我的新竉兒~~~抗氧酵精

呢篇blog其實12月初就想寫, 點知搞到家吓至有時間。

就用佢嚟做2011年打頭陣嘅第一篇blog啦!

話說十一月中, 幸運地收到教主千里迢迢寄來的禮物, 其中有兩支我好想好想試嘅寶貝。 就係佢喇!

安康酵精系列嘅新產品~~~抗氧酵精

之前香港之旅, 係Super Angel 頒獎禮入面掛住同其他小天使合照留念, 無留意會場內有抗氧酵精試飲, 錯過咗, 勁後悔。

又因為行李位有限, 我當然用晒啲位嚟買我嘅1號至愛~~~排毒酵精啦!

今次多謝教主嘅體貼, 令我有機會一試抗氧酵精嘅威力。

飲咗差唔多個半月, 每朝30ml, 味道超好, 係我勁鍾意嘅黑加侖子味, 呢隻酵精比較杰身, 同五行酵精一樣, 冲水後要用匙羹搞勻至飲得。

家陣佢巳經成為我嘅新寵, 2號至愛, 皆因我發現佢對皮膚勁有功效, 果然冇改錯名呀! 要皮膚靚, 點可以唔抗氧呀! 想有白滑靚肌膚, 真係要試吓。

之前係blog度提過, 我塊左面豬位起咗三小粒唔知係暗粒定油脂粒嘅嘢, 因為係正塊面中間, 唔敢亂搞, 靜觀其變兩個月都仍然係度, 係HK返嚟之後實在無法再忍, 嚐試整走佢, 最後宣佈失敗, 搞到又紅又腫, 驚慌中, 唔知點算。

當時啱啱收到教主寄嚟嘅抗氧酵精, 梗係立即開始飲啦!

初時冇為意, 飲咗唔夠一星期, 發覺面珠呢三粒衰嘢仲變大咗, 但又發覺好似真係唧得走囉喎! C就C啦! 再郁佢。姊妹們記住, 做呢個危險動作前, 先清潔双手, 再消毒埋支黑頭針。到最後真係比我消滅咗佢哋, 安樂晒!

家陣只係仲有一個淡淡的印, 等佢消失埋就靚番喇!

11/07/2010

嗰三粒暗粒其實好細粒, 但我真係睇唔順眼, 忍唔到囉!

11/12/2010  比我搞完, 中間嗰粒大咗又腫埋!    

                               

12/31/2010  消失咗, 平滑番, 等去印!

          但跟我飲抗氧酵精有乜關係呢!  我之所以覺得係抗氧酵精幫我一把, 係因為我發覺除咗呢三粒暗粒可以谷咗出嚟比我消滅佢, 連我髮脚啲邊緣位置都爆咗好多粒暗瘡嘅物體。真係乜嘢毒素都谷埋出嚟!

飲咗兩支抗氧酵精, 我覺得啲皮膚白咗, 滑咗, 仲有光澤咗! 掂呀!

想改善皮膚質素嘅姊妹們, 抗氧酵精真係值得一試啊!  千祈咪走寶呀! 

令人難忘的2010年

時光飛逝, 2010年又接近尾聲啦!

各位blog友仔小天使們, 係新一年有乜新年大計呀!

今年初我嘅新年大計就係減肥成功, 我得咗啦!

但當中好多奇遇皆由一個奇緣開始。一個肥師奶減肥嘅故事, 就由遇上一位不一樣的CEO Angel 唐安麒開始, 冇Angel 嘅宇宙自然飲食法, 就冇今日瘦身成功嘅我。好慶幸自己選擇咗教主所推廣嘅宇宙自然飲食法, 飽住肚嚟瘦身成功, 幾咁奇妙。17磅肥膏就係咁輕鬆地踢走咗。 

加入Angel's angel, 跟志同道合嘅瘦身戰友, 互相鼓勵支持, 再發揮教主宣場嘅互愛精神, 發放正能量, 健康地減肥修身成功。好開心係網上所結識到嘅一班blog友仔。你們令我嘅生活更充實美麗。我位honey話下次我哋重臨香港時, 平日巳經爆到七彩嘅時間表, 一定變為爆到九彩。

更奇妙嘅係無諗過會有機會被教主邀請返香港做瘦身實証, 見識我平日生活鮮有接觸到的人和事, 兩星期嘅香港之旅, 令我有機會見到教主, 更與一群網上嘅小天使相認相聚, 連場飯局, 樂而忘返, 差啲比呢邊三位老細出通緝令拘捕我返歸。

真心一句, 好高興可以識到呢一班小天使, 各位babe ~~~ I miss all of you!

教主更令我見識到乜嘢係高科技瘦身儀器, 係香港期間, 我試咗好多唔同嘅皇牌纖體儀器, 一句講晒掂到無朋友。 教主公司入面嘅囡囡位位又靚又專業, 抵讚!

