所以午餐冇出街, 係屋企煮左個簡單午餐, 而dinner就早D出去食, 因為老公出trip仲未返, 要自己開車, 都係早D食, 早D返屋企, 免得黑麻麻開車返歸啦!

仲有就係昨天開始飲60ml酵精, 呢兩日勁多屁屁, 好彩唔臭既。

5月8日

今朝上磅數字係:  116.40

早餐(8:30):  排毒酵精60ml, 橙一個

        (10:00):  鬆餅一個, 熱咖啡半杯(少糖少奶)

午餐(1:00):  海南雞二件, 排骨一條, 馬拉盞通菜一碗

下午茶(5:00):  蘋果一個

晚餐(7:00):  肥牛薄片十多片, 大量蔬菜及菇類

        (9:30):  清補涼湯一碗, 香蕉一條

今晚順應小公主要求, 去左食一人一鍋, 練宇宙神功其實係幾岩食火鍋, 菜菇類加一种肉類, 好易成功, 只要做到三七比例就OK喇!

明日Sunday又可以睡耐D, 諗下應該冇乜野做, 會係屋企hea下, 執D夏天衫出黎咁啦!

5月7日

今朝上磅數字係:  116.60

早餐(7:30):  排毒酵精30ml

        (8:45):  蘋果一個

午餐(12:45):  豬仔包一個, 水煮油菜心一碗


晚餐(7:00):  大蝦一隻, 蒜香雞一件,  牛肉一塊, 酸排骨兩粒,

                    炆冬瓜一大塊, 水煮西芥蘭半碗, 上湯莧菜一碗

117穿左啦! M後黃金十日, 排毒酵精加埋宇宙神功, 呢個鐵三角組合, 真係無得頂!

真係要用十個"勁"來形容呀! 

不過今晚又有老爺飯局, 慶祝母親節, 宇宙神功練得半桶水, 但冇掂澱粉, 菜都夠, 但就肉同海鮮大雜會。明日要食番清D, 仲有第二輪排毒療程進入第二個星期, 明早開始飲60ml排毒酵精。

昨晚同老公MSN, 佢叫晒救命, 話佢之前減個10磅既努力, 已隨住佢返廈門呢個trip付之流水, 鬼咩, 日日食都冇停口, 仲要唔好唔靚都唔放入咀, 唔反脹之奇, 我只有話"抵死", 下星期佢返到黎又要捉佢排毒兼減肥, 三星期內一鋪食左咁多毒素, 有排搞, 死未!


                    

5月6日

今朝上磅數字係:  117.00

早餐(8:00):  排毒酵精30ml

        (9:00):  蘋果一個

午餐(1:45):  齋腸粉二條, 港式撈麵1/3碗

                    水煮油菜心一碗, 凍奶茶一杯

Snack (4:30): 橙一個, 鳳梨酥一件

晚餐(7:30):  蕃茄牛肉一碗(牛肉六片),  清炒四季豆一碗

                    清補涼瘦肉湯一碗

好開心, 今日磅數係近十年來新低點, 仲差7磅達標, 可能跟M後黃金十日有關, 今日係M後第二日, 繼續努力。

今日去做facial, 我個美容師見我瘦左, 面色又好左, 問我點樣減肥, 我當然好落力咁話佢知係用左宇宙自然飲食法啦!  佢覺得就咁就可以瘦身, 好神奇, 佢話要試下。但我敷緊面時聽見佢叫外賣鴨腎同麵食, 真搞笑, 已經犯規啦!

5月5日

今朝上磅數字係:  117.60

早餐(7:30):  排毒酵精30ml, 蘋果一個

        (10:00):  水煮菜心一碗

午餐(11:00):  藥材雞腳三隻, 蝦腸一條, 馬拉卷一件,

                      南瓜蒸排骨各兩粒, 蒸蘿蔔糕一啖

Snack (2:00): 紅豆冰一杯

晚餐(7:30):  磨菇炆雞中翼三隻, 水煮西生菜一碗半

一見紅字就知我犯規啦! 去左飲茶, 練功不成, 好彩出門前食左碗水煮菜打底。

開始左第二輪排毒, 只係頭兩天肚仔D咕咕聲, 但每天解決得好輕鬆正常, 而家連我個妹都開始左飲酵精排毒。

排毒酵精真係寶, 紐約有代理賣就更好!

5月4日

今朝上磅數字係:  118.00

早餐(7:30):  排毒酵精30ml,

        (9:30):  青紅蘿蔔瘦肉湯一碗, 紅蘿蔔湯渣一碗

午餐(12:00):  蕃茄生菜漢堡一個(走麵包),

                      酸青瓜1/4條, 橙汁一杯

          (2:00): 茉莉綠茶飲品一杯

Snack (4:00): 蘋果一個

晚餐(7:30):  炆薯仔兩件, 白飯半碗,

                    蒸水蛋半碗, 清炒油菜苗一碗半

                    青紅蘿蔔瘦肉湯一碗

十萬個為什麼??? 今朝踏上個磅又輕番一磅。究竟係我個電子磅short左, 定係我個body神左? 做乜忽上忽落, 好似呢排D股票指數咁。

L'Occitane 洗頭水

今次想跟各住姊妹分享我近兩年所用的至愛洗頭水, 未搵岩呢隻洗頭水之前, 試過好多不同牌子的洗頭水, 有salon professional 專用既, 有賣行廣告既, 有超市賣既, 但一直咁多年來都未曾搵到一支稱心滿意既。

直至比我遇上佢: L' Occitane Aromachologie Volumizing Shampoo。

有一次跟表哥一家去Boston玩, 而我表哥是在五星酒店做既, 員工福利可定期免費入住集團內的酒店, 所以個次一家四口跟左佢一家去Boston玩, 住在那裏的四季酒店, 而酒店入面所用既浴室產品就是L'Occitane呢個品牌, 第一次用已覺得好正, 第二日用多次已經愛上左佢, 用完之後D頭髮好柔軟好滑, 梳頭時又不打結, 連護髮素都可以唔用, 但佢品牌係有出護髮素既, 只係我懶用。但都幾貴, 10.1安士賣美金十七蚊, 雖然肉痛但仍然覺得係值既。

我見呢個洗頭水咁正, 有次拿到幾支2.5安士既旅行裝, 咪醒支比我好友啦!

點知上星期佢見到同我講: "比你支洗頭水累死啦!"

嚇死我, 以為搞乜鬼?

原來佢話佢囡囡拎左我比個支洗頭水黎用, 用完同佢講話好鐘意咁話。

我立即話: "你個女都好識貨喎!"

佢話支野咁貴, 佢屋企用洗頭水既消耗量咁大, 點可以用佢, 跟住鬧鬼我比支野佢。

最搞笑係佢最尾彈一句話: "我今朝用左次, 又真係好鬼正。"

即時反白眼, 比佢激死!

最後個故事係佢已經買左支黎用。

呢支就係我既至愛洗頭水啦!