再見2011

時間過得真快, 2011年又快完結啦!

回顧今年過得充實又快樂, 自從2010年認識教主Angel, 學識宇宙神功再瘦身成功後, 我的人生變得色彩繽紛, 最意外是認識到一班遍及全球的小天使姊妹。

今年8月更有機會飛番HK参加第二届Super Angel超級天使嘅選舉活動, 最開心係可以見到教主, 又跟一班姊妹老友見面。

更令自己意想不到嘅係我同啊妹竟然可以將Ankang安康這些寶貝產品帶來紐約, 令更多人認識排毒及健康瘦身的重要性。

從來無諗過係屋企做咗十年肥師奶嘅我因為幸運而遇上「天使」, 一切都变得不一樣, 唔單只重拾good fit 身型, 更加重返職場。

我跟好多小天使姊妹一樣, 每次見都教主, 心情都異常激動, 簡直非筆墨能形容, 只因她帶給我太多太多不一樣的體會。

我又敬又愛的教主, 多謝你賜給我的美麗「麒」蹟。

還有一件在2011年的開心事, 就係我終於感染咗啊妹做埋宇宙村姑, 佢仲係半年减走21磅肥膏, 成功咁健康瘦身。

2012年好快就到, 希望新一年能更快樂更感恩地實現我的夢想。

Happy New Year to my dearest family and all of my lovely friends.  

外食宇宙無難度

有很多剛搬進宇宙村的新丁們常說跟宇宙之後很難出外吃飯, 只可以在家自煮, 一外食便破戒啦!  又或是有些在校生說因不能自煮, 所以宇宙不到。其實一點也不難, 難在你的决心有多大, 有多堅定。

因為大家始終要吃飯吧!  吃什麼下肚是由你自己决定啊! 雖知一下子完全改变飲食習慣, 對某些人可能很難, 那便循序漸進。初時若未能吃對七三比例, 那最少先吃對食物配搭, 蔬菜配一種肉或蔬菜配任何海鮮或蔬菜配澱粉。再從比例慢慢改变, 如先五五比例, 再六四比例, 繼而七三, 肯嘗試肯努力, 才有機会成功。

好像繁忙都市人沒時間自煮, 很多時下班後也要在外面解决吃的, 我也是個常外吃的人, 午餐上班一定是外賣, 晚餐一星期有一半時間也是外食, 但我同樣能用宇宙神功成功瘦身啊。外吃時要多選擇白灼, 清蒸, 鹵水, 炆煮的菜式, 不要選擇太油膩的, 多叫蔬菜。


像冬天我們最愛的火煱就很容易宇宙, 選清湯湯底。 我知很多人習慣先吃肉海鮮等, 最很才灼蔬菜吃。但我会先吃大量不同蔬菜及菇類, 之後才選一種肉如肥牛, 雞肉或豬羊, 或可吃多種海鮮。原因是先灼肉或海鮮, 油都流進湯底裹, 灼菜時, 菜便会吸了那些油再吃進肚裏。同也不要吃那些肉丸魚丸蝦丸啊! 因為有防腐劑添加物那些, 少吃為妙!  還有一重點是注意醬汁, 不為意便攝取過量塩分了!

身處國外的我, 很多時也会吃西餐, 更易做到宇宙, 先吃下沙律才吃主菜, 一點難度也沒有。但吃沙律又是同樣留意沙律醬, 選低卡低脂的。

上班一族要常在外午餐, 要宇宙也難不到的我, 這些便是其中一些外賣午餐。中午我多數選蔬菜配澱粉類, 晚上和家人一起才吃肉。

跟家人一起外食也很簡單, 最重要有蔬菜, 另外他們吃什麼肉或海鮮也好, 我吃一些夠3成主食要求就ok啦!  好像這一餐, 我可以有豆仔炒蝦球再吃一兩隻蜆肉及一些蒸水蛋, 又宇宙到了!

家庭大聚會叫到一枱也是餸菜, 也沒難度, 我多數選菜跟海鮮, 每樣吃些再配足七成蔬菜, 有時怕不夠蔬菜, 我連伴碟的菜也吃掉。哈~~~

難是難在自己有否足夠定力, 不受誘惑而亂吃一通。像這一餐我便要力抗紅燒乳鴿及甜酸肉的誘惑了!

