寶貝們的大日子

Wow, 好難想像我位小公主初中畢業，暑假後就是一位高中女生了！而我位裙腳仔小王子都小學畢業囉！我呢個做人啊媽嘅連續兩日參加佢哋個畢業禮，真係好感動呀！

首先係昨天小王子嘅畢業典禮，一早起身幫佢執番個靚仔樣先，著番叫恤衫，打番條呔，皮鞋西䃿不可少，指定畢業生打扮。

老公呢兩日請定假幫對寶貝影靚相。畢業生進入禮堂後就唱下國歌，校長致詞咁，之後就頒發各大小獎項。通常呢d時間都悶爆，我同老公已經係度玩手機，突然間聽到台上叫啊仔嗰名，我哋登時定格互望，大家都問對方有冇聽錯。（唉！呢對父母真騎里）

冇計啦！都冇諗過佢咁醒有份上台攞獎，really suprise呀！差d連相機都開唔切影底呢個重要時刻，哈~~~

至於大家問嗰個係乜獎，什麼Parent Teacher Assoication Award. R 爆頭都唔知係乜？

呢件肥仔貫徹無憂性格，一出會場，相都唔想影多幾張，呱呱嘈話肚餓叫快d去食飯。食飽竟然話要返屋企瞓晏覺，佩服佩服。

今日就輪到我位小公主行畢業典禮喇！

小公主升上初中就好似昨日的事，今日又話畢業，時間過得真係快。

因為小公主係天才班（呢邊係咁叫，即係成績全級最好嗰班），所以代表畢業班致詞嗰位女生都係來自小公主嗰班，仲要係佢嗰best friend添！

循例又到頒獎時間，但冇悶爆。雖然啊女無份上台，但佢好幾位老友仔同學都有份得獎，我老公就係咁幫人哋啊女影相，笑C。

我位小公主性格樂觀，BB時已經是個愛笑寶寶，所以由細到大都好多朋友仔，個個都好friend, 佢嘅學生哥生涯一直都好愉快，希望升上高中大學都係咁啦！

我家的好油與黑醋

大家常問我吃的橄欖油、葡萄籽油和沙律醬是什麼牌子, 今天就來跟大家說說吧!

圖中四支是我家裏常用的好油, 左邊兩支都是我常吃的低温冷壓葡萄籽油, 我是用它來煎炒煮炸的, 原因是它的發煙點高, 可用作高温烹調。而左三高身玻璃瓶那一支是特級初搾冷壓橄欖油, 因其發煙點低, 只適合涼拌、蒸和做沙律油。最右那一個是有機特級冷壓椰子油, 這個跟葡萄籽油一樣可作高温煮食, 還有陣陣椰子香。其實不論什麼牌子, 最好是選深色玻璃瓶或罐裝盛載的, 因為沒膠瓶那麼容易被氧化。

這隻叫Cento Balsamic Vinegar 的就是我家常備的意大利黑醋。

Balsamic Vinegar 是意大利黑醋的意思, 我只選產自意大利的。

微博裏很多人問我食沙律用那隻沙律醬, 其實有水果和雜菜一起的沙律, 我多數是不下醬的, 因為水果已有甜味。除了有時會下些低脂沙律醬, 我偶然會用特級初搾橄欖油和意大利黑醋來調一個Homemade oil vinegar salad dressing油醋沙律汁,  和雜菜沙律一起吃, 超開胃。

做法非常簡單, 油醋比例1:3, 即是一份油三份醋, 兩者放在一起, 加些塩和黑胡椒粉, 拌勻就可放入沙律一起吃。

如果大家想知瘦身期間食油的重要性, 可click 入以下條link, 到我yahoo blog看一篇舊博文了解一下。

http://goldenladyjenny.blogspot.com/2011/12/blog-post_3.html

我的煮食新玩具

以前我被親朋叫做「無飯煮婦」, 一個不會煮飯的主婦, 那時候每星期有4-5晚出街食。食埋食埋好多味精、色素、添加劑落肚。自從學懂唐安麒宇宙飲食之後, 知道健康飲食對身體健康的重要性, 開始學自煮, 首先是跟瘦身教主Angel個blog內的簡易食譜和瘦身補身湯水。慢慢地對煮食有興趣, 簡單易明的煮法開始掌握得到。最近發覺原來一些好用或多功能的厨具好幫手, 更可增添煮食樂趣。就像最近我用飛行哩數換回來的這個Cuisinart Blender and Soup Maker (Cuisinart全能冷熱攪拌機), 我真的愛死了!

