忙裏偷閑

今日意外地唔使返工, 立即跟埋honey佢哋團血拼大隊出發。Yeah ~~~ 返工之後有兩個月無跟大隊去shopping。今日仲要係honey嘅生日添。

但我覺得似我牛一多過honey牛一, 因為今日啊豬仔大出血, 我一個唔覺意就掃咗一條裙, 三件衫, 一件長褸再加一對長boots, 超爽呀!

最抵係對boots囉! $29.99就拎咗返屋企, 平時啲長boots好少少質素嘅, 點減都仲要六七十蚊美金架! 唯一美中不足嘅係我想買啡色但我個size得番黑色。另外仲有對短boots都好正, 減到廿二蚊有找, 點知無我個碼, 超失望。

我都話唔可以睇鞋, 一睇實會買番對返歸, 我臨走前等緊其他人去洗手間, 一轉入鞋部就出唔番來, 迷失方向, 哈~~~~~

忙裏偷閑原來係好寫意架! 啲時間好似偷返嚟咁, 就算嘆番杯咖啡都寧啥好味。

我杯Latte with soy milk, 正呀!

點都要同今日位主角影番張相嘅。喂! 啊仔, 你做乜攝入鏡頭做電燈膽。

今日買嗰條裙同身後中間個model 嗰件好似, 不過我嗰件係紫色, 裙脚係bubble style嘅, 可以就咁著, 又可以襯legging, 幾易襯, 好滿意!

走前影多張, 唔知幾時至可以再跟大隊嚟過。

返到屋企仲有一個驚喜, 收到blog友仔Mimi寄來的package。因為之前我幫咗佢一個忙, 佢寄些草本茶多謝我。

入面仲有教主本四季瘦身美肌食譜, 有錢都買唔到啊。

呢個至感動呀!

係Mimi手做嘅朱古力, 呢份心意至係無價的, 飛越半個地球至到我手啊!

其實仲有幾位小天使話要寄嘢比我, 雖然我婉拒了, 但你哋份心意我係完全地收到, 已經放在心中, 超級温暖。

千里送鵝毛, 物輕情義重。

比多張相大家睇吓!

呢嚿唔係普通嘅雪山, 睇真啲, 入面包住咗架車啊! 真係替位車主難過, 都唔知點剷番架車出嚟, 分分鐘連架車都揾唔到呀陰公。

冰天雪地

我的天啊! 又嚟19吋!

昨天場暴風雪分上下兩場, 早上先醒你4吋, 晚上七點再嚟第二波, 先落冰粒再落大雪, 今朝瞓醒已經變成咁。

對面街架車係我honey嘅, 再一次比啲雪大包圍, 仲頂住張白色勁厚大棉胎。

比起12月26日嗰場少一吋。以往紐約市每年平均下雪21吋, 加埋呢場今年已經有55吋, 比平日double有多, 今年冬天由12月中開始, 長期處於低温, 日日最高華氏30幾度, 即係HK嘅零度以下。

上次場勁嘢, 積係街角啲大雪山仲未溶晒, 我只係覺得自己每日一企出室外, 就比啲大雪山包圍住, 好似去咗北極咁, 同將自己放係冰格係完全無分別。唔係講笑, 凍都想去非洲行番轉。

還有一星期就係農歴新年, 相信HK依家人人忙於辨年貨, 蒸糕整角仔, 但NY呢邊因為天氣關係更加無新年氣氛。平日新年前一星期, 各區唐人街一定很多人, 特別weekend, 住外州嘅中國人都會開車出來買年貨, 而唐人街嘅商户會掛滿新年擺設, 供人購買, 街頭上有人賣花, 賣榚點, 賣橙等等。

但今年靜咗好多, 昨天中午與老友趁還可在風雪下出動, 走去上番些糧食, 去到Brooklyn 八大道唐人街, 人唔多, 更冇人擺檔賣年貨, 我只係見到一檔賣富貴竹。

NY既經濟已經差, 呢啲大節日咁嘅天氣, 啲人想出嚟消費都唔容易, 好似食團年飯開年飯咁, 就算book咗枱, 架車比雪冰封咗, 想食都未必出到去。只好嘆一句, 生意難做, 連個天都玩你。

我哋個好「流」嘅天文台話下星期二, 年廿九會再落雪, 希望落唔成啦!

