華盛頓DC之旅(四)

食完個毒物漢堡包做午餐後, 開車駛住下一站Jefferson Memorial (傑佛遜總統紀念堂)。

導遊先生話呢位傑佛遜總統係美國第三及第四任總統。呢個紀念堂外形都幾宏偉。去到時烈日當空, 曬到我CC下。個日有華氏93度啊!

呢度就係傑弗遜紀念堂入面, 外面好曬, 入面就風涼水冷。

逗留半小時, 就再開車去下一站亦都係華盛頓DC入面, 最後幾個景點~~~Lincoln Memorial (林肯總統紀念堂), Washington Monument (華盛頓紀念碑), Vietnam Veteran Memorial 及Korean War Memorial。

未到前, 途經Pentagon (五角大樓), 遠遠個座建築物就係喇! 911時曾受襲損毀, 現已復原。

呢個廣場時時見報, 因為有乜集會, 都係呢樹舉行, 一邊係林肯總統紀念堂(我身後個座建築物), 一邊係華盛頓紀念碑(下圖)

呢個華盛頓紀念碑係紀念第一位美國總統華盛頓, 但個紀念碑係分開兩個時期興建, 因為當時內戰, 所以你會見到有兩截色。

終於行完條長命斜, 上到黎林肯總統紀念堂, 佢係美國第十六位總統, 解放黑奴個位呢。

咁辛苦行上黎, 點到要影番張相留念既。

好啦! 又要再上車, 出發去旅程最後一站Baltimore (波爾的摩)。

坐左個半鐘, 黎到美國呢個著名港口, 呢度既Blue Crab都好出名架!

呢兩個傻瓜, 咁都要影番張。

終於到左回程時間, 導遊先生話由Baltimore返到Manhattan 唐人街, 需時三個半至四小時。當時係6點, 心諗10都到喇掛。點知司機阿姐又玩野, 行到某處, 我honey已經提醒導遊先生, 司機阿姐行錯左, 呢邊係去費城既, 點知阿「專業」導遊話呢條路無問題, 後尾咪又係出exit, 兜番轉頭, 之後又遇上塞車。

天啊! 我既dinner要係公路上既Service Area解決, 最後逼住食炸雞條, 我只係食左兩條頂下肚, 但D味精勁多, 我要逛飲水, 唔制呀! 兩餐失守, 浪費晒我D quota。激C我啦!

最後我要11點幾至返到唐人街, 返到屋企已經12點啦! 臨尾呢程車真係坐到腰酸背疼, 好惡頂。

總括黎講, 個旅程係愉快既, 但如果司機阿姐唔帶我地遊花園, 導遊先生又醒少少, 咁就會好D囉。

想健康瘦身既你, 快D加入Angel's angel 成為安麒天使, 互相鼓勵, 分享瘦身喜與樂, 齊齊走出自己的美麗人生。

Click 入下面條link, 就可以加安麒天使呢個大家庭啦！http://hk.myblog.yahoo.com/iam-angeltong/article?mid=11619