不過有時過節, 親朋共聚而打算破戒, 我便会事前吃定消脂甲殼寶, 事後再來杯酵精或玫瑰草本茶, 什麼也炸掉, 第二天排清出體外便萬無一失。

總括來說, 只要有决心, 外食無難度。未能一下子改變過來, 便先乖乖地把肉/海鮮跟澱粉質分開吃, 未能吃白灼那便先清炒少油, 戒掉炸物, 再從比例改變。由小改變再到大改變, 始終有成功一天, 總比什麼也不試, 光說辨不到好。

有微博的姊妹們, 請多多關注啊!

微博 http://weibo.com/goldenjenny

最近開通埋新浪博客, 有空過去探吓我!

 新浪博客 http://blog.sina.com.cn/goldenjenny88 

瘦身期間要滴油不沾嗎?

瘦身期間要滴油不沾嗎?  很多瘦身人仕聞油色變, 好似減肥就要与油絕緣一樣, 滴油不沾。但係有冇諗過物極必反呢四個字呢!  身體為何会有油分即係脂肪這樣物質存在, 當然係我們需要佢啦!  要注意嘅係吸收量, 不斷大魚大肉, 無肥不歡, 吸取過量自然囤積脂肪, 而來自動物的飽和脂肪更會阻塞血管, 變成三高之源。三高就是高血脂、高膽固醇及高血壓。雖然油分吸取過量有害處, 但並不表代我們要用一刀切的對策, 只要揀啱油, 更本不用怕。

瘦身教主Angel 話過女仔要瘦得來仍有油潤的感覺才美。 如果只係齋瘦, 瘦都乾巴巴變到人乾咁, 呢种病態瘦你要嗎?  完会沒油, 我第一樣想到的就是我的肌膚會糟央, 皺紋湧現呀! 這個對我來說實在接受唔到, 唔好話皺紋, 女仕們一定連幼紋都唔想出現係塊面。

適量脂肪可提供正常能量及防止體温外散, 所以瘦人怕冷囉!  仲有就係有些脂溶性維生素係要油分來幫助吸收, 如維他含A、D、E及K。另外脂肪還有一用途就是用來圍繞在我們體內器官周圍, 用作保護及支撐器官啊!

減肥期間唔係唔食油, 係要食好油。教主教落食好油唔止唔会食肥你, 仲会幫助減磅兼降低壞膽固醇, 變得又瘦又靚哩!

你睇我聽教主話, 改吃好油一年多, 減完肥咁耐仲係容光煥發、神采飛揚, 絕對冇乾憎憎皺晒皮。哈......

中國人愛鑊氣, 多用高温煮食, 但其實不是每隻油也能高温啊!  只要一over佢哋個發煙點, 啲油就会釋放毒素再被吃進身體。我家現在必備兩隻煮食油, 就係低温冷壓葡萄籽油(Grapeseed Oil)及特級冷壓初搾橄欖油(First Cold Press Extra Virgin Olive Oil)。葡萄籽油用作煎炒, 因其發煙點高, 能高至216℃, 可作高温煮食。而特級冷壓初搾橄攬油則因其發煙點低, 不能熱過160℃, 所以只可以用作凉拌、蒸及烚菜時用 (蒸及水煮嘅温度不会高過100℃)。

我買特級冷壓初搾橄攬油多選出產自意大利的, 因意大利是出產橄欖的大國, 比較有保証。圖中前排右一至右三, 三隻我也吃過。靚嘅橄欖油一定係用玻璃瓶裝載才不易氧化, 不要揀那些用塑膠樽裝那些呀!

而葡萄籽油我就買過意大利、法國及葡萄牙出產的。圖中這隻我也吃過, 是法國出產的。

千祈咪用橄欖油嚟煎炒炸, 大錯持錯, 高温後好油變壞油, 浪費金錢又傷身。你可能話見到市面上有些什麼純橄欖油(Pure Olive Oil)、Extra Light Olive Oil, 花生橄欖油等一大堆, 都話可高温煮食。 梗係可以啦!  呢啲油經巳經精制(Refined)、氫化(Hydrogenated)或氧化(Oxidized)過, 所以發煙點提高咗, 但經過呢啲再生程序後已變成壞油。特級冷壓初搾就是橄欖一摘下來用天然冷壓下搾取出來的第一層油, 當然係最好及最貴!  之後再番搾多次出來的橄欖油就会有雜質及要經過精製程序來變成食油, 所以價錢平啲囉!

