4月30日

今朝上磅數字係:  117.80

早餐(9:00):  排毒酵精30ml, 橙二個(小Size)

午餐(11:45): 煎蛋一隻, 意大利小肉腸一條半

                     咖啡少甜一杯

Snack (3:30): 香蕉一條

晚餐(7:45):  蝦撈麵走蝦一碗, 蔥油餅1/4件

                    蒜蓉白菜一碗, 蘋果一個

今日係近一星期以來天氣最好的一天, 我位小公主今日去考琴試, 我諗ok會pass卦, 考完出黎問佢, 佢例牌答你無問題, 成續要等收信先知。

今朝一早就收到package, 係我望到頸到長既酵精, 太開心啦! 好彩未食早餐, 可空飲, 立即開始第二期排毒療程。

   

4月29日

今朝上磅數字係:  117.40

早餐(9:00):  暖水一杯, 橙一個, 香蕉一隻

午餐(12:30): 車仔米粉一碗(有生菜, 炆冬菇三隻, 蛋一隻)

                     凍咖啡少甜一杯

Snack (3:30): 橙一個, 少甜紅豆沙半碗

晚餐(7:30):  蝦五隻, 蒸鯽魚一小塊

                    清炒西芥蘭一碗半   


我個寶貝女冇乜事, 今日返學啦, 希望明日去考琴試順利啦!

4月28日

今朝上磅數字係:  117.40

早餐(8:30):  暖水一杯, 橙兩個

午餐(1:00): 雜菜通粉一碗, 萍果一個

                   熱檸蜜一杯

Snack (4:30): 香蕉一隻, 少甜紅豆沙半碗

晚餐(7:30):  豬肉碎蒸蛋半碗,

                    水煮小棠菜加Olive oil 一碗半   

我位雲遊小公主真係玩病, 昨晚半夜發冷, 天光時又發燒, 冇計, 唯有比退燒藥佢食, 今日冇比佢返學, 等佢休息下, 希望Friday去考琴試冇事啦! 最慘係睇開個位家庭醫生今日休息。

我諗應該是感冒, 有小小燒, 有些肌肉痛, 好彩冇喉嚨痛, 見佢而家比朝早精神D, 希望佢明日無野啦!

繼續有些進步, 再輕左D, 之前黎到呢個位比D飯局攪亂左, 快D穿埋117, 向目標110進發。

4月27日

今朝上磅數字係:  117.80

早餐(8:00):  暖水一杯, 橙兩個

        (9:30): 紅棗杞子茶一杯

午餐(12:30): 蝦湯味湯米粉連芽菜雜菜一碗

                     凍咖啡少甜一杯

Snack (3:30): 蘋果一個, 粟米南北杏瘦肉湯一碗 

           (5:30): 荔技味椰果兩粒

晚餐(7:00):  糖醋骨兩條, 蒜蓉白菜仔一碗半

    
今日冇乜特別, 好平淡咁就過左, 只係繼續督促我位小公主練琴, 仲有兩日就考琴試, 唔好再雲遊咁喇唔該! Please.........

弊! 小公主突然走埋黎同我講話佢覺頭痛又覺凍, 唔好嚇我, 我唔係咁嚇得, 重要關頭你先玩病, 拿拿聲煲番劑感冒茶求佢飲, 唔係咁想比西藥佢食unless佢發燒啦! Touch wood, 無事既, 學下綠茶教個招, "感冒菌"退散退散退散..........

Oh no, 宜家連小王子都係咁不停連打十幾個噴嚏, 老天爺你唔係咁玩我呀, 玩得咁大, 老公仲要出埋trip未返。等我頭先仲話今日好平淡咁過左, 等就黎覺豬先整鋪勁野我嘆, 唔寫住啦! 快D攪掂兩位老細先!

       

Origins 產品分享

今次想和各姊妹們分享我用過Origins的三件產品。

去年中跟個妹行街shopping時, 係百貨公司經過Origins的專柜, 佢話想買番支mask, 佢用開Origins支Drink Up mask, 見佢講得好似幾好用, 咁我又買支試下啦!