如果唔係年初一都唔使出街拜年囉!

講起個天文台就嬲, 呢場雪初時話只係3-6吋, 後尾到噚日朝又改口話6-10吋, 最後係19吋, 呢啲預測係咪離譜咗啲喱, 叫我如何再信它!

噚日朝送完對寶貝返學, 只係飄緊啲好濕嘅雪雨, 地下係無積雪嘅。

氣温係0℃左右, 所以啲雪一落地就溶咗, 見到咁, 諗住返工都無問題啦!

返上樓執埋嗰樣, 執埋啲早餐下午茶準備出門前, 細妹call 嚟話天氣太差, 唔開門, 費事放工時無家可歸。我儍吓儍吓仲話ok, 佢叫我去窗口望吓啦!

嘩! 唔係化? 廿分鐘都無就變晒天, 地下開始積雪。

 一個鐘後我仲被困自家既driveway, 本來見樓下有位, 諗住揸番架車泊出街, 留番自家車位比honey放工返嚟泊。

點知最後我架車比啲雪啜住係driveway度, 唔上又唔落, 叫天不應叫地不聞, 最後無計可施, 只好CC氣急call honey返嚟救我, 等佢其間, 落車用剷嚐試去剷走車下嘅雪, 但都係無功而回, 仲搞到成身濕晒, 今日周身骨痛添呀陰公。

廿分鐘後honey返到來, 攪咗十幾分鐘, 終於泊咗架車出來。樹下架車咪我嗰囉!

場雪落到二點鐘左右開始停落嚟, 我心諗好囉, 落幾吋好啦!

點知到準備dinner期間先再嚟第二波, 呢波至勁呀! 落到密麻麻, 可以用瘋癲來形容, 半夜三點起身仲落緊。今日清晨六點, honey call去熱線中心, 全市學校停課, 可以安心大覺瞓。

搞笑嘅係到八點九, 對寶貝衝入我房大叫唔知醒起身返學, 當我話佢哋知落大雪停課, 佢兩隻大懶蟲開心到彈吓彈吓咁返去房玩。

中午前我honey唔想好似上一場雪咁, 架車被雪冰封一星期, 見樓下自己門口前有個吉位, 想移架車返過嚟, 最後拖埋對寶貝落樓展開呢個浩大工程。 

先由車尾動工。

小公主及小王子就負責剷走嗰吉位上嘅雪, 等架車易啲泊入去。

移師車頭位置, 剷呀剷, 呢個艱巨嘅任務唔係咁易完成。 

咦! 有啲成績囉喎! 見番個車身。

經過四十五分鐘努力, 總算大功告成, 聽日返工返學都無問題啦!

原先個車位就留咗個"大菇燶"係樹。

唔好以為收得工, 仲有我架車吖, 佢三位掃走晒車上嘅雪, 免得又好似上次咁凍C埋舊電池要破財。之後佢哋再移師去屋後自己個車位, 再努力趁啲雪仲軟未變硬時, 剷得幾多得幾多, 唔係明晚收工返嚟冇位泊就弊家伙。

前前後後用咗個幾鐘, 終於完工, 辛苦晒三位。

你哋係咪諗緊我做乜唔幫手, 我無出外面剷雪, 但我無愉懶, 我係樹好努力咁幫間屋企大掃除啊!  再唔趁呢幾日搞掂埋, 點過年呀!

小心火煱陷阱(後補)

小心火煱陷阱(後補)

嘩! 睇埋呢篇news, 仲驚!