教主教落食咗好油如特級冷壓初榨橄欖油, 當中的不飽和脂肪可降低壞膽固醇、防止血管堵塞、預防心臟疾病、提升免疫力，更有助消化和減肥。但即使係好油，如製造過程或烹飪方法錯誤，性質會改變或產生有毒物質, 搞到好油變壞油。大家一定要注意呀!

以下三係links係教主講食油嘅blog, 要知多啲就跳過去拜讀一下, 增值自己啦!

食油不健康容易肥(上)
http://blog.angeltong.com.hk/news_columns_detail.aspx?columnId=622&columnCategoryId=4

食油不健康容易肥(中)
http://blog.angeltong.com.hk/news_columns_detail.aspx?columnId=623&columnCategoryId=4

食油不健康容易肥(下)
http://blog.angeltong.com.hk/news_columns_detail.aspx?columnId=624&columnCategoryId=4

教主還介紹過她愛用未经精製初榨椰子油(Unrefined Virgin Coconut Oil)，因其可高温煮亦味道芳香。不要一聽見椰子油就呱呱叫話肥, 不健康。教主自己都会食, 就梗係有原因啦! 留意係未经精製的初榨椰子油, 內含一種非常健康物質叫月桂酸(Luric Acid)。母乳其中一個成份就是中鏈脂肪酸「月桂酸」, 未经精製的初榨椰子油的成份內含高達50%「月桂酸」啊!

天使会會長綠茶曾寫過一篇講解初榨椰子油內的脂肪有何不同及好處。本來好想揾番條link出嚟, 但我係茶茶yahoo blog & weibo blog揾咗成粒鐘都揾唔到。嗚....最後放棄咗!  但個篇blog真係寫得very good架!  希望啊darling你有時間再揾番出來再置頂, 比我們嘅宇宙新丁師妹們一讀。

講咗咁耐就係叫大家減肥唔係唔食油, 係要食好油。其實應該係所有注重健康嘅人都要識食好油, 所有老婆媽咪級女仕識做啦!  全家健康係你手呀!

有微博的姊妹們, 請多多關注啊!

微博 http://weibo.com/goldenjenny

最近開通埋新浪博客, 有空過去探吓我!

 新浪博客 http://blog.sina.com.cn/goldenjenny88 

排便暢順才易於瘦身

很多初級宇宙小天使最初喝排毒酵精, 聽見「排毒」兩個字就以為係排便咁簡單, 但排毒酵精又點会只係幫助排便咁簡單吖!  排毒是指排清體內毒素, 當然除了係我們腸道內嘅宿便, 還包括積存在我們身体內嘅防腐劑、人造色、添加劑和味精這些毒素。毒素多與少就要看我們以住的飲食習慣了。

平日少吃新鮮蔬果, 又常吃即食麵、午餐肉、各式罐頭食品、叮叮食品、汽水、瓶装飲料及珍珠奶茶這些, 你的身體一定積埋積埋唔少毒素囉!  從而令身体不斷消耗體內酵素來將之排出體外, 增加肝臟解毒及排毒負担。 時間耐咗, 身體缺乏酵素, 各種毛病就会出現, 好似易攰、便秘、消化不良、肩頸酸痛、肥腫及皮膚粗糙暗啞, 缺乏光澤。

有些人被痘痘困擾, 就是体內毒素多啊! 要沒痘痘就一定要排便暢順, 只因毒素一多, 就会回流到血液中運行全身, 再發在皮膚上, 多可怕呢!  要皮膚又白又滑, 首要排清毒素, 改变飲食習慣及体質, 要不然多貴的護膚品放到臉上都無用啊!