遇上教主, 令我嘅2010年增添無限色彩。仍是老土的那一句, 一切很美只因有你。

Thank you Angel, 給你一個深情抱抱。

其實仲有好多意料不到嘅事係今年發生。

2010年12月, 做咗九年全職師奶嘅我, 因為細妹創業, 重返職場, 所做嘅行業仲要同扮靚有關, 一切一切都好似上天已經安排好咁。

另一個奇遇就係年初跟老友行美容展都可以行出個未來, 兩個貪靚嘅疍散師奶揾到隻好嘢, 拎貨返嚟係友儕間試賣, 諗住賺番啲護膚品錢嘅同時, 又可以分享吓!  點知無情情傾埋個美東九州代理返嚟, 但我要同呢位老友講聲對唔住, 因為某啲原因, 最後我冇同佢並肩作戰, 多謝佢嘅包容。

老友, 如果你睇緊我呢篇blog, 請接住我呢個飛吻。

回顧2010年係我人生中最豐盛, 多姿多采, 機會不斷嘅一年, 以往冇諗過會發生嘅事, 今年不斷出現, 帶比我無限驚喜。所以2010年對我嚟講絕對係奇妙的一年。

2011年將會係無限挑戰嘅一年, 只因另一位八足咁多爪嘅啊妹, 搞咗壇大project番嚟, 有幾大?  對我嚟講真係好大架!  我呢個家姐又要撐撐撐, 但當佢同我講呢個大project時, 我係絕對贊成, 因為一定可以令好多人受惠。唔理咁多啦! 學啲清兵咁, 心口放個勇字, 出盡全力, 做到最好。

但我屋企三位老細就.................

可能會投訴呢個原本都唔多合格嘅無飯主婦, 更加無時間煮。

哎喲! 咁鬼長氣, 寫到篇blog咁長添!

Anyway, 仍然又係我嗰個好老土嘅新年願望!

祝願愛我及我所愛嘅家人朋友身體健康, 日日笑口常開!

HAPPY NEW YEAR!

謝謝你的愛

NY暴風雪後第三天, 這幾天不斷地從blog, FB, e-mail, 收到好多小天使們的愛心問候, 大家擔心我一家的情況。請放心, NY city家陣除咗交通混亂d之外, 係ok嘅。

你們每一個關懷, 我全部收到仲放晒入心裡面, 好温暖。

今日返工喇! 可以用上戰場嚟形容, 因為MTR及巴士仲有d 線係未復駛, 搞到所有打工一族要過五關斬六將先逼到上車, 我就逼到變咗一條可憐嘅沙甸魚, 郁到冇得郁, 又熱又迫, 想除條頸巾透吓氣都冇位, 隔離位哥仔d古龍水又勁難聞, 我差d透唔到氣, 焗暈咗!

好辛苦終於返到office, 只係遲咗5分鐘, 都對得住boss囉! 隔離兩間診所好多病人企晒係樹等開門啊!

今日我就係踏住堆爛泥咁款嘅雪, 又爬又跣咁去地鐵站, 邊個話落雪又靚又浪漫架! 呃人架!  有d街角d雪溶咗, 又去唔到d渠, 比雪塞晒, 一個大大嘅司樂冰水氹係度陰你, 冇著皮boots or 水鞋, 一嘢踏落去, 凍到入心入肺, 仲要"up"成日, 諗吓都打冷震!

小天使們, 你哋依家明我點解咁討厭落雪啦!

我哋位NY市長, 今日先出嚟話表示歉意, 會盡力24小時內剷好全市馬路, 係咪遲咗少少呢! 你哋同清潔局玩OT補水問題, 唔使揾我哋d市民嚟玩架! 我哋有交稅架! 等你哋傾掂數先, 唔係化?  特別係我住嘅Brooklyn南區, 24吋積雪呀老細! 今日第三日先終於見到有市府剷雪車show up, 但我樓下仲係冇變過囉! 睇見就煩C人, 火都嚟埋呀!

好彩學校仲放緊假未返學, 如果唔係d小朋友就惨啦! d車出唔到, 要爬雪山返學喎! 跌親抝柴邊位負責呀。

唉! 希望過多兩日回復正常, 嚟個Happy New Year啦!

攀雪山歷險記

暴風雪被困家中兩日, 食到糧响將盡, 所以今日中午前我哋一家四口本著冒險精神, 决定全副武裝外出闖一闖, 再唔補倉真係要吔穀種~~~白飯。

小公主及小王子要係屋企樓下影番張相留念。

最初我哋只係打算行去, 係.....行去.....d 車無可能出都嚟, 只可以靠對腳, 諗住行去六條街以外嘅老外超市, 買番幾塊牛扒都好吖。但當我哋落樓再行去街角, honey突然比個提議我哋, 話行去四條大道及四條街外嘅中餐館, 嚟個點心午餐, 順便再過幾條街去另一間中國人超市。

吓! 一條大道等於三四條街, 加埋咪十幾廿條街, 但係我哋巳經有d 餓, 飲茶即刻有嘢食喎! 好啦! C就C啦! 四個儍瓜决定挑戰高難度, 向酒樓出發。

快d行啦! 仲掟雪球, 作C咩!

最後我哋歷盡艱辛, 攀雪山再過水, 行咗半粒鍾, 終於到達目的地, 呢一餐真係行得不易啊!