跟住望下東又望下西, 見到支細細支既Spot Remover, 係出暗瘡時用既, 好似見過雜誌推介過, 再望睇見一瓶叫Have a Nice Day Super-charged moisture cream 有SPF15, 就係咁, 我又衰左, 陪人買變成自己買, 仲要一買就三件, 我個銀包就飛走左七十五蚊喇!

首先講支mask先啦, 補水效果算唔錯, 以US$23有100ml, 叫抵用。我每次想浸浴時, 又唔趕時間, 我會洗完面塗埋呢支mask先浸浴, 浸完剛剛好可以洗面。用完皮膚好似望落去精神D。

而那支細細支出暗瘡時用既Spot Removers, 要係你feel到粒暗瘡想出又未爆出時, 立即一日用二至三次, 粒暗瘡就會消失, 但若果粒暗瘡已爆左一半, 開始覺痛先用, 就好似作用唔大啦! 呢個賣US$13有10ml。

最後那瓶Have a Nice Day Super-charged moisture cream就唔係咁o岩我用。 初時用了幾日, 好似唔o岩feel, 有D"笠", 正值初夏, 之後我就將佢打左入冷宮, 差D遺望左佢既存在。

直到今年二月左右, 用開的日霜用晒未買, 又諗緊好唔好試第二隻, 但朝早唔塗防晒會比D紫外線摧殘, 突然間諗起呢瓶被冰封左成半年既cream, 見個時天氣仲涷, 心諗"笠"D唔怕卦, 我仲唔敢塗咁厚, 只係薄薄地塗。

唉! 所以話唔o岩就要分手, 勉強無幸福, 用左一個星期, 下巴位爆粒大瘡, 嚇都我即刻停手唔敢再用, 雖然呢瓶cream話混合性皮膚及乾性皮膚適用, 但我覺得要皮膚好dry至用得。就係咁我又浪費左三十九個大洋啦!

4月26日

今朝上磅數字係:  117.80

早餐(9:00):  暖水一杯, 桃味乳酪一杯

午餐(12:00): 水煮小棠菜一碗, 蠔油蝦子麵一碗

                     橙一個, 粟米南北杏瘦肉湯一碗 

Snack(3:00): Donut 一個

晚餐(7:30):  牛扒半件(半隻手掌大), 水煮小棠菜一碗半

                    粟米南北杏瘦肉湯一碗, 橙一個

         (9:00): 紅棗杞子茶一杯

今朝唔知點解唔係好想吃生果, 所以轉左吃乳酪, 算唔算犯規呢？

下午茶時間, 本來係小朋友要食donut, 最後自己食埋一份, 又衰左ｏ

不過昨天全日菜, 今日大大去得勁暢順, 仲輕番0.4磅添ｏ 

仲有我每次浸浴前同浸浴後, 磅數會輕0.6-1磅, 真係浸一浸出左咁多汗?

4月25日

今朝上磅數字係:  118.20

早餐(10:15):  暖水一杯, 蘋果一個

午餐(12:30): 水煮白菜苗加蠔油炆三菇(皇子菇, 磨菇, 白玉菇)一大碟

                     蘋果沙參玉竹湯一碗 

Snack(2:15): 蠔油炆三菇一碗

         (4:30): 橙一個, 荔枝椰果兩粒

晚餐(7:00):  皇子菇炒雞柳(走雞柳)半碗, 清炒白菜苗一碗半

                    蕃茄湯一碗(連蕃茄肉), 粟米南北杏瘦肉湯一碗

Snack(8:30): 紅提子二十粒

今日Sunday, 全日留係屋企, 冇受外界誘惑, 仲出奇地煮足兩餐, 好乖咁進行全菜日, 最後挑戰全菜日成功, yeah! 得左。

ok喎, 冇澱粉冇肉, 齋食蔬菜及生果都好飽肚, 唔使捱餓, 感覺良好, 正呀!