你可能会話自己每日一便, 應該無毒素, 但你能確保腸中沒有宿便及有足夠益菌嗎?  只要毒素多, 腸中益菌就不能生存, 那便影響了食物消化、吸收及代謝, 變成惡性循環, 更减弱抵抗疾病能力。

肚腩仔可以是脂肪, 產後鬆馳, 亦可以是宿便形成。

所以有些人一喝排毒酵精及跟隨唐安麒宇宙飲食,就能一下子在短時間內减去很多磅數及瘦下來。每個人体質不同, 以住嘅飲食習慣也不同, 所以快慢也不一樣, 但肯定的是只要持之以久, 一定会成功。

宇宙飲食以新鮮蔬果作早餐, 目的是吸收酵素及幫助排出前一晚所吃的東西。只要消化得好, 該吸收的吸收, 該排走的排走, 自然不会胖。不要再給自己藉口說水果寒凉不能多吃, 能否做到是從心出發, 自己抗拒着的事是不會做的。瘦身教主Angel 教落, 依体質選水果, 怕寒涼便多吃平性水果或水煮菜, 亦可加喝薑茶去中和寒性。只要有决心, 一切也不是問題。

還有是有些宇宙新丁說加入宇宙村後反而出現便秘。要解决便要多飲水, 一天飲夠8-10杯。

是水呀!  那些咖啡奶茶及瓶飲品不算哩!  咖啡奶茶利尿, 反而令身体更缺水。跟隨宇宙後, 纖維一定会吃多了! 但也要飲足夠嘅水才能令纖維在大腸中澎脹, 那才易於排出啊!

教主說過身體毒素多便容易形成「虛胖」, 虛胖就是有些人看上去給人肥腫而不是肥胖的感覺, 其實這種體態就是体內毒素排不出, 變成多餘水液積聚在身体, 這些既不是脂肪, 亦不是肌肉。所以用狂做運動、狂節食的方法也減不了磅!  排清毒素便能加強代謝, 這樣才易於瘦身成功。

所以大家要記著, 教主話想要健康想要瘦,  重點是排便蜴順, 沒便秘。只要每天也能路路暢通, 瘦身成功之路就在眼前。

有微博的姊妹們, 請多多關注啊!

微博 http://weibo.com/goldenjenny

最近開通埋新浪博客, 有空過去探吓我!

 新浪博客 http://blog.sina.com.cn/goldenjenny88 

不要盲目只看數字!

上次跟大家說過欲速不達, 就是告訴大家在瘦身路上無捷徑, 只要持之以久, 努力堅持, 定能健康地瘦下來, 最重要是不反彈啊!我是非常讚成在瘦身期間, 每天將飲食及磅數記錄下來。因為一段時間後, 你就能根據這些記錄來對比一下, 知道自己多吃什麼容易增磅, 在每月那些時間会重一點。好多女仔M前極易水腫,我就試過一夜之間肥兩磅, 如果有乖乖跟足宇宙飲食, 我知道那是沒可能發生的, 除非我半夜夢遊, 一夜間吃下七千卡路里, 不然何來那兩磅。

只要來M期不亂來, 又不持M喪吃, 那兩磅會隨住M完而消失。

我有說過記錄磅數有鼓勵及警惕自己的作用。原因是看着磅數每天因自己努力而慢慢向下移, 那是動力及鼓勵。相反, 看見磅數反彈, 就要留意自己有沒有亂食及偷走出宇宙村, 用來警惕自己。

不過如果你是那種因磅數輕微上落也会影響到情緒的人, 便不要每天上磅了! 因為有些女生一見磅數上升一點點, 也会情緒低落到用不吃來務求加快下磅。都說過很多次, 瘦身減肥不是絕食, 只要是選對食物及方法,
飽著肚也能健康地瘦下來。

不要再神經質地担心吃水果有糖分而不吃, 吃一片麵包也出現罪惡感。你可知道任何食物進入身體, 也会轉化為糖分來給予我們能量呢!

磅數要配合身高, 不要亂給自己一個數字來做目標。假如你的標準體重是110磅, 但當你減至115磅時, 可能發現原來自己在115磅的體態已經很好, 那還需要太執着那5磅嗎?

亦不需要拿自己跟明星們比較, 她們因為職业需要, 為求上鏡更好看, 才要比正常體重再輕10磅哩!

有些人同樣高度及磅數, 為何其中一位看上去会瘦一點? 那是因為身體在減去一定磅數時, 肌肉可能還未結實, 仍是鬆鬆的, 而肌肉鬆弛的那一位, 看上去才会胖一點。因此適量運動可令肌肉收緊, 美化體型。

看看我這未瘦身前的照片, 你会估我多少磅?

