瘦身期間有家人朋友既支持係好重要架!
因為可以事半功倍, 好似blog友Amy有鋒哥哥撐咁!
但如果你有宇宙特警幫手, 包你瘦身成功!
咪住! 
教主只係傳授左宇宙秘笈比我地呢班小天使。
宇宙特警???? 乜家伙呀! 
宇宙特警, 我屋企就有兩位喇!
佢哋咪係小公主同小王子囉! 我都唔知幾時請咗佢兩位嚟吼住我。
但我呢半年瘦身生涯, 都要多謝呢兩位寶貝嘅。
自從佢地明白咗乜嘢係宇宙神功之後, 每當我想偷食曳曳時, 佢兩位就會冲出嚟叫停我, 尤其係特警隊長小公主, 佢真係盡忠職守。
佢仲叻到牛油果, 粟米, 薯仔, 蕃薯呢啲屬澱粉外, 連日本吱豆, Squash水瓜屬肉類計佢都知。
佢會話:「你食緊雞沙律, 唔好偷食我啲薯蓉。無你份喇, 乖乖地宇宙啦!」
大家都知我嘅C穴係甜品, 每當我去食自助餐, 就算初時揀咗食沙律及海鮮, 臨尾好易就衰係啲甜品手上, 我一拎起件疍榚, 諗住連埋杯咖啡嘆吓嘅時候, 我對面位宇宙特警就會話:「媽咪, 你又犯規啦!」
攪到我好似犯法咁!
依家想偷食真係要過五關斬六將呀, 陰公! 
各位瘦身中嘅小天使姊妹, 想瘦身成功, 快啲係身邊請番位宇宙特警啦!
家陣有幸被瘦身教主選中返去做實証, 佢兩位宇宙特警嘅功勞都唔少。但自從佢哋知道我要返香港會一會教主之後, 呢對宇宙特警即時變身做宇宙匪徒, 齊齊打劫我, 要我係香港買番啲禮物過佢哋。
唔係化? 我咪要大出血!
哈~ 最衰我家小朋友冇夠大個, 唔識做我o既宇宙特警啦....
ReplyDelete[版主回覆09/07/2010 10:41:00]等佢大D, 教識佢!
好sweet呀~~你d小朋友好叻呀~~ " 無你份喇, 乖乖地宇宙啦!" ~~
ReplyDelete[版主回覆09/07/2010 10:45:00]有時比佢地激C啊!
抵錫，下次帶佢地番黎大家宇宙一番~~~~~~!!!!!!!!!!!!
ReplyDelete[版主回覆09/07/2010 11:40:00]哈~~~佢兩個知我返HK, 恨到流晒口水, 直頭想屈蛇返嚟啦!
好勁喎！
ReplyDelete[版主回覆09/07/2010 12:40:00]真情無得頂!
身邊人支持係會最開心架! 所以幾時都話身邊人最重要!
ReplyDelete[版主回覆09/07/2010 22:16:00]所以要錫佢地多D。
好正呀!
ReplyDelete同你一樣呀! 去食自助餐, 就算初時揀咗食沙律及海鮮, 臨尾好易就衰係啲甜品手上
[版主回覆09/07/2010 22:18:00]咪係lu, 甜品有時幾難忍。