我的寶貝「驚」與「喜」

我的寶貝「驚」與「喜」

相信大家對我家中一對寶貝都唔會陌生。佢哋另一個身份係宇宙特警, 專係我想偷食時, 走出嚟拉人封艇。

今日我呢對寶貝好錫我, 各自比咗一個「驚」一個「喜」我。

冇錯, 呢個驚喜係分開嘅。

首先講講我位小王子, 昨天放學已經有啲唔妥, 謝謝哋咁款, 我都巳經驚驚哋。點知今朝晨早六點走過嚟揾我, 話喉嚨痛, 好辛苦, 講唔到嘢, 佢直情變咗鴨仔聲啦!

唉! 即係你又玩我, 你返唔到學, 我又要帶你去睇醫生啦!

冇預約, walk in 入去等, 最少一粒鐘, 最後我哋係等咗兩粒鐘至見到醫生叔叔, 但唔使10分已經行番出嚟。

騰咗成朝, 成點鐘至食lunch, 好彩下午小王子食咗藥又休息咗一陣, 見佢精神咗, 我都冇咁驚, 最怕佢發燒。呢個就係小王子今日送比我嘅「驚」。

因為小王子病咗, 今日由honey接小公主放學, 小公主一返到嚟, 心情興奮, high爆燈咁, 我仲以為佢傻咗。點知佢一輪機關槍咁不停講, 我終於聽明佢講乜啦!

大家仲記唔記得佢個巨無霸歴史project, 星期二佢做咗presentation, 攞咗個四分, 即係最高分架啦! 當日仲有一位同學仔拎四分, 我諗住ok啦!

今日係最後一日做presentation, 全班廿五人, 有五個人拎四分。聽到呢樹, 我都冇乜反應比小公主。點知佢好鄭重咁, 話經過一輪班上投票, 佢最後勝出, 佢個project成為全班代表去參加NY City Social Studies Fair。

吓! 唔係化? 你講真定講假? 我有冇聽錯, 你有冇咁醒呀! 我唔係幾信喎!

雖知佢努力奮鬥緊, 嘔呢個project出嚟時, 我係HK wet緊, 消遙快活。完全唔知個project係要參加比賽, 我仲以為係普通project功課。

小公主由細到大, 讀書成績只係中上, 唔算標青, 冇攞過乜嘢大獎, 升初中再入番天才班我仲驚過佢, 怕佢應付唔嚟啲功課。

點知~~~~~佢今次真係比咗一個大「喜」過我, 真係估佢唔到囉!

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619