9月10日

各位姊妹我返嚟啦! 「鼠」咗出去玩兩日又無講低聲, 搞到有其他小天使留言話擔心我, 真係過意唔去, 但見你哋咁關心我, 我覺得我哋既個天使家族真係好SWEET, 好WARM!

今朝上磅數字係:  110.60

今朝一返到屋企, 拿拿林跳上個磅睇下先, 好彩力保不失, 雖然我呢兩日有避開我家兩位宇宙特警, 偷食左甜品, 但我只係淺嚐, 過下口癮, 唔敢亂嚟, 我怕返嚟滙報後比教主扭耳仔, 我有天使教主錫比我既宇宙神功護體, 再加埋神兵利器~~~荷葉草本茶傍身, 偷食兩啖冇問題!

早餐(9:30): 暖水一杯

        (10:30): 低脂牛奶早餐麥片一碗

一早返到屋企, 發現斷糧, 弊家伙, 啲生果比我拎晒去旅行, 冇生果做早餐添。

午餐(1:30): 蒜茸菠菜 + 蝦仁炒疍 + 菜心牛肉(走牛肉) + 甜酸雞(只食洋葱青椒菠蘿)

Hea到一點幾, 實在玩得太盡冇力煮飯, 唯有出外揾食, 去番平日去開嗰間家庭小菜既餐館醫肚。

        (2:30): 荷葉草本茶一杯

下午茶(4:30): 低脂牛奶半杯

飲完杯奶, 敵唔過睡魔急call, 走咗去揾周公傾偈, 瞓咗個幾鐘。

晚餐(7:45): 雜菜生果沙律 + 茄醬意粉

Dinner好簡單, 沙律加意粉, yummy!

        (9:30): 中藥補茶一碗

呢兩星期可能出去玩得太盡, 有啲散散哋, 睡眠質素唔係咁好, 如果有睇開我個blog既老友記都知道, 我曾經比一位中醫師調理番好我潺弱既體質, 係佢告老還鄉前, 寫底張藥方比我, 叫我每次M完要飲番一兩次, 但我懶, 有成三四個月無煲喇, 睇嚟又要飲番兩劑至返香港。

 

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619