食安中心監察火煱店有否用一滴香添加劑

(商台)2011年1月26日 星期三 11:25

在立法會上，食物及衛生局局長周一嶽說，未發現本港食品有使用內地名為一滴香的食物添加劑。由於內地有人用一滴香於火煱，食物安全中心在去年十月，描查了十個火煱湯底樣本，結果全部滿意，而今個月亦抽查了五十個樣本，正等候結果。周一嶽說，食安中心會繼續監察。

內地有火煱店以一滴香加入火煱湯底，以低廉成本調出上湯，內地食品監察部門，指一滴香是由化學品合成的食品添加劑，會損害肝臟及致癌。

             

小心火煱陷阱

天氣凍, 好多人會打邊爐, 貪佢易搞之餘, 食完仲暖笠笠。

鍾意打邊爐烚吓烚吓嘅姊妹們, 唔好以為打邊爐易宇宙, 原來好易跌入致肥陷阱架!

問題唔係你有冇分開肉類及澱粉類來食, 個致肥陷阱係個火煱湯底呀!

如果你平日打邊爐係用即食火煱湯包就要小心喇!

呢篇新聞真係要睇睇, 如果唔係無嗱嗱肥咗就唔抵啦!

咦!  人哋今日午餐至同老友去烚吓烚吓, 唔知間火煱店啲湯底係即食料定係自家製嘅呢!    激C人啦! 

即食火鍋湯 半包是脂肪 本報化驗4款 部分極鹹

(明報)2011年1月16日 星期日 05:05

【明報專訊】即開即用的火鍋湯包愈來愈受歡迎，本報化驗結果顯示，部分即食湯包極鹹，反映鹹度的鈉含量可達6%，即一包湯料有2茶匙鹽；湯的脂肪含量更高達50％，即半包都是脂肪。市民隨時在「烚烚下」之際攝取過量脂肪及鈉，可增加患心血管病風險。

本報早前從超市買了4款火鍋湯底，化驗證實全部不含防腐劑苯甲酸，不過脂肪含量相距甚遠，當中以「老干媽火鍋底料（植物油）」最高，脂肪佔了53.5％，另一款小肥    羊辣湯底亦有46.2％。

最高最低相差達380倍

不過，湯底包也有不肥的，如樣本之一的「日式醬油鍋」，脂肪含量只有0.14％，與最肥的湯底相差可達380倍。

香港專業教育學院    應用科學系講師暨英國    註冊營養師黃蘊芝指出，日式醬油鍋脂肪含量較低，反映日本    與中國飲食文化差異，據其配料顯示，日式醬油鍋較多是水與醬油，但中式的火鍋湯底特別是辣湯，主要是大豆油、葵花籽油等，相信生產商亦希望借助油香，帶出辛辣味道。雖然老干媽湯底標榜用植物油，但她指植物油只是不含膽固醇，本質依舊是油。

小肥羊湯包含2茶匙鹽

至於反映鹹度的鈉含量，化驗顯示最鹹是「小肥羊火鍋底料（辣湯）」及「李錦記麻辣火鍋上湯」，實際鈉含量分別達6.2%（每100克湯便有6.2克鈉）及6%。以一茶匙鹽重5克計，一包235克重的小肥羊湯包已含有超過2茶匙鹽。

同樣，「日式醬油鍋」是4個樣本中最清淡，但鈉含量仍達0.99%，與最鹹的小肥羊相差也近5倍。

「小肥羊火鍋底料（辣湯）」的香港代理表示會與製造商商討減低鹹度（見另稿）。食物安全中心    則指預製火鍋湯包多偏鹹，建議打邊爐避免喝湯底。

豆腐菜肉易吸湯

黃蘊芝指出，幾款湯底的鈉量均屬偏高，即使火鍋湯包都建議加1.5公升清水，但她認為始終分別不大。她提醒，即使一般人不會喝火鍋湯，但若把豆腐、菜或肉類放在鍋內，同樣會吸取湯底，市民間接飲用了這些高脂高鈉的湯。

黃蘊芝續稱，一個成人每天不應攝取多於2.3至2.4克的鈉（世衛建議不應超過2克），及40至60克的脂肪（約1500至1800卡路里），但一般人打邊爐都會花上兩三小時，又不斷吃肥牛這些高脂肉類，再加上喝汽水等，吃一頓火鍋隨時攝取超出每天上限的鈉、糖及脂肪。

明報記者 張岳弢 陳志偉