今日想飲豆漿但又唔知全菜日可唔可以飲, 最後放番入雪柜, 唔敢博。

未試過既姊妹, 要試下, 但第一次最好留係屋企唔好出街,會較易成功。

我的另類興趣

上回講到因為個仔脫髮, 自己走去刨左幾本中醫藥既書, 咁究竟我仲有乜野書藉係因為個仔開始鑽研既呢?  仲要成為自己既另類興趣。各位姊妹估到未呀!

比少少貼士啦, 係我書架上, 除左有中草藥及食物水果大全, 仲有護膚, 財經, 八字風水及密宗既書, 係咪估到啦!

有護膚既書係因為呢個係我二十年來既與趣, 有財經既書, 因為我係讀accouting既, 做全職師奶前仲係一位股票經紀。

好喇, 答案已經出左黎, 係2004年為左個仔, 我竟然走去睇講八字既書, 睇下係無計可施既情況底下, 有冇另一種方法去幫個仔, 點知睇睇下又睇埋講風水既, 因為我所讀既八字風水書作者, 亦係一位密宗師傅, 連帶下近年連佢所寫既密宗作品都睇埋。

係咪估我唔到呢? 哈哈哈...

可能你會問, 咁究竟當年八字風水, 有冇野幫到我個仔, 可以講係有既。八字與風水方位係講五行, 而中醫理論亦講五行, 連不同食物亦有分五行屬性, 所以係有關連既。

好記得當年帶個仔第一次去睇, 醫好佢個位醫師, 佢就話好少見兩歲多既小朋友會"班禿", 把脈後就話佢陰虛內熱, 而飲左中藥個多月時, 醫師仲話點解我個仔入面仲係咁燥熱既! 

後來當我研究八字時, 發覺個仔五行屬水, 木月出生. 成個八字木火旺盛, 更缺金來生水, 木火旺人就自然燥兼缺水, 頭髮屬水, 冇水如何生木, 有趣既係那間中醫館名字有金又有木, 而那位醫師個名三個字都屬木, 連我都O晒咀, 咁"橋", 唔係麻!   所以有人話醫生與病人要講醫緣, 其實係五行作怪。

仲有當我開始睇有關風水既書, 又有大發現, 書中指有一小朋友頭部出現病變, 皆因家中東方二樓放左一台機器, 易經中東方為長子方位, 東方所有擺設都會影響長子。即刻令我想起個仔脫髮前一個月, 家中大廳東方裝左一台紅色吊扇, 加埋買左盆紅辣椒放在東方, 紅色跟辣椒屬火, 天花為頭部, 唔通真係咁攪到個仔熱到噴晒火, 嚇到我立即扔左盆辣椒, 拆埋把吊扇, 冇幾耐個仔真係開始生番D頭髮, 係呢一刻點到我唔信。

亦因為咁, 我對中國呢種古文化產生興趣, 覺得係一個寶藏, 研究左幾年都只係識少少唔敢扮代表, 但玄學就變成我既另類興趣。

但我仍是要講, 八字令你知命不等於認命, 命運仍在我們手上, 因我信種善因得善果, 多種善因, 可令人改變命運, 還有就是風水不是萬能, 佢只可以在你好運時錦上添花, 行衰運時雪中送炭。

4月24日

今朝上磅數字係:  118.20

早餐(8:00):  暖水一杯

        (9:15):  橙及蘋果各一隻

        (11:00): 桃味乳酪半杯

午餐(12:30): 腸粉半碗, 青瓜芽菜半碗, 凍咖啡半杯

下午荼(4:00):  水煮西蘭花一碗, 蘋果沙參玉竹湯一碗

            (5:30): 荔枝椰果一粒, 香蕉一條

晚餐(7:45):  蒜香豬扒一塊, 清炒合掌瓜一碗半

                    蘋果沙參玉竹湯一碗

Snack(8:30): 橙一個

 