當時應該大的130磅左右, 但看上去係140磅呢! 暈...

瘦身教主都建議我們用快步行及瑜珈來收緊線條。但如果好似我這些最怕運動的懶人, 就要靠高科技的瘦身纖體儀器了! 像FDA速效瘦身儀及光波緊膚儀都是我最愛的療程。每次回香港也會到Angel Face為自己塑做更滿意的體態。

所以啊! 大家以不要再盲目只看數字, 輕鬆沒壓力地慢慢瘦下來才快樂嘛!  當減肥變成壓力, 像苦差一樣, 那來动力去堅持, 不用兩天已經可能放棄了!

你今日薑咗未?

女仔最緊要夠「薑」, 你今日「薑」咗未呀? 

「唐安麒宇宙飲食」第一教條就是早餐要吃新鮮蔬果。很多初學宇宙的人会有疑問是怕水果多吃会寒凉, 尤其是寒性即陰性體質的人。其實只要加喝黑糖薑茶中和寒性就不用怕了!

黑糖與薑也是寶來!

先講一下薑吧!  薑具有多樣保健功能, 最多人知當然就是它能袪风  但不講不知, 原來薑的抗氧化功效比很多蔬果為高。可能有些朋友不知道抗氧化對人體有何作用, 最簡單易明的說法就是抗衰老呀!  抗衰老這三個字對多少女性來說是夢寐以求的。抗氧化這成分更有助消除血脂的氧化傷害, 而薑所含有的薑醇類成分, 是對抗心血管疾病的厲害武器, 同時更具有抗發炎作用。

而黑糖是用甘蔗搾汁後直接制成, 不經化學過程, 含豐富維生素及礦物質。有吃過黑糖的朋友就知道, 黑糖那糖蜜滋味及其炭燒香氣不是一般砂糖可以相比。更甚是一般的砂糖冰糖都是精製過, 尤其是白砂糖, 少吃點比較好。

愛啡咖啡的我現在都只用黑糖了。

瘦身中的人對糖分攝取都較為緊張, 但黑糖之所以比其他糖好, 是因為它除了提供甜味及熱量外, 還可以活絡氣血, 加速血液循環。它還含有豐富的鐵質及鈣質。那麼你現在明白點解人人話黑糖補血啦!

所以女生M完飲黑糖薑茶可以補充流失了的鐵質。但其實也可以M前飲, 皆因可以幫助經血順利排出, 舒緩經期的不適。所以嘛!  女生就是要多喝薑茶囉!

日本人據說是最先用黑糖養生的民族啊!  日本婦女產後都会飲用黑糖水來補充產後體力恢復, 並同時幫助子宮收縮。

好多人會問黑糖是紅糖嗎?  是啊!  就是同一樣的糖, 英文叫「Brown Sugar」呀!

講了這麼多, 可能你會問究竟黑糖薑茶點樣煮呢?

其實好簡單, 切數片老薑洗淨再切絲, 加入適量滾水中, 用小火煮10分鐘, 再加些黑糖攪至溶化就可以啦!  放幾多糖就看你自己口味了!

都市人分秒必爭, 怕麻煩又懶的話, 好似我咁飲安康的日本冲繩黑糖補茶囉!  方便快捷, 無論在公司還是屋企, 我一定有。加上現在紐約踏入冬季, 由室外凍到癲返入屋內, 冲番杯飲, 即時全身暖笠笠。還有啊!  如果剛開始出現感冒症狀, 立即飲杯都幫到手架!

有微博的姊妹們, 請多多關注啊!

微博 http://weibo.com/goldenjenny

最近開通埋新浪博客, 有空過去探吓我!

 新浪博客 http://blog.sina.com.cn/goldenjenny88 

小公主双重快樂的一天

昨天對我位寶貝女來說是双重快樂開心的一天。先在學校拿獎, 晚上再有全家人幫她慶祝12歲生日。

昨天我要晚一點才返工, 原因係要撐阿女塲, 到她學校幫她打氣。去年同一時間, 小公主嬴得全級Social Studies Fair(歴史科項目)比賽的第二名, 那時的我覺得她是符碌勝出。點知今年同一比賽又比佢拿了個全級第三名返來, 我開始相信我啊女真的開始有些「食」力。

昨天去到學校會塲, 真係好多人喎!  每一年級都有十幾份作品, 幾級加埋幾十件, 仲要件件成個人咁高, 塲面壯觀, 勁呀!

