我返嚟啦!

我返嚟啦!

期待咗成個月既香港之旅, 終於到起行時間喇!

今朝揸車送對寶貝返學, 小公主落車時有啲眼濕濕, 唔捨得我, 但佢又係樹C忍! 今朝輪到我做白天鵝, 叫小公主放學時, 記得call daddy。

因為今個星期開始, 小公主放學後要係學校補習半小時, 所以佢放學嘅時間同小王子嘅時間重叠, 接到細佬又接唔到佢。咁唯有叫小公主靠自己, 自己行返屋企囉。 雖然只係10分鐘路程, 但上個Sunday已陪佢行咗一次, 呢三日佢行番屋企都冇問題。

而小王子返到學校就只係咀咗我一啖, 叫我記得call 佢, 就走咗入學校喇!

你係咪想問我, 我位honey老細嘅反應係點呢? 係冇反應嘅!

因為今次巳經唔係我第一次自己出門返HK, 由06年到依家, 係第四嘅喇! 所以佢唔擔心係正常嘅! 就正如我唔擔心佢會搞唔掂兩位寶貝咁囉。

Anyway, 家陣同啊妹嘆埋個早餐, honey 就會車我出發去機場。

咁多位小天使, see you all in HK!