覺得自己最近呢個幾星期唔乖, 成日跟唔足宇宙自然飲食法, 磅數唔落不持止, 仲有DD反彈, 唔得, 唔可以再失敗, 要重新出發, 作出檢討, 點解我D酵精仲未到架, 我要打勝仗, 學綠茶咁同拜拜肉講永別, 加油, 加油ｏ

 

美麗係由內到外

我非常認同美麗係由內到外, 真係要做到"外敷內服", 雙管齊下至會靚得持久。

要靚, 除左平日做足皮膚護理外, 我很相信食療及多飲湯水滋補, 身體好皮膚自然靚, 那是由身體內散發出來的神采, 幾貴既護膚品都未必做到, 因為我親身經歷過。

講真我係一個唔多合格既主婦, 有時仲要比人寸係"無飯主婦", 我對煮野食既興趣真係唔大, 煮極都無乜大進步, 最多只係唔難食, 煮餐死仲要比個妹話冇heart, 不過好彩佢同我屋企幾位老細仲會讚下我的湯水掂。所以就算偷懶唔煮飯, 都一定要有湯比家人飲。所以好開心Angel 教我地煲瘦身湯, 又補身又瘦身既湯水, 正。

中國人既湯水梗用好多不同中藥材及煲湯料, 其實六年前既我, 沙參黨參花旗參都未分得清, 就係一件事令我讀左幾本中草藥既書, 對中草藥叫有番D常識。

事緣我的寶貝仔二歲多時, 突然脫髮, 學名叫"班禿"即係俗語所講既"鬼剃頭", 睇西醫只係叫你大力卒D類固醇藥膏係頭皮上, 但冇效, 繼續甩, 個位doctor既態度仲勁差, 最嚴重時九成頭髮唔見晒, 你話做阿媽既幾徬徨。

最後係朋友介紹下睇中醫, 每個weekend就去睇, 執五劑茶, 日日煲日日叫個仔飲, 好彩佢乖又肯飲, 最後好堅持咁飲左半年, 終於慢慢生番晒D頭髮出來。要堅持係因為身邊好多人叫我放棄, 飲黎多餘咁話。

你知喇, 日日係度煲中藥又唔知煲D乜, 又擔心個仔飲D唔知乜落肚, 唯有每次執茶, 偷偷地抄低D藥名再睇書了解下, 知識就係咁浸返黎。亦因為咁, 比我發現個仔對金銀花感敏, 有次個仔飲左劑茶後出紅點, 我睇番包藥, 見金銀花係唯一新加入去呢包茶度既草藥, 再同醫師講, 佢都話真係第一次放此草藥落去藥方中。

而家我好信中醫埋論, 但在紐約, 好中醫難尋, 醫好我個仔呢個年多之後又退埋休。

2008年中身体勁差, 貧血到要照胃照腸, 成個人好水腫, 個樣冇晒神采, 塗乜護膚品都無用,  勁沮喪。

 直到去年四月經一位老友介紹, 搵到一個掂既醫師, 幫我調理番好身體, 又用拔罐解決左我一半既水腫問題, 點解係一半, 因為九月佢已經告老還鄉, 返左中國, 就係咁我又冇人理, 對腳既水腫問題仍未解決晒, 但冇以前咁腫。

講到呢度, 想唔想知我為個仔, 除左睇中草藥既書之外, 仲研究埋邊類書藉呢? 你一定估唔到, 估下呀, 不過估中無獎, .哈...

