香港之旅 ~ 9月30日

香港之旅 ~ 9月30日

晨早9點幾對寶貝已經打電話過嚟call 醒我, honey話佢兩位7點巳經要求call 我, 好彩佢哋冇咁做, 呢邊真係瞓得勁舒服, 好好瞓呀!

之後兩位寶貝搶住跟我講今日做過乜, 小王子話我知佢流鼻血, 我即刻問佢曳曳食咗乜, 但佢竟然好抵C咁答我, 話因為太miss我, 所以流鼻血。 我個仔幾時變到咁口甜舌滑架!

而小公主就話我知佢個歴史大project, 老師要兩個project  board double 咁叠上去做, 唔係化, 咁咪成6呎高, 使唔使咁激呀! 做好之後, 我都唔知小公主點抬件project返學校。

見起咗身冇樹做, 吃番個靚靚火龍果做早餐, 正呀!

今日中午終於有時間去血拼吓, 睇吓揾唔揾到件靚衫星期六見大家先。

左逛右逛周圍行, 有收獲但冇喪買, 好有節制呀!

拎晒啲戰利品返酒店就拿拿聲去做療程, 今日首先做咗數碼塑身, 都係做腹部位置, 之後靚女美容師就帮我做咗兩parts FDA速效瘦身, 分別係腹部及前大腿, 呢部FDA機果然係皇牌, 我只係做過兩次, 但好有效果, 肚仔及大腿真係firm咗。

做肚位時, 舒服到好似按摩咁, 正呀! 但做前大腿時, 可能前大腿唔及肚仔咁多肉, 吸力變得大咗, 有少少痛, 但當然可以話比美容師知, 將度數調校。 

做完FDA後, 最後就係試另一皇牌: 光波緊膚面部療程, 此療程結合電流、紅外線及冷卻系統的獨特科技，即時改善面部輪廓，有效結實, 提升及拉緊鬆弛皮膚, 撫平皺紋幼紋, 改善色素黑斑, 美白更新嫩膚。光能可預熱皮膚，而射頻能深入皮膚，兩種能量同時治療表皮及真皮層。

靚女美容師話我左邊面較右邊面大少少, 會幫我做多啲左邊面, 平衡番兩邊面, 做完顴骨位都會提升, 毛孔收細, 仲會白淨啲。

做完機望吓塊鏡, WOW, 掂呀! 真係有即時提升嘅效果!

最後敷番個魚子骨膠原面膜, 嗱~~~

齋聽個名就知有幾勁啦! 好補咁喎! 哈~~~

美容師仲提醒我呢幾日唔可以用有酸性嘅護膚品, 即係美白及果酸產品囉!  但緊記要補濕, 咁敷多啲補濕mask至得!

P.S. 補番少少嘢, 做完光波緊膚係唔好用熱水洗面及唔好做針清。

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619

香港之旅 ~ 9月29日

好囉! 今日終於可以搬番過去自己住開嘅嗰間酒店, 唔使冇覺好瞓囉。

Lunch 時約咗親友食晏, 之後就上Angel Face繼續做療程, 今日係做數碼瘦身儀及燃脂療程。第一次做燃脂但一樣好舒服喎!

美容師首先會先塗一層燃脂精華素係全身, 再塗上燃脂gel, 跟住就會全身紥上浸過草本液嘅繃帶, 紥好後, 我覺得自己變成一個木乃伊。 

跟住就瞓底焗毯啦, 暖暖地都幾舒服, 我仲瞓着咗一陣添!

連績做咗幾日不同療程, 巳經覺得大腿及hip位收緊咗, 好開心呢!

家陣敷住個補濕mask寫blog, 皆因呢幾日瞓得麻麻哋, 殘殘地咁, 費事星期六嚇親大家就唔係幾好啦!

仲有就係返到嚟HK都唔怕冇湯飲, 每次做完療程都會有杯暖笠笠嘅湯飲, 今日係桑寄生紅棗茶, 好補啊!

仲有兩日就星期六喇! 到時就可以見到Angel及一大班小天使, 期待期待。

香港之旅 ~ 9月28日

香港之旅 ~ 9月28日

唉! 噚嘅比隔離對情侶嘈到冇覺好瞓, 今朝瞓到9點仲十吓十吓咁, 超無耐。呢間酒店嘅隔音真係勁差, 我係清清楚聽晒佢哋係度為乜嘈, 好彩明日可以搬番過平日住開嗰間酒店0者。

今朝吃泰國金柚做早餐, 好好味, 超甜呀!

