7月14日

今朝上磅數字係:  112.80

早餐(9:30):  暖水一抔

        (10:30): 木瓜切粒一碗

午餐(1:00): 菜心湯烏冬一碗, 蘋果一個

Snack(4:00): 腐竹糖水一碗

        (6:00): 紅棗杞子水一杯 

晚餐(7:30): 蒜蓉炒菜心一碗, 煎蛋半隻, 蒸排骨五粒

        (8:30): 哈蜜瓜切粒一碗

 

今日陰天, 非常悶熱, 但又落唔出雨, 連心情都差D。

呢個暑假係近年最悶既, 以住暑假未到已plan好晒節目, 任何長短程旅行, 絕不放過, 今年竟然乜plan都無, 好鬼C悶!

點解無plan咁失策?  只因知道要迎接一個大project, 我呢個困左係屋企九年, 焗住要做師奶既人, 應該好快就會重出江湖。 為左應付呢個大project, Monday已開始接受挑戰, 去左training 一日, 增值自己。

其實我係開心可以去學多D野, 仲要係自己有興趣既, 我係一個好享受工作既人, 仲要係個隻一係唔做, 一做就開盡turbo個隻人。煮飯湊仔唔係我強項, 好失敗, 做左成十年, 都只係叫合格, 絕對唔出色。

講番前日去training, 諗住應該修練唔到宇宙神功, 點知train我既鬼婆, 亦係一個都非常注重健康既人, 早餐有木瓜, 提子及藍梅提供, 有生果食, 開心C我啦!

午餐仲勁, 佢係屋企準備好雜菜沙律既材料, lunch時, 即刻將所有材料切好mix埋, 加埋個homemade salad dressing。 我嘆左個好好味既Smoke Turkey雜菜生果沙律, 最開心係佢教我點整個沙律醬, 個沙律醬真係超好味, 最緊要係天然, 冇防腐劑。

各位小天使都可以試下整, 意大利黑醋一碗, 加少許鹽, 再加半隻檸檬汁, 最後加適量初榨欖檻油, 搞勻就得, 好easy, 值得試下。