大西洋城之旅---Day 2

大西洋城之旅---Day 2

第二朝一早起身, 走落酒店樓下間coffee shop食早餐, 食咗煎疍加一塊多士再嚟杯熱咖啡。跟住落嚟既節目係大人細路都唔會抗拒嘅~~~血拼呀!

呢個美國東岸賭城, 以前入去除咗博殺, 睇show, 行海灘外, 係無嘢玩架! 唔似西岸賭城拉斯維加斯, 咁多節目及旅遊景點,

但近呢十年八載東岸呢個賭城大興土木, 家陣圍住酒店賭場附近嘅地方已經變成outlet, 個名叫" The Walk"。 商店仲越開越多添, 係酒店一行出嚟就可以shopping, 仲有好多餐廳, 幾方便。有人揸車入去, 齋shopping, 唔賭架!

呢樹係其中一都份, 每間商店都好大, 乜都有得賣, 梗有啱你心水既貨品, 遇啱啲節日大減價, 真係超筍架。

呢間NIKE超大間, 買波鞋平好多, 我對寶貝著緊對波鞋都係呢度買既, 好抵, $19.99-$24.99, 當然新款啲既會貴少少, 但都係平過正價好多。你睇我honey係度show off 佢既戰利品。

喂! 你兩位唔好行行吓都要攪吓人哋門口隻bear 啦!

咦! 個天好藍喎, 仲有少少白雲。以前我冇乜留意, 但自從教主及綠茶睇見我post既相, 不約而同哋表示NY嗰藍天好靚, 而家望真又真係幾靚喎。

有時人係身邊擁有既美境美事, 覺得無乜特別, 但其他人好羨慕既同時, 我哋着實要珍惜啊!

嚟~~~整多張藍天白雲先!

呢張係Broadwalk上影嘅! 左邊係賭場, 右边係沙灘, 一個我覺得唔多靚嘅沙灘。

呢個係Coach入面嘅display, 班友等我等到有啲悶, 係樹亂影。呢間Coach Outlet, 好鬼多人行, 中國人都唔少, 所有貨品都有折, 有啲on sale items 減完再半價。

最後~~~

我帶咗佢返屋企! 哈~~~, 減到$99再用20% off coupon, 加埋稅, 埋單$83.90。

可以斜"咩", 又可以係shoulder bag, 兩用既, 我就係睇中佢呢點。

仲有呢對5吋高跟, 係Guess度買既, 原價$70, 减到$27, 超舒服, 雖然5吋高, 但著落一啲都唔覺, 仲有買咗件Guess既tube top, 10蚊唔使。

行到兩點, 腳仔軟兼肚仔餓, 今次妹夫揸fit, 决定係呢間食lunch。

露天茶座, 幾好feel喎! 你睇佢哋幾休閒坐係樹等吃。

呢間嘢叫CAVO Cafe, 專食Crepe即法式薄餅, Panini 三文治及Hand Toss Salad。

呢個係我既午餐, 半份用panini 麵包整既三文治, 入面有靈芝菇, 紅椒, 洋葱及蒜頭, 另外半份summer salad 配raspberry balsamic Vinaigrette。盛惠$6.59。

小王子及小公主一人叫一份Ham Cheddar & Tomato Crepe, 呢件法式薄餅, 即叫即煎, 好薄好脆, 包住火腿, 車打芝士及蕃茄, 好正。盛惠$6.39一份。

為食既小公主食完件鹹crepe, 仲叫姨姨買多件甜嘅dessert crepe 嚟大家share。 呢件比佢哋食剩少少既crepe, 入面包住香蕉, 合桃碎及一種特別既朱古力醬叫Nutella, 細細妹話喺歐洲好多地方都有呢隻朱古力醬賣。呢件甜品賣$5.69。

總括我哋既午餐係好好味, 以呢個價錢, 塊crepe叫大塊囉, 係Manhattan 啲餐廳食, 細件好多。

啊女, 拎住隻喼去邊呀! 走佬呀!

食完lunch, 行多陣, 三隻小鬼已急不及待地叫返酒店游水。好啦! 怕咗你哋!

唔好諗住去游水, 我會有水著 look 過你哋睇, 係無嘅, 當日我無落水。

小王子今次最叻就係我妹夫教識佢浮水, 平時既佢行去深水啲嘅哋方都依嘩鬼叫。

今次好醒, 仲扒都兩吓喎!

你睇佢幾高興, 幾有成功感!

家姐都得喎!

游完水沖埋凉, 班友又叫肚餓啦! 今晚唔係酒店食buffet, 行番出outlet度揾吃。

日落西山, 要快手啲啦!

轉個頭唔使一陣, 黑齊。你哋揀定未呢!

最後揀咗Ruby Tuesday 呢間美式餐廳。

 我揀咗食煎三文魚配甜豆及西蘭花, 仲有清水一杯, 諗住宇宙得幾好啦。

點知~~~

喂! 你班魔鬼 做乜係樹睇甜品menu 呀! 唔好咁玩我喎!

佢哋話叫兩個share 啦! 食少少之嘛!

最後我衰咗係呢個心太軟及Tiramisu度, 我每樣食咗兩啖!

但其實兩個都麻麻地, Tiramisu 太重酒味唔夠咖啡味, 而個心太軟就普通啦, 好似Applebees既心太軟好味啲。咁即係我又浪費quota 喇!

失守既我返到酒店, 拿拿林冲番抔荷葉草本茶補飛先!

連衰兩晚dinner, 我驚比教主扭耳仔呀!

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619