點解篇blog要叫歷險記? 因為NY City真係停頓咗一半, 出面嘅路面情況非常混亂, 好多街道都未有政府車輛嚟剷雪, 好多車C火, stuck住晒d交通, even主要大街嘅情況一樣, 一座座雪山, 睇見都驚, 一個星期都唔知溶唔溶得晒。

千祈咪揸車出去, 冇咗個位, 返嚟唔知泊去邊, 出到去都被其他C火後被主人扔低嘅車塞住, 總之好大鑊。

大家睇睇以下相片就會明白。

你諗吓點樣駛出架車, 仲要冇樹返到嚟再揾位泊至頭痕呀!

行行吓見到呢個位, R哂頭, 架車有翅飛走架! d雪高過我個膝頭哥喎。

出到大街, 完全唔郁, C火嘅C火, 被塞嘅又冇處可走, 勁混亂, 呢條街係左右兩邊雙線行車, 家吓變咗單程路。 

冇呃大家, 真係好多呢d雪山, 我仲以為自己身處北極啊!

呢度叫有條路行吓!

呢個街口d 車又係炒埋一堆, 唔知點走。

打工仔返唔到工, 巴士唔使諗, 地鐵好多線停駛, 我大嗰個妹搞咗三粒鐘先返到鋪頭, 平日只需一個鐘, 佢仲話地鐵內連heat都冇, 凍到佢CC吓!

飲茶間酒樓相熟嘅部長話比我哋知, 暴風雪嗰晚佢哋有wedding party, 成四十幾圍, 完場後過半賓客連酒樓所有員工都走唔到, 要係酒樓渡宿一宵。去飲搞到有家歸不得, 真係奇聞。

呢場暴風雪嘅善後工作真係有排搞。飲完茶再爬過幾係街外嘅超市入貨, 係入貨唔係掃貨, 因為無車, 要手揪返歸, 只好量力而為, 太重嘅話, 唔知點爬過d雪山至返到屋企, 仲要顧住對寶貝, 叫佢哋小心睇路行咪抝柴, 我無力抬你返歸架!

家陣我巳經驚緊聽日返工有冇車搭, 唔知點樣同人迫。煩C人啦!

暴風雪後的一天

今朝八點瞓醒望出窗外, 只係睇到白色一片, 但係已經停咗雪。好囉! 落20粒鐘都搞成咁, 若果真係落足30粒鐘, 真係不敢想像。

大家睇睇啲車, 真係可以消失於雪中, 我架車個車頭比啲雪冰封咗, 我諗成個禮拜都唔使出車啦! 好彩呢個week唔使返學, 如果唔係都唔知點算, 車又出唔到, 行又行唔到。

睇見出邊路面情況咁差, 應該會冇地鐵搭, 細妹都冇可能揸到架車出office, 立即call佢睇吓點, 最後决定call 啲客人取消晒今日嘅booking。唔使返工, 乘機唞多日, 見未夠九點, 上床再瞓過。一瞓返就三個鐘, 爽呀, 精神晒。

再望出窗外, 藍天白雲, 對面屋有幾個人係度出盡力咁剷雪, 其實啲雪厚到咁, 都唔知剷去邊樹好。望吓左邊個人, 啲雪厚到佢大脾位, 好似話總共落咗20吋。但未break record, 2006年2月個暴風雪係兩日落咗26.9吋。

呢幾位人兄係咁將啲雪剷出馬路中心, 雪山咁, 如果有車轉入嚟我哋呢啲細街, 見到座雪山都唔使旨意出得返去。

今次呢場雪, 我係完全唔知道, 所以事前冇去入定貨, 如果往後幾日仲係咁, 斷糧都似。今日下午食咗碗即食麵, 唔使十五分鐘就頭痛, C未, 味精毒物真係少掂為妙!  最後我頂唔住, 啪咗30ml排毒酵精, 點知過咗半粒鐘個頭就唔痛, 唔知係咪啲酵精解咗啲味精呢!

下午三點, 我位honey唔知係咪"out"足三日, 見今日好番啲就身痕, 竟然話帶兩隻嘩鬼落樓下剷吓雪。 喂! 老細, 我哋住condo唔使剷雪過喎! 比咗管理費有人會搞掂架啦! 好明顯你三隻嘢想出去玩雪。

我唔理你哋, 總之咪再冷親再玩病, 我唔想New Year Eve又再留係屋企"out"冬菇。

真係「雪」過天清, 藍天白雲啊! 但係又凍又大風。

呢pair反斗二人組終於一嚐心願比啊媽批準落樓下玩雪。

小公主仲企埋出馬路坐低埋。唉! 啲雪咁厚, 幾時至可以揸到架車。

阿女, 究竟你夠唔夠力拎起個剷架! 後面架車係完全被雪包住咗!

我哋位管理員哥仔究竟去咗邊樹? 下午四點你都未嚟剷雪, 小王子身後間屋, 人哋至少有條路仔比人行呀! 最後我家門前條路仔就係由我屋企三位偉大嘅老細剷出嚟嘅, 真係要比啲掌聲佢哋。