9月23日

今朝上磅數字係:  109.80  

Yeah!  New low! 穿咗110, 好開心, keep住就ok架啦!

早餐(7:45): 暖水一杯

        (9:30): 蘋果一個

午餐(1:00): 低脂牛奶一杯

        (1:30): 車仔麵(菜心 + 冬菇 + 荷包疍 + 瀨粉), 凍咖啡一杯 

今日lunch約咗老友撐枱腳, 最後揀咗食車仔麵。 好呀! 可以跟到宇宙。但係我係樹諗明日lunch要食飛機餐, 點宇宙呢? 都係帶定兩隻蘋果, 再加包荷葉草本茶上飛機傍身穩陣啲。

晚餐(7:30): 蒜茸唐芥蘭 + 星洲炒米半碗 + 雞中翼一隻

                   牛蒡紅蘿蔔瘦肉湯兩碗

Dinner 冇跟宇宙, 食咗半碗炒米添, 但返到屋企飲咗兩碗住家湯水, 牛蒡可以排毒, 仲有很多水溶性膳食纖維, 正呀!

HK今年嚟個暴雨中秋, 我哋NY中秋夜都嚟場失魂大雨, 今日全日都天晴, 點知食完晚飯, 車埋啊妹返屋企就開始落雨, 幾分鐘後返到自己屋企, 已變成傾盆大雨, 部車泊正係門口, 兩步就返到入屋, 一樣可以變成落湯雞濕水鴨, 可想而知呢場雨有幾大。

返到屋企, 我仲開行turbo, 吸塵抹地, 換床單, 洗衫, 總之搞掂晒間屋交比三位老細, 我預咗係HK wet完返嚟一定會執屋執到嘔。

呢幾日都唔知忙乜, last day先嚟執行李, 希望唔會執漏嘢啦! 衰鬼啊妹仲話明日返晏, 揾我吃番個breakfast先至佢去返工我去機塲咁話。

小公主及小王子今日開始有啲唔捨得我, 知我明日返HK, 好似烏蠅咁痴實晒, 家陣你哋知我重要哩!  

佢兩位仲叫我到埗記得call佢哋, 小心坐車, 唔好蕩失路.....................又喱又嘮, 知到啦! 幾時身份互換, 變咗你哋係啊媽0者! 咁鬼長氣。

Anyway, 各位blog友仔, 我返嚟啦! 嚟緊呢兩日應該上唔到blog覆你哋留言, 等我。

而家諗緊係飛機嗰16個鐘, 搞乜好?  我怕悶到發癲! 希望瞓得著!

 

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619