下一篇開估話你知。

4月23日

今朝上磅數字係:  118.00

早餐(9:00):  暖水一杯, ，紅提子廿粒

                    桃味乳酪一杯

午餐(12:00):  煎蛋一隻, 小肉腸兩條, 熱咖啡半杯

下午茶(3:00):  小華漢堡一個, 炸薯條十多條 (又犯規 )

            (4:00): 蘋果一個, 紅提子十五粒 (呢兩樣係返到屋企補飛既)

晚餐(7:30):  焗日本蕃薯一條(中size), 清炒合掌瓜二碗

Snack(8:30): 奇異果一個

我的每日護膚程序

今次來分享一下我的每日護膚程序。

早上洗乾淨臉後抹Estee Lauder既爽膚水, 之後塗上Estee Lauder Idealist打底, 再塗Estee Lauder既DayWear Plus防晒日霜(呢隻防哂唔係超好但ok, 做makeup base也可以, 夠潤, 上完粉唔會起乾紋) 當然仲要塗眼霜, 冬天天氣乾及冷時, 我會在塗防晒日霜前加塗補濕精華, 美國冬天又凍又大風, 唔想皮膚龜烈。

若果有化粧, 夜晚一定要落粧落得好乾淨, 如果唔係D化粧品殘留係皮膚上, 勁傷皮膚, 咪制呀, 塗多幾多好野到補唔番。Clinique既Eye makeup remover幾好幾乾淨, Estee Lauder既eye makeup remover 就太mild 啦, 有時抹唔乾淨D睫毛液ｏ

一個月前晚間洗乾淨臉後會用SKII既爽膚水, 神仙水, Signs Treatment totality(未轉新版), 之後塗埋佢既Signs Nourishing Cream, 最後係La Mer 既皇牌eye cream。SKII既產品效果真的很好用, 但佢既eye gel個人覺得麻麻地。

最近呢一個月, 夜晚轉左用Janssen既products, 用緊佢美白個條line, 爽膚水後塗佢既皇牌六星期美白精華及晚霜, 有時覺得乾, 仲會用埋佢既補水安瓶(濃縮精華), 暫時覺得唔錯, 仲有幾隻products 效果很好, 幾見效。而Eye cream 仲用緊La Mer既。

係呀, 我日夜用不同既護膚品架, 有時夏天及冬天又不同, 一年半載又換下第二隻牌子, 唔想皮膚對同一產品習慣左咁。自從二十年前, 我仲係十八歲卜卜脆既時候, 買下人生中第一套護膚品後, 係呢廿年護膚生涯入面, 我試過既品牌真係多不勝數, 暫時仍未有一個品牌令我成為佢既die hard fans, 因為我仍然不斷尋找更好既, 仲有就係開始尋求高科技產品, 皆因我老啦。

唔好唔記每星期去角質一至二次, 可用磨沙膏或去角質gel, 定期去角質層, 皮膚會對護膚品吸收得更好。

仲有每隔三個月左右, 我會黎次皮膚斷食, 冇錯唔係自己唔食, 係唔比D皮膚咁補, 要佢餓下, 我會連續四,五日度只塗最基本既爽膚水及面霜, 不用任何精華液, 唔敷面膜, 之後再做番平日護膚程序, 皮膚會特別吸收。

除左每三至四星期去美容院做facial外, 係屋企每星期自己都要敷番一兩次D美白或補濕面膜。可能你會話使唔使每星期兩次呀! 兩次唔算多啦, 我有位老友勤力到日日敷面膜架!

歡迎各住姊妹留言, 一齊交流下護膚心得, 有好野記得單聲話我知。

靚係有代價既!

唔知各位姊妹既每日護膚程序係點既呢?

最近我先發現有人日頭唔塗防晒, 有人唔用爽膚水, 最離譜有人同我講只塗日霜, 晚間什麼也不塗, oh no, 浪費左皮膚最佳修護時間。

防哂點可以唔塗, 你知唔知那些 UVA & UVB有幾毒?

UVB會晒紅你晒黑你晒傷你, UVA就會晒老你, 令你皺皮。

仲有大多數後生女只愛買化妝品, 唔多緊張護膚品, 小妹妹, 廿五歲前仲可以好大聲, 但當廿五歲後, 皮膚情況每況愈下先知驚就弊啦!