揾到小公主就梗係要幫她及她那件大作品影番張相留念, 順便要跟她老爹交代嘛!

今年小公主選的主題是「The Model T」, 係講述美國汽車工業歷史, Henry Ford 點樣成立Ford 這間汽車廠及他如何令汽車在當時普及化。

所有參賽者一早返到學校己經要輪住見評審及做presentation, 還要答問題啊!  到我們一眾家長到達學校時就只是四圍參觀一下, 影吓相咁啦!

到宣佈得果時, 個個参賽者都有些緊張, 連我都緊張埋一份。

最後宣佈七年級(即是中一)第三名是小公主個名, 我都替她高興, 最少她付出一個月時間去圖書館及上網找資料, 再自己一手一腳完成個project是值得的。雖然小公主話要拿第一名才有資格參選全市的Social Studies Fair, 今年又無機會去見識, 我只好鼓勵她明年再努力過。但作為媽咪的我已經好滿意她這個成績了!  享受學習過程比名次更重要, 壓力太大, 小朋友會不開心的。

到了晚上一家人出外吃飯, 原意不是慶祝小公主得獎, 而是提早為她慶祝生日, 因為正日在下星期中, 所以遷就埋其他家族成員提早幾天開心地飯聚。一枱十四人啊!  叫了十碟餸。有小公主喜愛的蒜茸粉絲蒸扇貝, 又有小王子喜愛的片皮鴨。

其實食了這兩諜再加一大堆菜, 我已經飽了一半, 其餘菜式我也只是輕嘗ｏ

到最後還有雪榚蛋榚啊!  我也吃了一件。好彩打定底, 餐前食定3粒甲殼寶, 返到屋企再啪番杯排毒酵精, 無有怕。已瘦身成功的我, 現在只是維持體重, 一星期有兩餐出村跟家人隨意吃, 絕對沒問題。

我的寶貝女生日快樂身體健康!  

食得「麒」法。不老又不胖

 最近真的比較忙, 連寫blog跟大家分享的時間也少了!  

但大家要找我的話就到FB及微博那邊, 我每天多忙也会到這兩個平台跟大家保持聯絡。有時見到大家給我的留言, 我就會精神一振, 所以你們的留言是我的精神力量啊!

大家都知我跟隨教主修練宇宙神功已一年有多, 瘦身成功以來都未試過體重大反彈, 其實只要食得「麒」法, 體重由自己控制。

很多宇宙新丁担心只吃水果做早餐会不飽及不夠營餐。飽不飽這根本不是問題, 沒限量, 可吃水果或水煮菜至飽啊!  一個萍果不夠, 多吃一個, 再不夠吃多一個火龍果, 包你飽到飛起。至於營養我從未懷疑過会變成營養不良。  新鮮水果充滿不同的維生素及營養成份, 最重要是滿載酵素, 想健康、不胖又不老, 補充足夠酵素很重要。試想想很多人吃麵包、腸粉及餐疍麵這些做早餐, 你肯定這些有豐富營養嗎?  我只想到碳水化合物、脂肪、防腐劑、味精囉!  

記著啊! 是新鮮蔬果, 不要問我可否吃罐頭水果, 罐頭水果充滿防腐劑、糖份及色素呀! 

習慣了吃水果做早餐的我覺得水果令我整個早上頭腦清醒, 反之有時曳曳食個包, 之後胃頂頂兼渾渾噩噩。

能否改變飲食習慣是要看自己的决心, 所以不要給自己藉口, 說水果寒涼不可長期做早餐。水果也有它不同屬性, 有平、熱、寒之分, 配合着自己体質來吃便不怕了!  怕寒涼亦可加喝一杯薑茶中和水果寒性。而煮蔬菜時也可加薑片辣椒絲同煮, 亦有中和之效。

想清楚一點蔬果屬性, 增值自己, 可到教主那邊看看! 

