沖繩黑糖補茶3 ~~~黑糖芝麻湯圓

沖繩黑糖補茶3 ~~~ 黑糖芝麻湯丸

今日下午我對寶貝話想食芝麻湯圓做下午茶, 好啦, 又玩下野, 黎個沖繩黑糖補茶 MIX 芝麻湯圓啦! 

材料好簡單, 急凍芝麻湯丸1包、沖繩黑糖補茶1包

做法：將芝麻糯米湯放入適量滾水中用中火慢慢煮熟。熄火, 再放入一包沖繩黑糖補茶，攪勻, 咁就有甜入心既湯丸食啦。

不過明顯地粒湯丸唔多靚仔, 散散地, 急凍貨色, 冇計啦, 將就下!

小公主同小王子認真比面, 連D薑茶都飲埋。

如果你廚藝高超又唔怕麻煩, 湯丸可以唔用急涷, 好似班長綠茶咁親手用糯米粉製作, 佢D湯丸靚仔好多, 睇見都想食呀!

但我既煮食天份, 只容許我用懶人快捷版, 起碼我兩個寶貝唔會冇下午茶食。

仲有佢地只係講左句: 「點解有D湯丸爆左既, 下次唔好買呢隻牌子。」

好彩佢地唔係叫我增值下D廚藝, 大家咁熟, 佢地都知我D廚藝頂盡可以去到邊樹, 都對我無乜額外要求囉。