這個不止是一個blender, 更是一個soup maker, 內置發熱板，好快煮滾液體, 可以煮湯呢個功能實在太吸引!一收到即試blender功能, 打個芒果冰沙飲飲, ok啊! 又快又方便, 馬力夠, 打得非常滑溜。

這個是士多啤梨、藍梅、桃味乳酪、香蕉和有機低脂牛奶打出來的。只要有創意, 真係樂趣無窮。

大家常找藉口說早上吃水果做早餐不方便、沒時間、難準備。難道吃個包、粥、粉這些會比吃水果更快又不用準備嗎? 落街買都要時間吧!像我把一個火龍果、一條迷你青瓜、一茶匙蜜糖再加一點水, 放進這攪拌機一打, 已經是一杯有營又排毒的鮮搾蔬果汁了!

這個是雪梨哈蜜瓜汁，好清甜！

一有時間馬上試它的熱湯功能, 煮我最拿手的蕃茄湯。看! 真的滾到澎澎聲呀！20分鐘就煮好, 味道和用鍋煮的一樣好。

這樣又是一個很好的宇宙餐, 配肉配飯也可以, 我就配了半碗白飯。

前天我還用來試驗煲粥, 厲害呀! 20分鐘生米煮成粥, 鼓掌呀!

據說還可以做豆漿、杏仁露、花生糊、合桃糊這些甜品等等, 等我逐一試試先。

匈牙利天然有機護膚品牌 " ilike "

不知大家對天然有機護膚品的認識有多少呢! 以前的我只追求科研護膚品, 什麼也追求見效快, 勇字當頭, 什麼產品一出, 只要有興趣, 就想盡辨法買來試, 因為一直相信沒有最好, 只有更好! 但隨着三年多前跟隨瘦身教主的唐安麒宇宙飲食法後, 不只減肥成功, 學會健康飲食, 還開始對天然無添加的健康產品越來越喜愛, 之後還伸延至我最緊張的護膚品上ｏ 去年因老友關係, 有幸一試一隻天然美白中药面膜粉之後, 對天然護膚品產生興趣。 接著在暑假回香港時不经意買下港姐徐淑敏的著作「甜美素肌」, 開始嘗試跟著書中的香薰油護膚配方來做, 再把自己當白老鼠, 發現功效真的意想不到ｏ 原來大自然其實有很多寶, 只是以前自己從沒去留意, 再認識到市面上好多護膚產品都有不同程度的防腐劑、添加劑等對身體有害的物質, 長期積存在身體更是引致皮膚致敏原因之一ｏ 就是這原因開始尋找我愛的天然有機護膚品, 多番嘗試後, 終於找到了它 -- 「ilike」!

 

 一隻來自匈牙利, 具50年歷史及榮獲7屆Superbrand的天然有機品牌, 它所有的產品原料全是純天然草本及水果再经人手採摘及製造, 不合防腐劑及任何有害合成物, 亦不作動物測試。 Ilike 全綫產品均擁有BDIH有機認証, 產品充滿維生素, 果酸和生物類黃酮, 加上活性成分, 能讓肌膚由內而外得到全面滋潤呵護。 今天就跟大家推介它的皇牌面膜: Fibrous Stonecrop Gel Mask 景天草凝膠面膜ｏ

 

主要成分是一隻百年老草藥 - 景天草。此草本植物有癒合傷口的特性，減少色素沉著，對抗陽光的傷害。能令暗啞肌膚回復變淨白和充滿水份，更是適合所有肌膚。 認識我的人都知我是美白控, 什麼跟美白有關的我都特別感興趣, 所以首就試用它的 Fibrous Stonecrop Gel Mask和 Fibrous Stonecrop Moisturizer。 為了要試出效果, 我更停用所有美白產品, 兩星期下來發現肌膚直的很水潤, 亦沒有因夏天來臨而曬黑, 因為是純天然產品, 不含防腐劑, 所以天天敷面也沒問題。 其實找到 ilike之前, 也試過另一隻同是匈牙利「E」字頭的有機護膚品, 但有比較我覺得ilike的產品質地比較濃稠, 因為喜歡, 所以就上網找資料, 一找之後發現兩者千絲萬縷的關係啊!
看看多blogger Winnie Leung寫的這寫blog, 你們就会明白它們的關係了!
http://vipblog.orientalsunday.hk/winnieleung/?p=10428

而 ilike就是 ilcsi 在美國和加拿大的註冊名字, 它倆才是同一個family啊! 

對ilike產品有興趣的可到www.aquabeautyonline.com邮購, free shipping。