蔬果選擇須知
http://blog.angeltong.com.hk/health_diet.aspx?healthId=530&healthCategoryId=1


還有是早餐是指睡醒之後第一餐, 若然我沒記錯, 教主說過就算你醒來巳经是中午, 仍是要吃水果為一天中的第一餐, 你可以跳過不吃午餐, 亦可先吃水果隔一會才午餐, 但就是要不可不吃水果為第一餐。身體剛睡醒是排毒時間, 吃水果幫助排走昨天所吃的東西。排便暢順才易於瘦身, 這點對想減肥的人非常重要。

吃過水果早餐後又未到午餐前, 可飲乳酪及牛奶, 亦可吃少許穀麥片及梳打餅。

謹記適量是重點, 不要再怕胖便什麼也不吃。宇宙人的我連豬腳牛筋也会吃, 補骨膠原呀!  要皮膚靚及有彈性, 骨膠原不可缺哩! 只要按七三比例, 吃回大量蔬菜, 將食物完全消化乾淨便不會囤積脂肪。「唐安麒宇宙飲食」優點就是吃對比例跟食物, 不用節食又捱餓, 飽着瘦還容光煥發, 不会瘦到乾巴巴, 那種病態瘦我才不要。

將你以住那些要瘦便不能多吃的減肥觀念扔進垃圾桶吧!  只要食得「麒」法, 不怕老又不怕胖。

欲速不達

好多初初開始瘦身時朋友們, 內心都是有些矛盾, 很心急, 一心只想快, 每次上磅都有壓力, 心情隨住電子磅上的數字而飛升下降, 忐忑不安。

其實大家只要放鬆心情,  明白「欲速不達」這個道理, 自然会坦然處之。

有網友問點解喝了酵精幾天都不見瘦, 要多夠才有效。大家要明白排毒酵精之所以能幫助瘦身, 是它幫我們排清所有以住積聚下來的毒素, 潔淨身體, 從而提高我們的新陳代謝再燃燒脂肪, 但每人初期效果也可能不一樣啊!  有些人喝三五天已有感覺, 但有些人要喝一個月才有明顯反應, 這就是取决於我們以往的飲食習慣了!

平日愛吃零食、泡麵、罐頭食品、加工食品的人, 毒素自然較多。這些食品均含防腐劑、添加物、人造色素、反式脂肪及味精, 這些也是毒素, 進入我們身體後是很難代謝出來。在入多於出的情況之下, 身體就会越積越多, 容易造成水腫型虛胖。有研究報告指吃一個泡麵, 身體需要32天才能得那些毒素代謝出体外。那是多可怕的事!

要趕走毒素, 身体要消耗很多酵素的。若果体內醇素不足, 人就会容易疲勞, 肩頸酸痛, 消化不良, 便秘及皮膚缺乏光澤與粗糙。

所以要健康瘦身是慢慢來, 不要寄望一個月能瘦個二三十磅, 做得都也只是傷害身体的做法。

宇宙村內一眾姊妹小天使也明白 , 要跟隨瘦身教主Angel 的「唐安麒宇宙飲食」, 首先要行动, 接着是堅持, 之後就能見到成績。不要問為何跟了三天還不覺瘦這些問題, 仍是那四個字「欲速不達」, 只要乖乖跟足宇宙規條, 不要亂改, 堅持它一個月先再看瘦了沒有。

另外要提醒大家一個小心得, 要量体重就要用同一個磅, 每天同一時間上磅才可以比較, 我是每天醒來後, 上完洗手間就上磅, 經我這一年半每天也做體重紀錄的, 發現晚上比早上重一至兩磅, M前体重亦会上升。若果同時有做飲食記錄, 更可來個比較, 我便發覺自己多吃澱粉質食物, 體重便会上升。我是超愛澱粉質食物的人, 以往因此而胖起來。但千萬不要戒吃澱粉質, 教主說過我們大腦是需要澱粉質, 缺乏的話会變蠢、易發脾氣及易抑鬱啊!  所以現在我是每天仍維持有一餐澱粉質。

想瘦身又急於看成果的姊妹可能會選擇吃減肥藥, 貪它見效快。試想想如果火速地瘦下來但弄壞身體, 停吃後再極速反彈, 我才不要啊!  我要快樂健康地瘦下來, 就算慢一點但不会反彈的, 這才最重要。

大家可以將教主的「唐安麒宇宙飲食」 看成一種健康養生的生活態度。我敢說這飲食法不只是用於減肥瘦身, 它絕對是一個健康養生之道。你看教主年年廿三, 青春不老的容貌, 就知這宇宙神功是個寶來。