中午前見未夠鐘做療程, 所以食個早D嘅午餐, 因為做完療程唔可以咁快食嘢!

我嘅early lunch有疍治, 油菜加奶茶, 但杯奶茶只係飲咗一半, 因為唔夠滑, 費事浪費quota。

今日都做咗兩個不同嘅療程, 分別係科技及速效。

首先由兩位靚女美容師同時幫我做科技療程, 主要針對後大腿及hip位, 有收緊作用。之後再做速效療程, 呢個首先要穿上一條用完即棄嘅衭, 然後就會套上儀器係一對腳, 再係肚位繫上儀器, 開始後會發覺好似我哋去量血壓咁, 儀器會澎漲再放鬆, 不斷重覆, 呢個療程可幫助通淋巴, 排毒去水腫, 加速代謝。整個過程都好舒服。

做完療程之後, 約咗blog友okok係尖沙咀行街街, 但行街前我哋决定食啲嘢先慢慢行, 我哋去咗食韓國餐, 叫咗牛肋骨及人參雞湯再加埋好多碟前菜, 食得好開心。

我哋仲一見如故, 傾到停唔到咀, 原來我哋仲係同星座架! 媽咪級見面梗會互相傾吓教子心德。 咦! 我哋連教小朋友嘅方向都係勁相似喎。之後我哋再去海港城, 星光大道, K11附近周圍閒逛, 好快咁就過咗幾個小時, 真係快樂不知時日過。哈~~~

希望好快又再見面啦。

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619

擾人清夢!

作C囉! 家陣就嚟半夜1點, 隔離房對男女仲係樹鬧緊交, 鬧咗半粒鐘仲未停, 想點呀?

另外hallway仲有幾位啊叔啊蟬打開度房門, 係樹傾偈。

冇樹呀你哋!

你哋究竟知唔知乜嘢叫做夜深了, 請將音量收細。

真係勁想過去拍門叫佢哋收聲，要鬧交返屋企鬧, 出嚟旅行嘈乜鬼。 

香港之旅 ~ 9月27日

今日終於瞓得好好, 冇時差啦! 仲食咗隻火龍果做早餐添。

之後跟兩個寶貝傾咗一陣電話, 小王子一開口就話好掛住我, 冧到我暈暈地之際, 點知再講唔夠兩句, 佢就話:「媽咪, 你買咗乜嘢禮物比我?」

喂! 老細, 我返嚟有事做架, 你當我返嚟幫你辨貨呀! 

都係小公主乖啲, 但可憐嘅佢夜麻麻仲趕緊份project, 陰公囉, 做乜開學無耐就幾個project湧埋嚟呀! But too bad, 係我返歸前呢兩個星期, 你要獨主啲, 自己搞掂囉。 

因為今早冇約人, 係酒店hea到中午先出外揾吃, 最後食咗個沙律再加一碗雜菜拉麵, 食飽飽之後, 四圍閒逛, 睇吓有冇心水衫想買, 但係睇唔啱囉!

下午做療程, 今次顧問幫我安排咗做數碼瘦身儀及FDA速效瘦身機。

顧問話我瘦身減磅後, 依家重點要收緊番我鬆弛啲位置。

而數碼瘦身儀可以幫我:

-- 重建老化肌肉層，增強肌肉彈性。

-- 刺激衰老鬆弛肌肉收縮實，提高肌肉張力。

-- 促進深層膠原纖維及彈性纖維增生，強化深層真皮結構。

-- 刺激肌肉運動，促進淋巴、血液循環、加強代謝功能。

做數碼瘦身儀個半小時, 好舒服, 直頭可以嚟番個午睡。 期間只會覺得貼咗pad通咗電流嘅位置有啲震。

而FDA速效瘦身機, 聽其他小天使講, 呢部機好勁架。此機集紅外光, 真空負壓及雙極射頻於一身。功效係:

-- 增加血液循環, 促進脂肪代謝, 都助排毒素。

-- 改善硬存脂肪, 特別針對頑因蜂窩組織, 會橙皮紋轉化為脂肪酸隨淋巴系统排出體外。

-- 改善產後或减肥後下垂鬆弛皮膚, 幫肋回復彈性及結實, 針對肥厚大腿及可提升臀都肌肉。

-- 可改善身體局都肥厚脂肪及水腫部位。

做嘅時候會覺得有啲暖暖地feel, 因有真空負壓, 會覺得做機位置既肌肉有啲吸啐力, 但唔痛嘅, 做大脾位置就會覺吸力強啲。當美容師幫我做完右邊肚及腰位, 叫我用手feel吓同左邊有也分別。

咦! 真係好work 喎! 右邊肚及腰位明顯feel 到收緊咗, 果然勁呀! 

做完療程, 走之前仲有一杯暖笠笠嘅萍果瘦身湯飲, 正呀!

Dinner約咗一位由中一就開始做老友嘅舊同學食飯, 去咗食越南餐, 但我自守, 我曳曳無宇宙, 食肉又食咗少少檬。因為見到呢位老友太高興啦! 舊年5月尾佢結婚, 我返嚟做姊妹, 今年返嚟見佢就嚟做媽咪, 好替佢開心。等待小生命嘅來臨是幸福快樂的。

香港之旅 ~ 9月26日

香港之旅 ~ 9月26日

今朝唔知邊位啊叔啊嬸咁唔識做, 晨早7點未夠就係酒店hallway大聲講嘢, 好似鬧交咁, 嘈醒咗我。

人家昨天做完刮脂療程, 真係好好瞓, 好正! 一攤上間床就瞓着咗, 可惜比呢幾位唔知C字點寫嘅人, 壞我好夢。 

咁早又醒咗, 點好呢?

開咗部腦睇睇, 竟然比我WIFI上到網, 咁好彩, 仲唔拿拿聲check email 兼update個blog咩!唔知可以上到幾耐架嘛, 都好, 唔使比錢上網益酒店。

下午約咗blog友綠茶及靚靚空姐食lunch, 見未夠鐘, 鼠出去入番啲貨先!

入乜貨?

咪我啲生果食糧囉!

平時返嚟, honey會搞掂晒啲生果牛奶礦泉水, 唔使我煩, 今次仲唔要靠自己。

Anyway, HK啲生果買得我好開心。

你睇HK$15三隻巨型size火龍果, 有啲20蚊三隻嘅仲大呀! 但我怕自己一次食唔晒一隻, 所以買細一個size。另外買多個泰國金柚, HK$25隻。40蚊一大袋, 拎到我CC吓。

今日好開心咁跟綠茶及靚靚空姐一齊過咗一個愉快的lunch time。我哋係City Walk轉咗兩個圈, 最後決定食上海婆婆, 貪佢多菜揀, 容易宇宙到, 味道都幾好。三個人叫咗六碟嘢。我哋揀咗菜加澱粉。

前菜: 涼拌茄子, 酸酸哋好開胃。

前菜: 拍小黄瓜, 咸咗少少。

醬爆茄子, 好味但要走肉碎。

冬菇小棠菜, 正, 冬菇好滑。

上海炒年榚, 呢個我哋記得叫走肉絲, 年榚好QQ。

上海担担麵, 少辣, 呢個都唔錯。

正所謂三個女人一個墟, 無所不談, 乜都傾餐飽。

靚靚空姐真係人如其名, 好靚女, 好小鳥依人。

而班長綠茶真係好fit, 個性獨立又有主見, 仲好識照顧人添。

食完lunch, 想影番兩張相, 但周圍都好多人, 最後我哋揾咗個好位, 影咗幾張相留念。

綠茶Windie & me

靚靚空姐Vivian & me

跟兩位靚女分手後, 我去咗一個四年班就開始做老友嘅舊同學屋企食晚飯, 老友做大厨, 仲有住家湯飲, 呢個老友茹素十多年, 佢又知我要宇宙, 煮咗好多菜菇瓜豆比我食, 宇宙得好開心。

其實開心既時候, 食乜唔重要, 同老友閒話家常巳經係件嘗心樂事,  能夠每隔一段時間相聚一番, 先係最重要及快樂。

人生中能擁有幾位知心友先係難得嘅事, 仲要大家平日係分隔住半個地球呢。

能成知己嘅友誼, 我都非常珍惜。  

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619