9月14日

今朝上磅數字係:  111.00

咦! 做乜重咗??? 不過就嚟M到, 可能係正常既, anyway, 我會keep 住唔亂食。

早餐(7:30): 排毒酵精30ml

        (9:15): 皮疍瘦肉粥半碗(走瘦肉)

今日一早就比小公主玩到團團轉, 朝早起身就話有D 喉嚨痛, 諗住放學先帶佢去睇醫生叔叔啦, 點知剛剛放低佢返學, 架車先啱啱到小王子學校門口, 電話就嚮, 小公主又話個胃都唔舒服, 叫我返去佢學校Nurse room接佢。

唔係化? 我放抵你到未夠10分鐘, 你唔係咁玩呀! 返學唔夠兩日你就請病假, 最激氣係接走佢去睇醫生時, 佢又話無乜事喇! 

天呀! 你唔係咁玩你啊媽呀!

係醫務所登記後, 見啊doctor未到, 咪帶埋呢個麻煩友出去揾些少早餐吃, 因為冇appointment 唔知要等幾耐! 最後梗係冇生果食啦, 咁早, 啊茂開門賣生果比你咩! 只係得麵包店開門, 見有皮疍瘦肉粥賣, 叫碗嚟試吓, 點都好過食包, 但一樣咁難食, C未。

你睇佢隻衰嘢初時係度扮C, 隔離呢張比我偷影到佢係樹玩既轉「登」, 點似病呢!

排隊睇醫生都攪咗兩粒鐘, 醫生話佢只係有好輕微既喉嚨發炎。就係咁, 我成朝就做咗日本首相「左騰又騰」。

午餐(12:45): 火龍果一個, 金色奇異果一個

        (1:30): 水煮疍切片蕃茄生菜三文治一份, 熱咖啡一杯

返到屋企仲唔食啲生果再整番件宇宙三文治嘆吓兼唞唞!

兩點鐘見仲有時間, 係接小王子放學前, 火速地走咗一轉去琴行, 買咗佢兩位大小姐及大少爺考琴試要用既書, 老師話小王子可以預備考Grade 1, 而小公主就準備Grade 3。 

下午茶(3:30): 荷葉草本茶一杯

            (5:30): 青紅蘿蔔瘦肉湯一碗 + 紅蘿蔔湯渣

晚餐(6:30): IKEA招牌肉丸餐, 蘋果一個, cranberry juice 半杯

本來我諗住乖乖哋唔偷懶, 煮飯過三位老細吃既, 點知佢哋話今日Tuesday, IKEA肉丸餐半價, $2.49一份, 班友又話好耐冇食。

嗱~~~, 唔好話我又唔做好煮婦份工, 你哋唔俾面咋。

好在IKEA個肉丸餐入面嘅薯蓉, 可以改做紅蘿蔔, 唔使驚, 三七比例嘛, 我當然冇食晒所有肉丸, 我分咗一半肉丸比其他三位老細, 再嚟多個自備蘋果, 宇宙冇問題, 最緊要識諗計。

我哋坐窗邊位, 望出去啱啱係一個parking lot, 不過係專拍school bus 既parking lot, NY 嘅校巴係黃色嘅。

嗰兩位去咗排隊買食物, 我同啊仔無聊玩自拍!

Snack(8:30):  白肉桃一個, 金色奇異果兩個 

嚟多幾個生果先, very good 呀!

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619