看我跟隨教主這飲食法一年半, 人比以前健康了亦年輕了! 每天也心情愉快。

努力不懈

冬天係最容易儲存肥膏嘅季節, 最易令人失守兼鬆懈, 所以我哋一定要提高驚覺, 努力不懈, 將宇宙神功修練到最高境界。

當然我哋都只係凡人, 一定會有失守嘅時候, 特別係今年嘅冬天, 全世界都凍到癲咗。 有時低温下就好易肚餓, 見嘢就放入口, 乜都唔理。但係正常嗰喎, 越凍就越需要能量去支持身體所需。

所以要減肥千祈咪用節食嘅方法, 咁凍仲強迫自己唔食嘢, 暈低都似。

要健康又輕鬆咁瘦身成功, 一定要選對方法。

宇宙村內嘅天使村姑, 個個都練得一身好武功, 只要乖乖修練宇宙神功, 絕對可以又飽又暖又瘦身成功。

宇宙神功強調早餐要食新鮮水果, 皆因早上係排毒最佳時間。

有姊妹話冬天吃水果做早餐有難度, 因為始終想食啲暖笠笠嘅食物至滿足, 其實有時間又有心, 整碗水煮菜做早餐係可以架! 嫌水煮菜太寡, 煮好啲菜加入燃脂酸辣湯內, 惹味之餘, 食完真係好温暖!

真係冇時間, 仲有方法, 食完水果後, 飲番杯黑糖補茶, 乜嘢寒氣都驅走晒!

我認我係懶人, 安康呢啲咁正又方便嘅產品, 一定係我不二之選。若果你有時間, 係可以自己煲薑茶後再加brown sugar, 同樣驅寒又補身。

跟教主煲番個『能量薑棗茶』一樣好温暖。

能量薑棗茶：薑汁1茶匙或薑2片、5粒紅棗、紅糖1菜匙及1碗水

     做法：用中小火煮15分鐘即可。  

要返工嘅姊妹們, 如果係公司揾到一兩個伴一齊宇宙, 咁就easy job喇! 好似我依家返工, 雖然細妹無跟宇宙, 但係佢係無菜不歡嘅, 所以每日午餐, 我哋一定會買一碟白灼菜, 另加粥粉麵飯, 有肉嘅我就比晒細妹搞掂佢。

揾唔到伴嘅姊妹可能話好難宇宙, 夏天真係比較好啲, 可以食沙律, 但冬天始終想食熱嘢, 咁就要揀一啲湯粉麵類, 另加灼菜及菇類, 唔夠菜就加多個生果, 整夠七三比例。總之一唔夠菜就用生果補夠佢。

我通常午餐揀菜加澱粉, 因為另一餐菜加肉/海鮮, 我會留番個quota陪我屋企三位老細食。

我就係咁keep住自己瘦身後嘅體重, 無乜大上落。當然我間中都會出村一遊, 但我一定用孖寶, 酵精及草本茶補飛。就算唔用孖寶, 只要繼續乖乖地宇宙, 或者嚟番一兩日全日菜, 一定無事。

適當時以美食放鬆一吓, 絕對唔係罪嚟, 只要識補飛, relax完再努力。

盡力唔好比藉口自己, 因為一離村出走得多, 久而久之就會做咗迷途小羔羊, 唔識路返番入村。最後將冬天前所踢走嘅肥膏再放番上身, 前功盡廢。

唔好放啲毒物junk food係身邊就冇咁易失守, 因為好多人忍唔住口就衰咗, 我揀唔買, 唔放係屋企公司就唔使引誘自己, 我同細妹都係帶生果放係公司做小食。因為我試過唔食我嘅生果下午茶, 放工肚餓忍唔住, 會自隊番件疍撻, 疍卷甚至乎係一隻包囉! 跟住轉頭又食dinner, 浪費晒啲quota。

寒冷係會令人意志力薄弱, 今日NY大半日係樹落雪雨, 嚟緊嘅weekend, 仲話氣温會跌到得華氐8度(即係HK嘅零下12℃), Friday又再落雪咁話。

我一定會盡會力守係村度, 各位姊妹都要加油呀! 等閒就巡吓blog, 齊齊大叫努力加油, fight低呢個寒冬。