8月15日

今朝上磅數字係:  112.20

早餐(10:30): 暖水一杯, Low fat yogurt drink 一支(3 oz)

        (11:00): 白肉桃一隻半

        (12:30): 朱古力奶昔半杯 

午、晚餐(1:30-5:30): BBQ雞翼, 越南腸粉, 越式肉丸, 扎肉, 春卷, 焗薯粒,

                                   雜菜沙律兩碟, 朱古力慕絲蛋榚一件, 蛋榚半件

                 (7:30):  生果拼盆一碟

                 (9:00): 荷葉草本茶一杯

今日下午又去左Long Island個friend屋企BBQ, 而今日天氣涼涼地, BBQ最正。由1點半lunch time開始斷斷續續咁食, 食到5點半, 我已經扯白旗投降, 個肚仔巳經冇位再吃得落, 連dinner 都只係食多些少生果就算啦。

我自首, 我冇宇宙, 我曳曳, 比各位鬧都唔敢反抗。所以返到屋企第一件事係飲番抔荷葉草本茶補補飛先。大放肆唔乖又玩亂食, 梗要付出代價, 跟住幾日我會食番清D, 都係個句喪食唔怕肥, 最緊要識補飛。

今日既BBQ party 最少40幾人, 叫我攪咁大個party一定舞到成頭煙。

好喇, 齊齊睇下主人家準備既美酒佳肴。

 去片~~~

田園沙律, 越式春卷, 各式薯片, corn chip, 雞肉薄脆, 粟米, 士多啤梨, 除左沙律兩碟及春卷三條, 其他冇掂。

惹味燒雞翼, 細細隻好易食, 我諗我食左半打。

越式腸粉配芽菜, 扎肉及魚露, 自家製, 勁滑超好味, 食左4條。

其他串燒肉, 我只係食左1串圓形既越式肉丸。上面盒係芒果pie, 有D人話好味, 有D人又話太甜。

呢D薄脆我無食, 太毒物啦! 綠色既dip sauce係用牛油果整既, honey試左話好香。而綠色膠盒入面既係homemade brownie, 小公主至愛呢D超朱古力既甜品, 佢話好好味喎!

呢個都係homemade 蛋榚, 冇花巧但好鬆軟, 唔乾又唔太濕, 好香蛋味, 點解我咁清楚? 嘻~~~因為我食左半件, 但檯上既紅洒, 啤酒, 汽水, 意大利 ice都誘惑唔到我, 左邊支礦泉水先係我既。

呢對活寶今次只係玩左一陣水就話太凍上岸喇, 因為NY既氣溫呢兩日涼左好多, 今日只係75-80度左右。你睇小王子攪唔掂支水槍幾不滿, 家姐又掛住擺pose唔理佢。

後尾攪攪下, 唔知係邊樹拎支叉黎玩, 仲笑到哨牙仔咁。

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619