所以話皮膚唔補好易老, 唔一定要用最貴既產品, 但一定要用對皮膚性質及年齡既護膚品。唔係貴野就一定好, 個人覺得最緊要見效, 唔係幾名牌幾貴都冇用ｏ

仲有唔識就要問, 真係有人同我講話, 用來用去都找不到合適既護膚品, 等我問多兩句, 先發現佢錯晒, 仲要錯足咁多年! 陰公!

我的天啊! 原來佢本身係乾性皮膚但就用油性皮膚產品, 你都O左咀呢, 佢話諗住自己乾, 咁咪用油性產品, 用左相反思維黎諗, 死未!

唔好齋羨慕個D皮膚靚, 樣又比真實年齡young既人, 邊有咁多天生麗質呀, 呢D靚人唔只肯買護膚品, 仲要買完會用, 肯花時間仲要肯花心機呢。

 所以呢個世界係冇醜女人只有懶女人。

靚係要付出代價既。

下一篇再跟大家分享我的每日護膚程序。

4月22日

今朝上磅數字係:  118.00

早餐(9:00):  暖水一杯, 啤梨一個

         (10:30): 羅漢果西洋菜湯一碗, 西洋菜(湯渣)一碗

午餐(1:00):  白粥一碗, 油條半條

下午茶(3:30):  香蕉一隻

晚餐(7:00):  蒜蓉麵豉蒸排骨八粒, 水煮菜心苗半碗,

                    水煮西蘭花一碗, 羅漢果西洋菜湯一碗, 

Snack(8:30):  紅提子二十粒

咦, 寫完發現今日冇食蘋果, 有人問我朝朝暖水一杯蘋果一個, 頂得住冇?

我就話OK呀!

但佢竟然話佢睇到頂唔住啦!   叫我轉下第二樣啦!

好, 就轉啤梨一日先再黎蘋果。

4月21日

今朝上磅數字係:  118.20

早餐(9:15):  暖水一杯, 蘋果一個

午餐(12:30):  雞蛋燒餅一件, 蠔油菜心一碟

                      甜豆漿一杯

下午茶(4:00):  香蕉一隻

晚餐(7:15):  磨菇炆雞中翼三隻, 清炒小棠菜一碗

                    羅漢果西洋菜湯一碗, 啤梨一個

Snack (8:30): 蘋果一個

今日練宇宙神功算合格, 做到三七比例, 繼續努力, 拒絕誘惑, 見到其他blog友減得咁好, 自己真失敗, 要堅持, 唔理乜飯局都好, 要堅持.....ｏ 

4月20日

今朝上磅數字係:  118.20

早餐(8:45):  暖水一杯, 蘋果一個

午餐(12:30):  越式粉皮三條, 咖啡一杯

下午茶(3:30):  蘋果一個

晚餐(7:15): 蒜香雞一件, 生炒骨三粒, 肉餅一小塊

                   炒唐芥蘭半碗, 上湯莧菜一碗, 橙半個

唔係麻,   幾日咁就重左0.8磅, 唔掂呀, 真係要諗諗佢, 再係咁日日老友飯局, 老爺飯局既話, 我個目標就會由對面街走左去對面岸啦!

本來諗住晚餐靜靜地齋食菜, 但最後計畫失敗ｏ

4月19日

今朝上磅數字係:  117.80

早餐(7:45):  暖水一杯, 蘋果一個

午餐(11:30):  Pancakes 二塊(少許牛油及糖漿)

                      橙汁一杯

下午茶(3:00):  凍咖啡一杯, 蘋果一個

             (4:30):  薏仁玉竹瘦身湯一碗

晚餐(7:30):  有朋友生日, 去左食自助火鍋仲要有埋自助餐, 都唔知點寫食左乜,

                    雖然未食到亂晒籠失控, 菜同海鮮比例一半半左右, 但最衰忍唔到最後

                     食左大半件Mousse Cake呢, 死未!

 Snack(9:30): 菊花茶一杯


今日練功失敗, 最慘係明晚老爺又叫出街食, 可唔可以食住家飯呀, 再咁落去, 我實暴肥啦! 唔制呀!