4月5日

今日上磅數字係: 118.8

經過呢兩三日食到亂晒籠後, 今朝上磅果然失守 , 比前幾日重左半磅。響起警號, 要小心啦! 

講番昨日掃墓後, 一大班人拉大隊去行outlet, 一行就六個鐘, 仲要收獲唔大, 返到屋企已經10點啦, 超級累 , 所以電腦都冇開, blog都冇寫, 沖完涼即刻去睡, 今朝起身, 仲係好累, 對腳同個body好似互不相識, 起身成粒鐘至覺得好D。

好在昨天洗定D士多啤梨, 帶定D橙可以係車上食, lunch要食麥當當魚柳飽, 而dinner就有個靚沙律食下保番數, 再加一小件焗三文魚, 三隻蝦。

講番今日食左乜

早餐:  暖水一杯, 低脂牛奶一杯

午餐:  藥材雞腳二隻, 排骨二粒, 蛋撻仔一件,

           馬蹄榚半件, 奶皇飽半隻, 橙一個

晚餐:  水煮西生菜一碗, 皇子菇炒小白菜一碗

           蒸排骨三粒, 紅提子二十粒

一睇午餐呢個陣容, 就知我又比人捉左去飲茶, 今次係表哥一家四口, 點解個個咁鍾意飲茶, 一飲茶就好難跟宇宙自然飲食法, 冇理由叫個個人就你一個架, 一放長假期, 好多人搵我食野見面, 點都要比下面, 皆因全部係我既至愛親朋。

無計, 唯有晚餐補飛, 食番清D, 食多D菜, 呢幾日都食唔夠菜, 好掛住佢地, 所以今晚煮佐兩碟菜, 一碟排骨。

真係要諗諗學綠茶來個三日纖腰收腹餐單至得啦!